Apocalipsis 12:1 - New Testament in Mixtec Diuxi-tilantongo

¹ Ɨnka ntuku vuelta n‑dandeꞌa ñaꞌa Ianyuux ɨɨn xa n‑dandeꞌa ñaꞌa‑ia. N‑xini‑da ɨɨn ñadɨꞌɨ nukoo andɨu duku niꞌno ñaꞌa ngandii. Vestido‑ña kuu‑ia. Ñuꞌu dɨkɨ‑ña ɨɨn corona ndenee uxi uu chudini, te neñi ndodo‑ña yoo.

Apocalipsis 12:1 Referans Kwoze

San Lucas 21:25

ʼKada Ianyuux milagru andɨu. Kada‑ia xa dama nuu ngandii. Kada‑ia xa dama nuu yoo. Kada‑ia xa dama nuu chudini. Yo yuꞌu ñayiu xndaxio ñuñayiu hora na kundeꞌa‑i xijan. Dɨuni yuꞌu‑i xaxeꞌe xa ndeꞌe kayu mar.

Efesios 5:32

Ñayo‑ro kutnuni ini nakuenda duꞌa kakuneꞌe Ianyuux Cristu xiꞌin ñayiu kukanu ini‑ia.

San Marcos 13:25

Jungoio chudini nde andɨu, te nɨꞌɨ ntdaa xa io andɨu.

San Lucas 21:11

Kixi ñutnaa ndeꞌe. Kueꞌe ñuu xndatuu ñuñayiu kixi tnama. Kixi kueꞌe. Kueꞌe xa ña uun xini‑n koo andɨu. Dandeꞌa ñaꞌa Ianyuux xijan, te yuꞌu koio ñayiu.

Apocalipsis 21:23

Ña tuu nax juun ñuu ijan ngandii, ni yoo xa kukanda ñuu jan chi Taa‑ro Ianyuux xiꞌin tkolelu ndii ijan.

Apocalipsis 15:1

N‑xini ntuku‑da ɨnka vuelta ɨɨn xa n‑xini‑da andɨu. N‑xini‑da uxa ángel, ia ka xinokuechi nuu Ianyuux. Ia yaꞌa kada uꞌu koio ñayiu uxa ka vuelta xaxeꞌe xa kiti ini Ianyuux nuu‑i, te ma kada uꞌu koio ka‑ia‑i. N‑xini ntuku‑da ɨnka xa n‑xini‑da. Ña kutnuni nax nga kuu xa n‑xini‑da jan. Nanga kaa mar kaa. Nanga kaa vidriu kaa, te daka xijan xiꞌin ñuꞌú. Yuꞌu xa ná kaa mar jan xniñi ñayiu ka dakande arpa n‑xiaꞌan Ianyuux. Ñayiu n‑ka ndaku nuu kɨt n‑kane nuu mar jan ka kuu‑i. N‑ndaku‑i xa ñatu n‑ka nakuetu‑i nuu xa kaa ná kaa mee‑t. N‑ndaku‑i xa ña n‑xe kondenee número kuu dɨu‑t teꞌu‑i.

Apocalipsis 12:3

N‑kida ntuku Ianyuux xa n‑xini‑da ɨɨn xa io kaa. N‑xini‑da xa nukoo ɨɨn dragón kaꞌnu andɨu. Kueꞌe‑tɨ. Uxa dɨkɨ‑t io te uxi ndɨkɨ‑t jan ñuꞌu corona.

Apocalipsis 11:19

Ijan dada n‑xini‑da xa nune veñuꞌu Ianyuux io andɨu, te xiti veñuꞌu jan n‑xini‑da xatnu n‑kidavaꞌa Moisés. Xatnu ijan kaa niꞌno tutu n‑kidakutu Ianyuux xiꞌin ñayiu Israel xa n‑kida‑ia xiꞌin‑i ɨɨn tratu. N‑xeyeꞌe te ndeꞌe n‑kee taxa. Ndeꞌe n‑kaꞌndɨ. Dɨuni n‑kana dau. Ndeꞌe n‑tnaa te ndeꞌe n‑juun ñɨñɨ.

