1 Corintios 7:26 - New Testament in Mixtec Diuxi-tilantongo

²⁶ Xaxeꞌe xa kueꞌe vida yaꞌa‑ro, ntdaa‑ro, vitna, xani ini‑da xa vaꞌa ka xa kutuu naꞌi‑n, ɨɨn ɨɨn‑n, ná xtuu‑n vitna.

1 Corintios 7:26 Referans Kwoze

1 Corintios 7:8

Vitna jaꞌan‑da nuu se ka kuu solteru. Vaꞌa ka xa kutuu koio‑s ná tuu mee‑da. Ko nux ña kuaꞌa‑s xa kada maxu‑s yɨkɨ kuñu‑s, na tnundaꞌa‑s. Vaꞌa ka xa tnundaꞌa‑s, dada xa koo ná kuu xa koko xiti yɨkɨ kuñu‑s. Dɨuni ñá ka kuu viuda tuku. Vaꞌa ka xa kutuu koio‑ña ná tuu mee‑da. Ko nux ma kuaꞌa‑ña xa kada maxu‑ña mee‑ña, na natnundaꞌa‑ña.

1 Corintios 7:1

Xá n‑tnɨɨ‑da tutu n‑ka kidavaꞌa‑n. Vitna kachitnuꞌu‑da ntdaa xa n‑ka xijan tnuꞌu ñaꞌa‑n.

1 Pedro 4:17

Chi n‑xee kɨu xa kixeꞌe Ianyuux xa ndadandaa‑ia daꞌya‑ia. Te nux kiꞌna nuu ndadandaa ñaꞌa‑ia mee‑ro, te, ¿nax koo hora ndadandaa‑ia ñayiu ñatu ka jandixa tnuꞌu‑ia?

1 Corintios 7:28

Ko nux tnundaꞌa‑n, ñatu kuu kuechi. Te nux tnundaꞌa ɨɨn soltera vitna, ñatu kuu kuechi. Diko ni juini‑da xa chindee ñaꞌa‑da, ntdaa‑n. Ña juini‑da xa kueꞌe ka vida yaꞌa koio‑n, xaxeꞌe ñadɨꞌɨ‑n, xaxeꞌe yɨɨ‑n, xaxeꞌe daꞌya kuechi‑n.

San Lucas 21:23

Ndaꞌu yaꞌa koio ñadɨꞌɨ xñuꞌu daꞌya. Ndaꞌu yaꞌa koio ñadɨꞌɨ dakadi yɨjɨn kɨu ijan. Ndaꞌu yaꞌa ñayiu chi yo kiti ini Ianyuux nuu ñayiu ñuu yaꞌa.

San Mateo 24:19

Ndaꞌu yaꞌa koio ñadɨꞌɨ xñuꞌu daꞌya xiꞌin ñadɨꞌɨ ka dakadi yɨjɨn kɨu ijan.

1 Corintios 7:27

Nux xá n‑tnundaꞌa‑n, te maxku dandoo‑n ñadɨꞌɨ‑n. Nux kuu‑n solteru vitna, te maxku tnundaꞌa‑n.

2 Tesalonicenses 2:2

Xijan‑da xa maxku kɨ ini koio‑n, maxku yuꞌu koio‑n, xa kani ini‑n xa xá n‑ndixi‑ia. Nux jaꞌan ɨɨn ñayiu xa kachitnuꞌu‑i tnuꞌu Ianyuux xa xá n‑ndixi‑ia, maxku jandixa koio‑n tnuꞌu jan. Nux tekutnuꞌu koio‑n xa xá n‑ndixi‑ia, maxku jandixa koio‑n tnuꞌu n‑teku‑n. Nux jaꞌan koio ñayiu xa n‑ka kidavaꞌa mee‑da ɨɨn carta jaꞌan xa xá n‑ndixi‑ia, maxku jandixa koio‑n xa jaꞌan‑i.