Apocalipsis 11:15 - New Testament in Mixtec Diuxi-tilantongo

¹⁵ N‑tɨu ángel kuu uxa strompeta‑ia, te n‑teku‑da xa xee n‑ka jaꞌan andɨu. Duꞌa ka jaꞌan: Ñatuka taxnuni se n‑ka taxnuni, chi Ianyuux xiꞌin Jesucristu taxnuni ñuñayiu vitna. Nɨkava nɨkuita taxnuni koio‑ia.

Apocalipsis 11:15 Referans Kwoze

Apocalipsis 12:10

N‑teku‑da xa xee n‑jaꞌan andɨu. Duꞌa n‑jaꞌan: —N‑xee kɨu dananitaꞌu Taa‑ro Ianyuux ñayiu. Dɨuni n‑xee kɨu taxnuni‑ia xiꞌin Cristu. N‑xee kɨu taxnuni‑ia chi n‑dajungava Miguel kɨt kuu dragón n‑xo jaꞌan nuu Ianyuux ndɨkɨu ndɨñuu xa n‑ka kida ñani‑ro kuechi.

Apocalipsis 10:7

Ma kukuee ka chi na xee hora tɨu ángel kuu uxa strompeta‑ia, jɨn tnaꞌa xa ñu ini Ianyuux xa kada‑ia. Idii mee‑ia xini xa yaꞌa. Jɨn tnaꞌa xa n‑jaꞌan‑ia nuu se n‑ka jaꞌan xa n‑jaꞌan‑ia nuu ñayiu xa n‑ka xinokuechi‑s nuu‑ia.

Apocalipsis 19:1

Nu n‑yaꞌa xa n‑teku‑da xaꞌa, n‑teku‑da xa kueꞌe ñayiu ka kuvaa andɨu. Duꞌa ka jaꞌan‑i: Na nakuetu‑ro nuu Ianyuux, chi mee‑ia n‑dakaku ñaꞌa. Io vaꞌa ni xa taxnuni‑ia nuu ntdaa ñayiu ñuñayiu. Io vaꞌa ni xa yɨndaꞌa‑ia ntdaa xa io.

San Lucas 1:33

xa taxnuni‑ia nɨkava nɨkuita —kuu‑ia.

Apocalipsis 16:17

N‑xodo ángel kuu uxa xa ñuꞌu koꞌo neꞌe‑ia nuu tachi. Hora ijan ni xee n‑jaꞌan do nuu katuu veñuꞌu nuu nukoo Taa‑ro Ianyuux. Duꞌa n‑jaꞌan: —N‑kuu vitna.

Hebreos 1:8

Ko na n‑kakuneꞌe Ianyuux Daꞌya Yɨɨ‑ia, n‑jaꞌan‑ia: Ianyuux kuu‑n. Taxnuni‑n kuia ma jɨn ndɨꞌɨ. Taxnuni‑n, te ndadandaa‑n ntdaa xa io.

Apocalipsis 19:6

Dɨuni n‑teku‑da xa ná nga kuu xa kueꞌe ñayiu kuvaa. Ná nga kuu xa kayu ndute kaꞌnu junkoio niꞌno ɨɨn nuu dujun a ná kuu xa ndeꞌe nɨꞌɨ dondaꞌa juan nuꞌu hora kana dau kuu. N‑jaꞌan ntdaa xijan: Na ndadakaꞌnu‑ro Ianyuux, chi taxnuni‑ia nuu ntdandituꞌu ñayiu, te yɨndaꞌa‑ia ntdaa xa io.

Apocalipsis 15:4

Xaxeꞌe xa ii‑n xee kɨu yuꞌu ñaꞌa ntdaa ñayiu. Te mayo‑i jaꞌan xa ma ndadakaꞌnu ñaꞌa‑i. Njuiin xiti ñayiu ntdantuꞌu nación nuu‑n te nakuetu koio‑i, chi jini koio‑i xa mee ni xa ndaa kada‑n kɨu na ndadandaa‑n kuechi‑i. Ka kuu‑i, ka xita‑i.

San Lucas 15:10

Daa ka kudɨ ini ángel, ia ka xinokuechi nuu Ianyuux, hora natu ini ɨɨn ñayiu xa n‑kida‑i kuechi.

