1 Corintios 15:34 - New Testament in Mixtec Diuxi-tilantongo

³⁴ Io xa kani ini vaꞌa koio‑n, te maxku kada koio ka‑n xa uꞌu. Dava mee‑n, ta jini ka‑n Ianyuux. Io xa kujanuu koio‑n xa duꞌa kuu.

1 Corintios 15:34 Referans Kwoze

1 Corintios 6:5

Jaꞌan‑da tnuꞌu yaꞌa, xa kada‑da xa na kujanuu koio‑n. ¿Meꞌñu mee‑n, ña yoo ni ɨɨn se tuꞌa vaꞌa kuaꞌa xa ndadandaa‑s ñayiu ka jandixa Cristu a? Joon, io‑s.

Romanos 13:11

Maxku ku kidi‑n chi xa ka xini‑n na tiempo tuu‑ro. Xa vax kuyatni xa nanitaꞌu‑ro. Naꞌa ka n‑kuu xndetu‑ro vaxi dada xa kundetu‑ro.

Efesios 5:14

Hora na datuu ñayiu xini jundu kuu Ianyuux xaloko n‑ka kida‑i, jini ntdaa ñayiu xa xaloko kuu xa n‑ka kida ñayiu ijan. Duꞌa yodotnuni: Maxku kidi ka‑n, nujun ini koio. Ndoto ndoꞌo, ñayiu ka kuu kuenda kɨu ndɨyɨ. Te datnuu dayeꞌe Cristu nuu kutuu kunukoo‑n.

1 Corintios 8:7

Ko dava ñani‑ro kuꞌa‑ro, ta xee ka‑i xa kutuu libre‑i. N‑ka jandixa‑i santu, xiꞌin ntdaa anu‑i. Juini n‑ka dandoo‑i santu, xa kunduu‑i xiꞌin Cristu, ko ta xee ka‑i xa kutuu libre‑i. Nde vitna, nux kaxi‑i kuñu n‑ka doko ñayiu nuu santu, te tekuechi‑i anu mee‑i.

Romanos 1:28

Ña tuu nax viꞌi ñayiu yaꞌa xa io Ianyuux. Ka xani ini‑i xa ñatu ka ndoñuꞌu‑i‑ia. Xijan kuu xa n‑dandoo ñaꞌa‑ia, te ñatu xejoon‑ia xa kani ini koio‑i xavaꞌa. Mee ni xaloko xaduꞌa ka xani ini‑i.

San Juan 8:11

N‑jaꞌan‑ña: —Ñaꞌa. Ni ɨɨn‑te, Dito. Te n‑jaꞌan Jesús: —Mee‑r tuku, ma kada uꞌu ñaꞌa‑r. Juaꞌan, te maxku kada ka‑n kuechi.

San Juan 5:14

Dada n‑nanitnaꞌa Jesús xiꞌin se n‑ndvaꞌa veñuꞌu kaꞌnu. N‑jaꞌan‑ia: —Kundeꞌa xa xá n‑ndvaꞌa‑n vitna. Maxku kada ka‑n xa uꞌu, nada kueꞌe ka vida yaꞌa‑n.

1 Tesalonicenses 4:5

Seyɨɨ, juini‑ia xa maxku juejoon‑n nuu yɨkɨ kuñu‑n xa kukajan ini‑n kueꞌe ñadɨꞌɨ, ná ka kida ñayiu ña ka xini Ianyuux. Ñadɨꞌɨ, juini‑ia xa maxku juejoon‑n nuu yɨkɨ kuñu‑n xa kukajan ini‑n kueꞌe seyɨɨ, ná ka kida ñayiu ña kaxini Ianyuux.

San Mateo 22:29

Xiaꞌan Jesús nuu‑s: —Ka jaꞌan lilu‑n. Ña ka xini‑n tnuꞌu Ianyuux xyodotnuni, ni ña ka xini‑n nax kuaꞌa Ianyuux xa kada‑ia.

Hechos 26:8

¿A ña jandixa ndixi xa kuaꞌa Ianyuux xa nadandoto‑ia ndɨyɨ a?

1 Corintios 4:14

Ña n‑kidavaꞌa‑da tnuꞌu yaꞌa xa kada‑da xa taxi‑da xa januu. Diko ni jan doꞌo ñaꞌa‑da, chi ka kuu mee‑n daꞌya mani‑da.