Hechos 2:19

Kada‑r xa koo nɨñɨ xiꞌin ñuꞌú, te junu ñuꞌa tkoo andɨu xiꞌin ñuñayiu. Ntdaa xijan kada‑r xa kundeꞌa ñayiu ñuñayiu xa na yuꞌu‑i nuu‑r.

San Mateo 24:30

ʼIjan dada kada Ianyuux ɨɨn xa ña uun xini ñayiu. Kueꞌe xa kada‑ia andɨu xaxeꞌe xa n‑kuyatni kɨu ndixi mee‑r, Ia kuu ñayiu. Kundeꞌa‑i xa ndixi‑r nuu vikó, te taxnuni‑r nuu ntaka ñuu ñuñayiu. Yo ndeꞌe ndii‑r. Ndaꞌi ntdantuꞌu ñayiu ñuñayiu na jini ñaꞌa‑i.

Gálatas 6:14

Ko mee‑da, nux jaꞌan vaꞌa‑da, jaꞌan vaꞌa‑da xaxeꞌe curuxi nuu n‑xiꞌí Xtoꞌo‑ro Jesucristu. Xaxeꞌe xa jandixa‑da Jesucristu, kuu ná kuu xa n‑xiꞌí‑da, te ñatuka chinuu‑da xa io ñuñayiu.

San Mateo 12:38

N‑ka teku se fariseu xiꞌin se ka tuꞌa vaꞌa ley n‑chidotnuni Moisés xa n‑jaꞌan Jesús, te ka xiaꞌan‑s nuu‑ia: —Maestru, kada ɨɨn milagru xa na kundeꞌa‑r ntdaa‑r te jandixa ñaꞌa‑r.

Apocalipsis 21:14

Io uxi uu cimientu nama ñuu jan. Ntnaꞌa cimientu jan xndenee dɨu ɨɨn se n‑tundaꞌa ñaꞌa Jesús, Ia kuu tkolelu.

Apocalipsis 1:20

Uxa chudini neꞌe ndaꞌa kuaꞌa‑r kuu uxa ángel xndeka ñayiu ka kukanu ini ñaꞌa xndaxio uxa ñuu xndatuu Asia, te uxa candrelu oro kuu ñayiu Asia jan.

Gálatas 3:27

Xá n‑ka najuendute‑n xaxeꞌe, xa ka kunduu‑n xiꞌin Cristu. Kuu ná kuu xa dandukutu ñaꞌa Jesucristu daꞌma xee.

2 Corintios 11:2

Xá n‑kida Ianyuux xa yo vaꞌa xemani ñaꞌa‑da. Ná kida ɨɨn seyɨɨ nuu daꞌya dɨꞌɨ‑s hora tnundaꞌa‑i, da n‑kida ñaꞌa‑da mee‑n. N‑xiaꞌan‑da tnuꞌu‑da nuu Cristu, xa juñaꞌa‑da mee‑n nuu mee‑ia. Te juini‑da xa ku kuu koio‑n ná kuu ɨɨn dichi luchi vaꞌa tnundaꞌa xiꞌin idini seyɨɨ.

San Juan 3:29

Ná kuu ɨɨn noviu kuu Jesús. Ná kuu se kumani xiꞌin noviu kuu mee‑r. Se kueka novia kuu noviu. Ko se kumani xiꞌin noviu, nujuiin‑s yatni noviu, te teku‑s tnuꞌu‑s, te yo kuvete‑s xaxeꞌe tnuꞌu‑s. Xijan kuu xa kuvete xa kuvete mee‑r, xaxeꞌe xa xee koio ñayiu nuu Jesús.

Romanos 13:14

Maxku daa kada koio‑n. Jun ini koio‑n xa kada‑n xa juini Jesucristu, Ia kuu Xtoꞌo‑ro. Maxku ku kuu ka anu‑n xa kada‑n xaloko ka kida ñayiu loko.

Gálatas 4:26

Ko io ɨnka Jerusalén, Jerusalén io andɨu kuu. Ná kuu Sara kuu Jerusalén io andɨu. Daꞌya mee‑ña kuu mee‑ro, te io libre‑ro.