1 Juan 3:13 - New Testament in Mixtec Diuxi-tilantongo

¹³ Ñani‑da kuꞌa‑da, ñayiu ñuñayiu ma juemani ñaꞌa koio‑i mee‑n.

1 Juan 3:13 Referans Kwoze

San Juan 17:14

N‑xiaꞌan‑da tnuꞌu mee‑n nuu se n‑taa‑n, te n‑ka xini uꞌu ñayiu ñuñayiu se ijan, xaxeꞌe xa ñatuka ka kuu‑s ná ka kuu ñayiu ñuñayiu. Mee‑da, ña kuu‑da ná ka kuu ñayiu ñuñayiu, te se n‑taa‑n, ñatuka ka kuu mee‑s ná ka kuu ñayiu ñuñayiu.

San Lucas 21:17

Jini uꞌu ñaꞌa ntdaa ñayiu xaxeꞌe xa ka kukanu ini ñaꞌa‑n.

Santiago 4:4

Xá n‑ka dandoo‑n Ianyuux. Ná kida ñadɨꞌɨ dandoo yɨɨ‑ña, da ka kida mee‑n. ¿Ñatu ka xini‑n xa ka kuu‑n ñayiu xemani xa io ñuñayiu, te duꞌa ka kuu‑n ñayiu xini uꞌu tnaꞌa‑i xiꞌin Ianyuux a? Davaꞌa nga ñayiu juini‑i xa tnɨɨ‑i xa io ñuñayiu, kida‑i xa xini uꞌu tnaꞌa‑i xiꞌin Ianyuux.

2 Timoteo 3:12

Ntdaa ñayiu ka kida xa juini Ianyuux te ka kunduu‑i xiꞌin Cristu Jesús, yo ndeꞌe ndaꞌu ka yaꞌa‑i.

San Marcos 13:13

Jini uꞌu ñaꞌa koio ntdaa ñayiu mee‑n, xaxeꞌe xa jandixa ñaꞌa‑n mee‑r. Ko nux kundee ini‑n, xa jandixa ñaꞌa naꞌi‑n mee‑r, nde na xee xa kuú‑n, te dakaku ñaꞌa Ianyuux mee‑n, xa ma kuú‑n xiꞌin kuechi‑n.

Romanos 8:7

Ñayiu ka kida xa kuu ini mee‑i ka xini uꞌu‑i Ianyuux, te ñatu kuu anu‑i xa jandixa‑i ley‑ia, ni ma ndaku‑i xa jandixa‑i.

San Juan 16:33

Tnuꞌu yaꞌa xá n‑jaꞌan‑r, xa kutuu vaꞌa koio mee‑n. Ñuñayiu yaꞌa, kueꞌe vida yaꞌa koio‑n. Ko maxku yuꞌu koio‑n, te maxku kuita koio‑n. Ndaku ka mee‑r dada ntdaa xa io ñuñayiu.

San Juan 7:7

Ma kuaꞌa xa jini uꞌu ñaꞌa ñayiu ñuñayiu mee‑n. Mee‑r, ka xini uꞌu ñaꞌa‑i, chi jaꞌan ndaa‑r xaxeꞌe‑i xa ka kida‑i xa uꞌu.

San Lucas 6:22

ʼNaka taꞌu kuu koio‑n hora na jini uꞌu ñaꞌa ñayiu. Ma juejoon ka‑i xa kandeka tnaꞌa ka‑n xiꞌin‑i, te kuiꞌa jaꞌan ñaꞌa koio‑i. Jaꞌan koio‑i xa unu loko‑n. Ntdaa xijan kada ñaꞌa‑i xaxeꞌe ruꞌu, Ia kuu ñayiu.

San Mateo 24:9

Kandeka ñaꞌa ñayiu jɨꞌɨn nuu juxtixia. Kada uꞌu ñaꞌa‑s te kaꞌni ñaꞌa‑s. Dɨuni jini uꞌu ñaꞌa ñayiu xaxeꞌe xa ka jandixa ñaꞌa‑n ruꞌu.

San Mateo 10:22

Jini uꞌu ñaꞌa ntdaa ñayiu xaxeꞌe xa ka kukanu ini ñaꞌa‑n. Nux dani na ku jandixa ñaꞌa koio‑n te ma kande ini ñaꞌa‑n, kɨu na ndixi‑r dananitaꞌu ñaꞌa‑r.

Hechos 3:12

Nu n‑xini Spedru xaꞌa, n‑jaꞌan‑s nuu ñayiu: —Dito, Didi, ñayiu ka kuu yatnuꞌu Israel. ¿Nakuenda ka yuꞌu‑n xa n‑ka xini‑n xaꞌa? ¿Nakuenda daa xndeꞌa ñaꞌa‑n xa kuenda kɨu daña n‑ka kida xa n‑xika se yaꞌa? ¿Nakuenda xndeꞌa ñaꞌa‑n xa kuenda kɨu daña kuaꞌa xa duꞌa kada‑da xaxeꞌe xa unu vaꞌa‑da?

San Juan 16:2

Kineꞌe ñaꞌa koio‑s mee‑n veñuꞌu ñayiu Israel. Vaxi hora xa kaꞌni ñaꞌa koio‑s mee‑n, te kani ini‑s xa duꞌa kuu xa xiaꞌan‑s ɨɨn xa doko‑s nuu Ianyuux.

San Juan 3:7

Maxku yuꞌu‑n xaxeꞌe xa n‑jaꞌan‑r xa io xa nakaku koio‑n ɨnka vuelta.

Apocalipsis 17:7

Ijan n‑jaꞌan ángel jan nuu‑da: —¿Nakuenda yuꞌu‑n? Na kachitnuꞌu ñaꞌa‑r nax kuu ñadɨꞌɨ xiꞌin kɨt ndeꞌe ndido ñaꞌa, kɨt io uxa dɨkɨ‑t te io uxi ndɨkɨ‑tɨ n‑xini‑n jan.