1 Corintios 9:10 - New Testament in Mixtec Diuxi-tilantongo

¹⁰ Xani ini‑da xa n‑jaꞌan‑ia xaxeꞌe mee‑ro tuku. Joon, xaxeꞌe mee‑ro, n‑ka chidotnuni‑s tnuꞌu jan. Se kidatniu ñuꞌu‑s, xiꞌin se xadi trɨu, nduu‑s kidatniu xa niꞌi‑s xa kax koꞌo‑s.

1 Corintios 9:10 Referans Kwoze

2 Timoteo 2:6

Dɨuni ka kuu‑ro ná kuu ɨɨn se n‑dadaꞌu trɨu. Mee‑s io xa nakueka‑s xa n‑dadaꞌu‑s nuu ñuꞌu‑s, ñadu ɨnka ñayiu.

Romanos 15:4

Davaꞌa nga tnuꞌu Ianyuux yodotnuni xa daa nga n‑xe kodotnuni xa na kaꞌu ñayiu, te kutuꞌa vaꞌa‑i xa yodotnuni. Xaxeꞌe xa ka tuꞌa vaꞌa‑ro xa yodotnuni jan ndɨkɨu ndɨñuu xñu ini‑ro xa nanitaꞌu‑ro, te ña tuu nax ku ini‑ro hora ndaꞌu yaꞌa‑ro. Tnuꞌu yodotnuni jan kida xa kukaꞌnu anu‑ro.

2 Corintios 4:15

Kundee ini‑da xaxeꞌe mee‑n. Kundee ini ka‑da, xa kueꞌe xa kueꞌe ka ñayiu tnɨɨ koio xamani Ianyuux. Te dada juñaꞌa‑i xa juñaꞌa‑i xa n‑kutaꞌu‑i nuu Ianyuux, xa ndadakaꞌnu‑i xa ndadakaꞌnu ka‑i mee‑ia.

1 Corintios 3:9

Se ka kidatniu xiꞌin Ianyuux ka kuu‑da. Te mee‑n, ka kuu‑n ná kuu nuu ñuꞌu kidatniu‑ia. Ná kuu veꞌe kidavaꞌa Ianyuux ka kuu‑n.

San Mateo 24:22

Nu ma ndadaluchi Ianyuux kɨu ijan n‑kuu, ni ɨɨn ma yoo kaku, ko ndadaluchi‑ia kɨu ijan xaxeꞌe ñayiu n‑kaxi dɨɨn‑ia xa kaku koio‑i.