1 Pedro 1:19 - New Testament in Mixtec Diuxi-tilantongo

¹⁹ Ko n‑xeen ñaꞌa‑ia xiꞌin nɨñɨ Cristu. Te yo yaꞌu ka nɨñɨ Cristu dada ntdaa xa io. Xá n‑kuu kueꞌe kuia, n‑taꞌu tniu Ianyuux nuu ñayiu Israel xa juñaꞌa koio‑i xa doko‑i nuu‑ia. Xa doko‑i kuu ɨɨn tkolelu vaꞌa kaa, ɨɨn tkolelu vili kaa. Ná kuu tkolelu jan kuu Cristu.

1 Pedro 1:19 Referans Kwoze

1 Juan 1:7

Nuu tuu Ianyuux, kuu nuu kanda. Nux kida‑ro xavaꞌa, tuu‑ro xiꞌin Ianyuux, te kunduu vaꞌa‑ro, ɨɨn‑ro xiꞌin ɨnka‑ro. Te xaxeꞌe xa n‑xiꞌí Daꞌya Yɨɨ‑ia, Jesucristu, xaxeꞌe‑ro, ndada ndoo ñaꞌa Ianyuux ntdaa kuechi‑ro.

San Juan 1:29

Kɨu kuu uu, n‑xini Sua xa vax kuyatni Jesús, te n‑jaꞌan‑s: —Kundeꞌa koio‑n. Vaxi se kuu Tkolelu n‑taxi Ianyuux. Se dita kuechi ñayiu ñuñayiu kuu‑s.

Apocalipsis 5:9

Ka xita sexaꞌnu jan ɨɨn ndudu xee nuu tkolelu kuu Jesús jan. Duꞌa ka xita‑s: Mee‑n, io xa tnɨɨ‑n tutu tuniꞌno de, te ndata‑n nuu xndenee sellu de. Chi n‑xiꞌí‑n yuchi, nandɨkaa ñayiu ñuñayiu jɨꞌɨn andɨu n‑chiyaꞌu‑n kuechi‑i. N‑xatu nɨñɨ‑n xa ku kuu‑i ntdaa‑i daꞌya Ianyuux.

San Juan 1:36

N‑xini Sua xa yaꞌa Jesús ijan, te n‑jaꞌan‑s: —Kundeꞌa koio. Se ijan kuu Tkolelu n‑taxi Ianyuux.

Efesios 1:7

N‑xatu nɨñɨ Cristu xa n‑chiyaꞌu‑ia kuechi‑ro, te n‑taxkanu ini Ianyuux kuechi n‑ka‑kida‑ro. Ña tuu nax jeyaꞌu‑ia xa daa n‑kida‑ia. Naka kueꞌe xavaꞌa n‑kida ñaꞌa‑ia.

Colosenses 1:14

Daꞌya Yɨɨ‑ia kuu Ia n‑chiyaꞌu kuechi‑ro, te n‑taxkanu ini Ianyuux kuechi n‑ka kida‑ro.

San Mateo 20:28

Ná kuu ruꞌu, Ia kuu ñayiu, ñatu vaxi‑r xa junukuechi koio‑n nuu‑r, chi n‑kixee‑r xa junukuechi‑r nuu‑n xiꞌin nuu dava ka ñayiu. N‑kixee‑r xa kuú‑r xaxeꞌe‑n. Mudu yaꞌa chiyaꞌu‑r kuechi n‑ka kida‑n, te dakaku ñaꞌa‑r —kuu Jesús, n‑jaꞌan‑ia.

1 Juan 2:2

Xaxeꞌe Jesucristu, taxkanu ini ñaꞌa Ianyuux kuechi‑ro. Chi na n‑xiꞌí Jesucristu nuu curuxi, n‑chiyaꞌu‑ia kuechi mee‑ro, te dɨuni n‑chiyaꞌu‑ia kuechi ntdaa ñayiu ñuñayiu.

Apocalipsis 7:14

—Mee nga‑n naꞌa, Dito —kuu‑da, xiaꞌan‑da. Te n‑kachitnuꞌu ñaꞌa‑s: —Ñayiu yaꞌa kuu ñayiu yo ndaꞌu n‑ka yaꞌa xa n‑ka kida uꞌu ñaꞌa ñayiu xaxeꞌe xa n‑ka kukanu ini‑i Jesucristu. N‑ka nakate niꞌno‑i daꞌma‑i nuu nɨñɨ tkolelu xa n‑ka ndadakɨyɨ‑i daꞌma‑i.