Apocalipsis 20:4

Ijan dada n‑xini‑da ñayiu ka taxnuni xtuu nuu silla. N‑kida Ianyuux xa dayaꞌa‑i juxtixia ñayiu. Dɨuni n‑xini‑da anu ñayiu n‑ka kendodo dɨkɨ xaxeꞌe xa n‑ka kakuneꞌe‑i xa n‑jaꞌan Jesús xiꞌin xa n‑jaꞌan Ianyuux. Ka kuu‑i ñayiu ña n‑ka xe juiin xiti nuu kɨt ndeꞌe jan xiꞌin nuu xa kaa ná kaa mee‑t jan xa nakuetu koio‑i. Dɨuni ña n‑xejoon‑i xa nkondenee tnuni tnaꞌa tnuni neꞌe dragón jan teꞌu‑i a ndaꞌa‑i. N‑xini‑da xa n‑ka nandoto ñayiu ijan, te taxnuni koio‑i xiꞌin Jesucristu ɨɨn mil kuia.

Apocalipsis 17:14

Nujuiin xiꞌin koio se yaꞌa xiꞌin kɨt ijan te jantnaꞌa koio‑s xiꞌin tkolelu jan xiꞌin ñayiu ka kukanu ini ñaꞌa. N‑kaxi Ianyuux ñayiu yaꞌa, te n‑kida‑ia xa n‑ka teku‑i nax kada koio‑i xa nanitaꞌu‑i. N‑ndaku tkolelu jan nuu‑s chi taxnuni‑tɨ nuu ntdaa se ka taxnuni, te dɨuni kunxaꞌnu‑tɨ nuu ntdaa‑s.

Apocalipsis 9:13

N‑tɨu ángel kuu iñu jan strompeta‑ia, te n‑teku‑da xa n‑jaꞌan ɨɨn xa n‑jaꞌan. Nu xndodo nkoon ndɨkɨ yuꞌu altar oro io yatni nuu tuu Ianyuux, n‑jaꞌan xijan, te n‑teku‑da.

Apocalipsis 9:1

N‑tɨu ángel kuu oꞌon strompeta‑ia te n‑xini ntuku‑da xa jungava ɨɨn chudini ñuñayiu. Nundaꞌa‑tɨ ndakaa xa najaan‑tɨ yuꞌu nua ña xe ndɨꞌɨ.

Apocalipsis 8:12

N‑tɨu ángel kuu koon strompeta‑ia te n‑tɨu ɨɨn parti ngandii. N‑tɨu ɨɨn parti yoo. Dɨuni n‑tɨu ɨɨn parti ntaka chudini. N‑kunee ɨɨn parti nuu ngandii te dava nduu nga n‑ndii. Dani n‑kunee ɨɨn parti nuu yoo xiꞌin ntaka chudini, te ñatuka n‑ndii‑ia xiꞌin‑tɨ xakuaa.

San Mateo 6:13

Kada‑n xa maxku dajaꞌan ñaꞌa Kuiꞌna xa kada koio‑da kuechi; kada‑n xa maxku kada koio ka‑da xaloko. Duꞌa kajan taꞌu koio‑n nuu Ianyuux.

San Lucas 15:6

Na naxee‑i veꞌe‑i, te nadataka‑i ñayiu ka kumani xiꞌin‑i xiꞌin ñayiu io yatni xiꞌin‑i. Jaꞌan‑i nuu‑i: “Kuvete‑da chi n‑naniꞌi‑da tkachi‑da n‑xita”, xa na kuvete koio‑i tuku.

San Mateo 24:31

Tundaꞌa‑r, ángel, ia ka xinokuechi nuu‑r, xa tɨu koio‑ia strompeta xa nadataka‑ia ntdaa ñayiu n‑kaxi dɨɨn Ianyuux. Nadataka‑ia ntdantuꞌu ñayiu io nde nuu keé ngandii xiꞌin nde nuu kane ngandii xiꞌin nduu lado ka ñuñayiu.

Hechos 4:26

Se ka taxnuni xiꞌin se ka kunxaꞌnu ka kida ɨnuu‑s xa ndandita‑s nuu‑n xa kuu‑n Xtoꞌo‑da. Nani ndandita‑s nuu‑n, dani ndandita‑s nuu Cristu, Ia n‑tundaꞌa‑n.