2 Pedro 2:8 - New Testament in Mixtec Diuxi-tilantongo

⁸ Meꞌñu ñayiu jan n‑xo tuu se ijan, se kida xavaꞌa. Kɨu xiꞌin kɨu n‑xini‑s te n‑teku‑s ntdaa xa ka kida ñayiu jan. Se kida xavaꞌa kuu‑s. Kueꞌe vida n‑yaꞌa anu‑s xaxeꞌe kuechi n‑ka kida ñayiu jan. Ñayiu juini xa kuxee ini‑i nuu Ianyuux n‑ka kuu‑i.

2 Pedro 2:8 Referans Kwoze

Santiago 5:16

Xijan kuu xa juña tnuꞌu tnaꞌa‑n, ɨɨn‑n nuu ɨnka‑n, xa io kuechi‑n, te kajan taꞌu koio‑n, ɨɨn‑n xaxeꞌe ɨnka‑n, xa chindee tnaꞌa‑n xa kada koio‑n xavaꞌa. Chi ɨɨn ñayiu vaꞌa xijan taꞌu nuu Ianyuux xiꞌin ntdaa anu‑i, kueꞌe xa kueꞌe xa kuaꞌa‑i xa kada‑i.

1 Timoteo 1:9

Ka xini‑ro xa ñadu xaxeꞌe xa vaꞌa ñayiu n‑xe koo ley n‑chidotnuni Moisés, chi n‑xe koo xaxeꞌe xa ka kida ñayiu davaꞌa nga xa ka juini mee‑i. N‑xe koo‑i xaxeꞌe xa ka kuxe ini ñayiu nuu Ianyuux. N‑xe koo‑i xaxeꞌe xa ñatu xndaxio‑i xañuꞌu nuu‑ia, xaxeꞌe xa kida‑i xaloko xaduꞌa. Dani n‑xe koo‑i xaxeꞌe xa xaꞌni‑i taa‑i, xaꞌni‑i dɨꞌɨ‑i, xaꞌni‑i ñayiu. Io xa kaꞌu ntdaa ñayiu yaꞌa ley n‑chidotnuni Moisés, te io xa jandixa koio‑i.

Hebreos 11:4

Xaxeꞌe xa n‑jandixa Abel Ianyuux, n‑doko‑s ɨɨn xa vaꞌa ka nuu Ianyuux dada xa n‑doko Caín. Xaxeꞌe xa n‑jandixa Abel Ianyuux, te n‑jaꞌan‑ia xa n‑kida‑s xavaꞌa, te n‑xeka vaꞌa‑ia xa n‑doko‑s. Xaxeꞌe xa n‑jandixa Abel Ianyuux, juini xá n‑xiꞌí‑s, ko dani kuu‑s ɨɨn ichi kaneꞌe katnɨɨ mee‑ro.