Apocalipsis 15:3 - New Testament in Mixtec Diuxi-tilantongo

³ Ka xita‑i canción n‑chidotnuni Moisés, se n‑xinokuechi nuu Ianyuux xiꞌin canción kakuneꞌe tkolelu. Duꞌa ka xita‑i: Taa‑ro Ianyuux, Ia kuu Xtoꞌo‑da, mee ni xa vaꞌa kida‑n. Kidandaa‑n ntdandituꞌu xa kida‑n. Xaxa mee‑n ntdandituꞌu xa ñatu kuaꞌa ñayiu xa kada‑i kida‑n. Taxnuni‑n nuu ntdaa nación ñuñayiu. Taxnuni‑n nuu ntdandituꞌu xa io.

Apocalipsis 15:3 Referans Kwoze

Hebreos 3:5

Xandaa kuu xa n‑daxinokava Moisés ntdaa tniu n‑kida‑s xaxeꞌe ñayiu n‑ka jandixa Ianyuux. Se xinokuechi nuu Ianyuux n‑kuu Moisés. N‑jaꞌan ndaa‑s xaxeꞌe ntdaa xa jaꞌan Ianyuux nunuu ka.

San Juan 1:17

Chi tnuꞌu n‑taꞌu tniu Ianyuux, n‑taxi Ianyuux xiꞌin Moisés. Te xamani‑ia xiꞌin xa kuu xandaa, n‑taxi‑ia xiꞌin Jesucristu.

Apocalipsis 19:2

Io vaꞌa xa n‑dayaꞌa‑ia juxtixia ñadɨꞌɨ n‑xo diko mee‑ña. Dɨu ñá yaꞌa n‑dakuaꞌa ñayiu ñuñayiu xa kava koio‑i xiꞌin ñayiu ñatu n‑tnundaꞌa xiꞌin‑i. N‑danaa Ianyuux ñayiu ñuu ijan xa n‑dandenaa‑ia xa n‑ka xaꞌni ñayiu jan ñayiu n‑ka xinokuechi nuu‑ia.

Apocalipsis 14:3

N‑teku‑da xa ka nakuetu ñayiu ɨɨn ndudu xee nuu nukoo Ianyuux silla kaꞌnu nuu xtuu nkoon kɨtɨ dana xndaa jan xiꞌin nuu xyuku oko koon sexaꞌnu ka kunxaꞌu jan. Mee ni se n‑xeen ñaꞌa Ianyuux xa ku kuu‑s daꞌya‑ia kutuu koio xiꞌin‑ia. Mee ni‑s ka kuaꞌa xa nakuetu koio‑s ndudu xee ijan. Ɨɨn cientu uu diko koon mil‑sɨ xa ntdaa‑s.

Apocalipsis 17:14

Nujuiin xiꞌin koio se yaꞌa xiꞌin kɨt ijan te jantnaꞌa koio‑s xiꞌin tkolelu jan xiꞌin ñayiu ka kukanu ini ñaꞌa. N‑kaxi Ianyuux ñayiu yaꞌa, te n‑kida‑ia xa n‑ka teku‑i nax kada koio‑i xa nanitaꞌu‑i. N‑ndaku tkolelu jan nuu‑s chi taxnuni‑tɨ nuu ntdaa se ka taxnuni, te dɨuni kunxaꞌnu‑tɨ nuu ntdaa‑s.

Apocalipsis 11:17

Duꞌa n‑ka jaꞌan‑s xa n‑ka nakuetu‑s nuu‑ia: Taa‑ro Ianyuux, Xtoꞌo‑da ntdaa‑da kuu ñaꞌa. Na kutaꞌu‑da xa taxnuni‑n nuu ntdandituꞌu xa io. Ñayo taxnuni nuu‑n. Daa nga io‑n. N‑kixeꞌe‑n xa taxnuni‑n nuu ñayiu jandixa ñaꞌa vitna.

Apocalipsis 4:8

Io iñu ndixi kɨtɨ dana xndaa jan. Io nduchi nuu‑t do yata ndixi‑t, kaꞌa ndixi‑tɨ xiꞌin diñi ndixi‑tɨ. Nde nuu ndixi‑tɨ ndenee nduchi nuu‑t. Nduu xakuaa ka jaꞌan‑tɨ: Ii Ianyuux, Ia kuu Xtoꞌo‑ro. Ii Ianyuux, Ia kuu Xtoꞌo‑ro. Ii Ianyuux, Ia kuu Xtoꞌo‑ro. Taxnuni‑ia nuu ntdandituꞌu xa io. Kuu‑ia Ia xa daa nga io te jɨꞌɨn ntuku‑ia ñuñayiu. Ka kuu‑t.

Apocalipsis 19:16

Daꞌma‑ia xiꞌin nuu tkajan‑ia ndenee dɨu‑ia. Duꞌa yodotnuni: “Ia taxnuni nuu ntdaa se ka taxnuni. Ia kunxaꞌnu nuu ntdandituꞌu se ka kunxaꞌnu.”

Apocalipsis 14:8

Nu n‑yaꞌa n‑jaꞌan ángel yaꞌa, te n‑jaꞌan ɨnka ángel: —N‑naa Babilonia. N‑naa Babilonia. Ñuu kaꞌnu n‑kuu. Xaxeꞌe ñayiu Babilonia n‑ka kida ñayiu ñuñayiu kuechi.

1 Timoteo 1:17

Ma kɨu ma ñuu kuú‑ia, te io xa taxnuni‑ia nɨkava nɨkuita. Ña kanda ndeꞌa‑ro‑ia. Idii ni‑ia io. Io xa najuen tnuꞌu‑ro ntdaa‑ro xiꞌin ñayiu ñuñayiu‑ia. Nɨkava nɨkuita na kada‑ro xijan. Amén.

Apocalipsis 1:8

N‑jaꞌan Jesus nuu‑da: —Ruꞌu kuu Ia daa nga io, te kutuu‑r nɨkava nɨkuita. Kuenda kɨu letra A xiꞌin letra Z kuu‑r. Xaꞌa jaꞌan‑r xa kuu‑r Ianyuux, Ia daa nga io, Ia xee ñuñayiu, Ia yo taxnuni du —kuu‑ia, n‑jaꞌan‑ia nuu‑da.