1 Juan 3:19 - New Testament in Mixtec Diuxi-tilantongo

¹⁹ Nux duꞌa kida‑ro, xini‑ro xa ndaa xa kunduu‑ro xiꞌin Jesucristu, te ña ndoñuꞌu xa yuꞌu‑ro nuu Ianyuux.

1 Juan 3:19 Referans Kwoze

Hebreos 10:22

Xijan kuu xa, na kuyatni‑ro Ianyuux. Xiꞌin ntdaa anu‑ro, na jandixa‑ro‑ia, te maxku yuꞌu‑ro. Na n‑xiꞌí Jesucristu, n‑xatu nɨñɨ‑ia xa ndada ndoo ñaꞌa‑ia, xa mayo ka dakuido datau anu‑ro. Te yɨkɨ kuñu‑ro, xá n‑dajuendute‑ia ndute yo vaꞌa ka.

1 Juan 3:21

Ñani mani‑da, kuꞌa mani‑da, nux ña tekuechi ñaꞌa anu‑ro, ña ndoñuꞌu xa yuꞌu‑ro nuu Ianyuux.

San Juan 18:37

N‑jaꞌan Pilato: —¿Xijan kuu xa kuu‑n ɨɨn se kunxaꞌnu ka u? N‑jaꞌan Jesús: —Se kunxaꞌnu ka kuu‑r, ná n‑jaꞌan‑n. Xandaa kuu xa jaꞌan‑n. Xijan, kuu xa n‑kaku‑r, xijan, kuu xa vaa‑r ñuñayiu. Vaa‑r xa jaꞌan ndaa‑r xaxeꞌe xa kuu xandaa. Ntdaa ñayiu ka juini xa kutnuni ini xa kuu xandaa, ka teku‑i tnuꞌu‑r.

1 Juan 1:8

Nux jaꞌan‑ro xa ñatu kida‑ro kuechi, dandaꞌu‑ro mee‑ro, te ñatu kutnuni ini‑ro xa kuu xandaa.

2 Timoteo 1:12

Te xaxeꞌe xijan yɨndiꞌu‑r te ndaꞌu yaꞌa‑r, ko ñatu kujanuu‑r xa yɨndiꞌu‑r xaxeꞌe xa n‑kukanu ini‑r xa junuu‑ia xa n‑taxndee‑r‑ia. Xini‑r jundu kuu‑ia te n‑kukanu ini‑r‑ia.

Romanos 4:21

N‑jandixa‑s xa koo daꞌya‑s xiꞌin ñadɨꞌɨ‑s ná n‑jaꞌan Ianyuux chi n‑xo naꞌa‑s xa kuaꞌa‑ia xa kada‑ia davaꞌa nga xa juini‑ia.

San Juan 13:35

Nux juemani tnaꞌa koio‑n, te jini koio ntdaa ñayiu xa se dakuaꞌa mee‑r ka kuu mee‑n.

1 Juan 3:14

Antecas xa jandixa‑ro Jesucristu, n‑kuu‑ro ná kuu ndɨyɨ. Vitna, ndaa xa ndito‑ro. Xini‑ro xa duꞌa kuu, chi xemani‑ro ñani‑ro kuꞌa‑ro. Ɨɨn ñayiu, nux ñatu xemani‑i ñani‑i kuꞌa‑i, dani kuu‑i ndɨyɨ.

Hebreos 11:13

Ntdaa ñayiu jan, n‑ka jandixa‑i Ianyuux, te n‑ka xiꞌí‑i. Ña n‑ka tnɨɨ‑i xa n‑xiaꞌan Ianyuux tnuꞌu‑ia xa juñaꞌa‑ia. Ko xika, n‑ka xini‑i ntdaa xa juñaꞌa Ianyuux, te n‑ka jandixa‑i xa tnɨɨ koio‑i, te n‑ka kuvete‑i. Te duꞌa, n‑ka jaꞌan ndaa‑i xa ñayiu toꞌo ka kuu‑i, diko ni ka yaꞌa‑i ñuñayiu yaꞌa.

Romanos 8:38

Xandaa xakuiti xemani ñaꞌa Ianyuux, te dani ku juemani ñaꞌa‑ia. Xemani ñaꞌa‑ia chi n‑xiꞌí Cristu Jesús, Ia kuu Xtoꞌo‑ro xaxeꞌe‑ro. Ndito‑ro a n‑xiꞌí‑ro, ko dani xemani ñaꞌa‑ia. Mayo ku dadaꞌan xa ma juemani ñaꞌa‑ia. Ni ángel ma dadaꞌan, ni xaloko taxnuni ma dadaꞌan. Ni xa io vitna, ni ɨɨn xa ta koo ka ma kada xa ma juemani ñaꞌa‑ia.

1 Juan 2:21

Ñadu kidavaꞌa‑da xaxeꞌe xa ña kutnuni ini‑n xa kuu xandaa, chi kidavaꞌa‑da xaxeꞌe xa ka kutnuni ini‑n xa kuu xandaa. Te ka kutnuni ini‑n xa tnuꞌu vete ñatu kuu tnuꞌu ndaa.

1 Juan 3:20

Naꞌa Ianyuux ntdaa. Nux tekuechi ñaꞌa anu‑ro, ko ma yuꞌu‑ro, chi xá n‑jaꞌan Ianyuux xa nux xemani‑ro ñani‑ro kuꞌa‑ro, duꞌa kunduu‑ro xiꞌin mee‑ia.