Apocalipsis 16:8 - New Testament in Mixtec Diuxi-tilantongo

^8-9 Ijan te n‑xodo ángel kuu koon xa ñuꞌú koꞌo neꞌe‑ia nuu ngandii, te n‑kida Ianyuux xa n‑teñuꞌu ngandii ntdaa ñayiu loko. Xaxeꞌe xa n‑kayu ñɨɨ‑i n‑ka jan kuiꞌa‑i Ianyuux, Ia tuu andɨu chi mee‑ia n‑kida xa kada uꞌu ñaꞌa ntdaa xaꞌa. Dɨuni kuiꞌa n‑ka jaꞌan‑i‑ia. Juini daa n‑yaꞌa‑i, ko ña n‑ka natu ini‑i xa ka kida‑i kuechi, ni ña n‑ka ndadakaꞌnu‑i‑ia.

Apocalipsis 16:8 Referans Kwoze

Apocalipsis 14:18

Ijan dada n‑kee ɨnka ángel nuu io altar veñuꞌu jan. Ia ijan ñunuu ñuꞌú koko nuu altar io andɨu, te xee n‑kana‑ia nuu ɨnka ángel neꞌe yuchi uxu deen jan. Duꞌa xiaꞌan‑ia: —Juan kaꞌnde uva io ñuñayiu xiꞌin yuchi uxu‑n chi xá n‑xichi.

Hechos 2:20

Kunee nuu ngandii te kukueꞌe nuu yoo ná kueꞌe nɨñɨ. Duꞌa kuu antecas xa xee kɨu ndukaꞌnu‑r, te jini ñayiu xa taxnuni‑r.

San Mateo 13:6

ko nu n‑ndii, n‑ka dii te n‑ka yichi xaxeꞌe xa ña n‑xika yoꞌo‑i.

Apocalipsis 9:2

N‑najaan‑tɨ yuꞌu nua jan te n‑kane ñuꞌa yuꞌu‑i. Xaku kuu xa nuñuꞌa ɨɨn xitnu kaꞌnu. Ñuꞌa ijan n‑kida xa n‑kunee nuu ngandii. Dɨuni n‑kida‑i xa n‑kunee ñuñayiu.

Apocalipsis 8:12

N‑tɨu ángel kuu koon strompeta‑ia te n‑tɨu ɨɨn parti ngandii. N‑tɨu ɨɨn parti yoo. Dɨuni n‑tɨu ɨɨn parti ntaka chudini. N‑kunee ɨɨn parti nuu ngandii te dava nduu nga n‑ndii. Dani n‑kunee ɨɨn parti nuu yoo xiꞌin ntaka chudini, te ñatuka n‑ndii‑ia xiꞌin‑tɨ xakuaa.

Apocalipsis 7:16

Mayo ka‑i kojon, ni mayo ka‑i yichi ndute, Ni ma teñuꞌu ñaꞌa ka ngandii; Ma ndaꞌu ka yaꞌa‑i nuu kaꞌni ngandii.

Apocalipsis 6:12

Nu n‑ndata‑ia nuu ndenee sellu kuu iñu, n‑xini‑da xa yo ndeꞌe n‑kɨdɨ ñutnaa ñuñayiu. N‑ndutnuu nuu ngandii. Ná kaa idi nchiva tnuu kunchi kaa‑ia. N‑ndukueꞌe nuu yoo. Nanga kaa nɨñɨ kaa‑ia.

San Lucas 21:25

ʼKada Ianyuux milagru andɨu. Kada‑ia xa dama nuu ngandii. Kada‑ia xa dama nuu yoo. Kada‑ia xa dama nuu chudini. Yo yuꞌu ñayiu xndaxio ñuñayiu hora na kundeꞌa‑i xijan. Dɨuni yuꞌu‑i xaxeꞌe xa ndeꞌe kayu mar.