1 Corintios 9:16 - New Testament in Mixtec Diuxi-tilantongo

¹⁶ Chi ña kuaꞌa‑da xa najuen tnuꞌu‑da mee‑da xaxeꞌe xa kachitnuꞌu‑da tnuꞌu vaꞌa Cristu. N‑kidajuexa ñaꞌa Ianyuux xa juña tnuꞌu‑da tnuꞌu vaꞌa‑ia nuu ñayiu. Kada uꞌu ñaꞌa Ianyuux mee‑da, nux ma juña tnuꞌu‑da tnuꞌu‑ia nuu ñayiu.

1 Corintios 9:16 Referans Kwoze

Romanos 1:14

Kidayɨka‑i xa juña tnuꞌu ka‑da dava ka ñayiu Grecia xiꞌin dava ka ñayiu ka kuu yatnuꞌu ñayiu Grecia xiꞌin ñayiu ñatu ka kuu yatnuꞌu‑i nax io xa kada‑i xa nanitaꞌu‑i. Kidayɨka‑i xa kachitnuꞌu ñaꞌa‑da ndixi nax io xa kada‑n xa nanitaꞌu‑n tuku. Nani xian tnuꞌu‑da ñayiu kaxi ini, dani xian tnuꞌu‑da ñayiu ka kukuee xiꞌin xaxtnuni‑i.

Colosenses 4:17

Duꞌa juñaꞌa koio‑n nuu Arquipo: “Jun ini‑n xa kada‑n ntdaa tniu n‑taxi Ianyuux, Ia kuu Xtoꞌo‑ro. Dani junukuechi naꞌi‑n nuu‑ia.”

San Lucas 9:62

Te n‑jaꞌan‑ia nuu‑s: —Se n‑kixeꞌe xa kidatniu‑s xiꞌin nkutu, te ngonenuu‑s ichi yata‑s, ñatu xiniñuꞌu‑s xa kadatniu‑s nuu ñuꞌu. Daa kuu dava ñayiu juini xa kɨu tnaꞌa‑i nuu ñayiu taxnuni Ianyuux nuu‑i.

Hechos 4:20

Ma kuu xa nujani koio‑da xa jaꞌan‑da xa n‑ka xini‑da xiꞌin xa n‑ka teku‑da —kuu Spedru xiꞌin Sua, xiaꞌan‑s.

Romanos 15:17

Xaxeꞌe xa kunduu‑da xiꞌin Cristu Jesús, najuen tnuꞌu‑da mee‑da hora kakuneꞌe‑da ñayiu ndeka Ianyuux. Ndeka‑ia‑i xaxeꞌe xa dakuaꞌa‑da‑i.

Hechos 9:15

Te xiaꞌan‑ia nuu Ananías: —Juaꞌan chi mee‑r n‑kaxí‑sɨ xa jaꞌan‑s nuu ñayiu ñatu ka kuu ñayiu Israel xiꞌin nuu se ka taxnuni nuu‑i jundu kuu‑r. Dɨuni n‑kaxí‑r‑sɨ xa jaꞌan‑s nuu ñayiu Israel jundu kuu‑r.

Hechos 9:6

Ndokoo. Juaꞌan Damasco. Ijan teku‑n nax io xa kada‑n.

Romanos 4:2

Ñadu xaxeꞌe xa n‑jandixa Abraham ley Ianyuux ñatuka n‑xo ndido tau‑s kuechi n‑kida‑s. Nuu n‑jandixa‑s ley‑ia, vatuka najuen tnuꞌu‑s mee‑s n‑kuu, ko ñadu nuu Ianyuux.

1 Corintios 4:15

Juini na koo uxi mil se dakuaꞌa ñaꞌa tnuꞌu Cristu mee‑n, ko idini‑s kuu ná kuu taa‑n. N‑jaꞌan mee‑da tnuꞌu vaꞌa Cristu nuu mee‑n, te duꞌa n‑ka jandixa‑n‑ia. Nde kɨu ijan, kuu‑da taa‑n.

1 Corintios 9:12

Nux ɨnka seyɨɨ ka tnɨɨ xa xiaꞌan‑n, te vatuka xa na tnɨɨ mee‑da xa taa‑n. Ko ña n‑xejoon‑da xa taa‑n xa kaxi‑da xa kundixi‑da. N‑kundee ini‑da, xa xiꞌin ndaꞌa mee‑da n‑kidatniu‑da, chi n‑juini‑da xa tax nga‑da tnuꞌu vaꞌa Cristu. Ña juini‑da xa tekuechi ñaꞌa ni ɨɨn ñayiu xa niꞌi‑da tvini, hora kachitnuꞌu‑da tnuꞌu vaꞌa Cristu.

1 Corintios 9:14

Dɨuni se ka xian tnuꞌu tnuꞌu vaꞌa Cristu nuu ñayiu. N‑taꞌu tniu Xtoꞌo‑ro Jesucristu xa na niꞌi koio‑s xa ndoñuꞌu‑s, hora xian tnuꞌu‑s tnuꞌu vaꞌa‑ia.

2 Corintios 2:12

Na n‑xee‑da ñuu nani Troas, xa juña tnuꞌu‑da tnuꞌu Cristu nuu ñayiu ijan, te n‑kida Xtoꞌo‑ro Jesús xa n‑ka xeka vaꞌa ñayiu jan tnuꞌu‑da. Kuu ná kuu xa n‑najaan‑ia ɨɨn yeꞌe kaꞌnu nuu‑da.

San Mateo 25:16

Se n‑niꞌi oꞌon talento jan, n‑niꞌi ka‑s oꞌon talento xa n‑dadɨkɨ‑s xiꞌin tvini ijan.