1 Pedro 2:7 - New Testament in Mixtec Diuxi-tilantongo7 Mee‑n, ka jandixa‑n Xtoꞌo‑ro Jesucristu, ka xini‑n xa yuú vaꞌa ka kuu‑ia. Ko io ñayiu ñatu ka jandixa‑ia. Ná jaꞌan tnuꞌu Ianyuux, dani kuu: Se kidavaꞌa veñuꞌu, n‑ka dajane‑s yuú yaꞌa ɨɨn lado. Ko vitna yuú yaꞌa kuu yuú yɨtnɨɨ meꞌñu dɨkɨ veñuꞌu nuu kutuu Ianyuux. Gade chapit la |
Na ta kukanu ini koio ka‑ro Jesucristu, n‑ka xo kuloko n‑ka xo kuduꞌa ni‑ro, te ñatu n‑ka xo jandixa‑ro ley Ianyuux chi tuku n‑ka dakuaꞌa ñaꞌa ñayiu. Ntdantuꞌu xaloko xaduꞌa n‑kuu anu‑ro xa kada‑ro n‑ka kida‑ro, ñatu n‑ka xo ndedi ini‑ro. N‑xo xiaꞌan‑ro justu anu‑ro. Mee ni xane xayichi n‑ñuꞌu anu‑ro. N‑ka xo kukuedi ini‑ro hora n‑ka xo teku‑ro xa xe kotuu vaꞌa ɨnka ñayiu juaꞌan. Dɨuni n‑xo xini uꞌu‑ro dava ka ñayiu, te n‑xo xini uꞌu tnaꞌa‑ro xiꞌin ñayiu ka xinitnaꞌa xiꞌin‑ro.
N‑xijan taꞌu Simeón nuu Ianyuux xa kada‑ia xa na kuu José xiꞌin dɨꞌɨ Jesús xavii xavaꞌa. Te xiaꞌan‑s nuu‑ña: —Kunaꞌa‑n xa kueꞌe ñayiu Israel ma kukanu ini‑i‑ia, te kada Ianyuux xa kujanuu‑i chi ma ku kuu ka‑i ñayiu ndandɨꞌɨ. Dɨuni kueꞌe ñayiu Israel kukanu ini‑ia, te nduu‑i ñayiu ndandɨꞌɨ. Dɨu‑ia kada xa jini ñayiu ñuñayiu jundu kuu Ianyuux, te kuiꞌa jaꞌan ñaꞌa dava‑i.
Kuu ná kuu xa kidavaꞌa Ianyuux ɨɨn veñuꞌu nuu kutuu mee‑ia. Ná kuu yuú xeꞌe veñuꞌu ka kuu mee‑n. Yuú yo vaꞌa ka veñuꞌu jan kuu Xtoꞌo‑ro Jesucristu. Seyɨɨ, n‑ka dajane‑s‑ia ɨɨn lado, ko Ianyuux n‑kaxí mee‑ia. Naꞌa Ianyuux xa vaꞌa ka yuú n‑ka dajane‑s dada davaꞌa nga yuú io. Ia Ndito kuu Jesucristu, te na kuyatni mee‑n mee‑ia, te kada‑ia xa kundito koio mee‑n tuku. Xaxeꞌe mee‑ia, ka kuu mee‑n yuú ndito, te yuú jan kidavaꞌa Ianyuux veñuꞌu nuu kutuu mee‑ia. Dɨuni ka kuu‑n dutu veñuꞌu jan. Xá n‑kida dɨɨn ñaꞌa Ianyuux mee‑n, xa ku kuu koio‑n dutu nuu mee‑ia. N‑kaxí ñaꞌa‑ia, xa juñaꞌa koio‑n xa doko‑n nuu‑ia. Te mee‑n ka kuu xa doko‑n. Xaxeꞌe xa n‑xiꞌí Jesucristu xaxeꞌe‑n, te kueka vaꞌa Ianyuux xa doko‑n.