Hechos 20:28

Kundeꞌa koio‑n xa maxku dandoo ñayiu ka kukanu ini Jesucristu Ianyuux chi n‑tetutniu ñaꞌa Espíritu Ianyuux xa junuu‑n‑yɨ. Dani mee‑n ɨɨn ɨɨn‑n, maxku dandoo‑n‑ia. Xa ku kuu‑n ntdaa‑n daꞌya‑ia n‑xiꞌí Jesús.

1 Pedro 3:18

Idini vuelta n‑xiꞌí Cristu xaxeꞌe kuechi ka kida ñayiu, n‑kenaa vitna. Meni xavaꞌa n‑kida Cristu. N‑xiꞌí‑ia xaxeꞌe ñayiu ka kida xa uꞌu, n‑xiꞌí‑ia xa kandeka ñaꞌa‑ia mee‑ro jɨꞌɨn nuu tuu Ianyuux, xa kutuu vaꞌa‑ro xiꞌin‑ia. N‑ka xaꞌni ñayiu yɨkɨ kuñu Cristu, ko n‑kida Ianyuux xa n‑xo tuu naꞌi anu Cristu.

San Mateo 26:28

Xaꞌa kuu nɨñɨ‑r katuu xaxeꞌe xa kada Ianyuux tratu xee xiꞌin kueꞌe ñayiu taxkanu ini‑ia xa n‑ka kida‑i kuechi‑i.

Apocalipsis 14:1

Ijan dada n‑xini ntuku‑da xa nujuiin tkolelu jan Yuku Sión. Ɨɨn cientu uu diko koon mil ñayiu xyuku nuu nujuiin‑tɨ. Ntdaa ñayiu ijan xndenee tnee‑i dɨu‑t xiꞌin dɨu Taa‑ro Ianyuux.

Apocalipsis 5:6

Ijan dada n‑xini‑da ɨɨn tkolelu. Kaa‑tɨ xa yuchi n‑xiꞌí‑tɨ te n‑nandoto‑tɨ. Iin ndodo‑tɨ dava dava dɨkɨ silla kaꞌnu ka jan. N‑ka naduku nduu ñaꞌa nkoon kɨt dana xndaa jan xiꞌin oko koon sexaꞌnu ka kunxaꞌnu jan. Uxa ndɨkɨ tkolelu jan io, te io uxa nduchi nuu‑t. Uxa ndɨkɨ‑t xiꞌin uxa nduchi nuu‑t kuu uxa espíritu Ianyuux kixi nituꞌu ñuu ñuñayiu.

Romanos 3:25

N‑kida Ianyuux xa n‑xiꞌí Jesús xa n‑chiyaꞌu‑ia kuechi‑ro. Na kada‑ro kuenda xa kɨtɨ n‑ka xo doko roo, ñayiu Israel nuu altar Ianyuux n‑kuu‑ia na n‑doko‑ia mee‑ia na n‑xiꞌí‑ia. Mudu yaꞌa n‑dakenaa‑ia kuechi‑ro xaxeꞌe xa ka jandixa‑ro xa n‑chiyaꞌu‑ia kuechi‑ro xiꞌin nɨñɨ‑ia. Daa n‑kida Ianyuux xa na kunaꞌa‑ro xa ndaa kada‑ia hora ndadandaa‑ia kuechi ñayiu te jaꞌan‑ia xa ñatuka xndido xtau‑ro kuechi‑ro xaxeꞌe xa n‑ka kukanu ini‑ro Jesucristu. Antes ñatu n‑ndadandaa‑ia kuechi ñayiu dava ka país chi n‑xo ndetu kuee‑ia.

1 Pedro 1:2

Nde kiꞌna nuu xá n‑xo naꞌa Taa‑ro Ianyuux xa jandixa koio‑n Jesucristu. N‑kaxí ñaꞌa‑ia xa kunduu koio‑n xiꞌin‑ia. N‑kidatniu Espíritu Ianyuux anu‑n, te vitna kida Espíritu Ianyuux xa ka kuu‑n ñayiu kida xa juini Ianyuux. N‑xiꞌí Jesucristu xaxeꞌe‑n, te xiꞌin nɨñɨ‑ia n‑ka ndundoo‑n. Na taxi ka Ianyuux xamani‑ia nuu‑n, na kada‑ia xa yo vaꞌa kutuu koio mee‑n xiꞌin mee‑ia.

Apocalipsis 14:5

Ñayo se yaꞌa ka xini xa jaꞌan koio‑s tnuꞌu vete chi xndaxio nini‑s.