1 Corintios 11:26 - New Testament in Mixtec Diuxi-tilantongo

²⁶ Xijan kuu xa ntna vuelta kax koio‑n tila yaꞌa te koꞌo koio‑n ndudi uva yaꞌa, duꞌa dandeꞌa koio‑n ñayiu xa n‑xiꞌí Xtoꞌo‑ro Jesucristu xaxeꞌe‑ro. Xijan kuu xa, ku kada naꞌi koio‑n xaꞌa, nde na ndixi mee‑ia.

1 Corintios 11:26 Referans Kwoze

Apocalipsis 1:7

Kunaꞌa koio‑n xa ndixi‑ia nuu vikó. Ntdaa‑ro xiꞌin ntdaa ka ñayiu ñuñayiu kundeꞌa koio‑ia. Nde ñayiu n‑tuu ñaꞌa espada na n‑xiꞌí‑ia kundeꞌa‑ia. Ntdaa ñayiu ñuñayiu ndaꞌi xaxeꞌe xa tnau ini‑i. Daa yaꞌa. Amén.

Hebreos 9:28

Dɨuni, idini vuelta n‑xiꞌí Cristu, xa dita‑ia kuechi kueꞌe ñayiu. Vuelta kuu uu kixee‑ia. Ñadu xa dita‑ia kuechi. Kixee‑ia xa dakaku‑ia ñayiu xndetu ñaꞌa, xa kutuu koio‑i xiꞌin‑ia kuia ma jɨn ndɨꞌɨ.

San Juan 14:3

Nuꞌu‑r, xa kada tuꞌa‑r veꞌe koio mee‑n, te ndii‑r, xa kandeka ñaꞌa‑r jɨꞌɨn, xa kutuu vaꞌa koio mee‑n nuu kutuu mee‑r.

1 Juan 2:28

Daꞌya kuechi‑da, kunduu naꞌi koio ka‑n xiꞌin Jesucristu. Nux duꞌa kada koio‑n, te duꞌa ma yuꞌu‑ro nuu‑ia, te ma kujanuu‑ro nuu‑ia hora na ndixi‑ia.

Hechos 1:11

Ka xiaꞌan‑ia: —Ndoꞌo, ñayiu Galilea, ¿nakuenda xa xnii ni‑n yaꞌa, te xndeꞌa‑n andɨu? Xa juan ndaa‑ia. Ia yaꞌa, nani juan ndaa‑ia, dani ndixi‑ia ɨnka vuelta.

2 Pedro 3:10

Nani kɨu ɨɨn ñaduꞌu ɨɨn veꞌe, dani kuu xa ndixi Xtoꞌo‑ro Jesucristu. Kayu nɨꞌɨ andɨu, hora na jɨn ndɨꞌɨ andɨu. Ɨɨn xa iꞌni ka danaa ngandii xiꞌin yoo xiꞌin chudini. Nuu ñuꞌu koko kayu ñuñayiu xiꞌin ntdaa xa io ñuñayiu.

San Juan 21:22

N‑jaꞌan Jesús nuu Spedru: —Nux juini‑r xa ndoo naꞌi‑s nde na ndixi‑r, te maxku kɨ ini mee‑n xaxeꞌe‑s. ¡Kunduu naꞌi mee‑n xiꞌin mee‑r!

Apocalipsis 22:20

N‑jaꞌan ka Ia n‑kachitnuꞌu ñaꞌa ntdaa tnuꞌu yaꞌa nuu‑da: —Xa kuyatni xa naxee‑r. Te xiaꞌan‑da nuu‑ia: —Daa na koo. Ndixi‑n nuda.

Judas 1:14

Duꞌa n‑jaꞌan Enoc tuku. Se kuu uxa, raza Adán n‑kuu‑s. Se xian tnuꞌu tnuꞌu Ianyuux nuu ñayiu n‑kuu‑s. N‑kakuneꞌe‑s xa yaꞌa ñayiu jan, na n‑jaꞌan‑s: “Kundeꞌa koio‑n. Vaxi Xtoꞌo‑ro xiꞌin ia ka xinokuechi nuu‑ia. Kueꞌe xa kueꞌe xa kueꞌe‑ia vaxi xiꞌin‑ia.

1 Tesalonicenses 4:16

Hora ijan kundeꞌa‑ro Xtoꞌo‑ro Jesús vax nuu‑ia nde andɨu. Kana xee‑ia tnuꞌu taꞌu tniu‑ia. Te kana ángel kunxaꞌnu ka, ia xinokuechi nuu Ianyuux. Te ndaꞌi trompeta Ianyuux. Te kiꞌna nuu nandoto koio ñani‑ro kuꞌa‑ro n‑ka jandixa Jesús antecas xa kuú‑i.

1 Corintios 15:23

Ko ɨɨn ni ɨɨn ni. Ditna ka Cristu, te dada ntdaa ñayiu ka kunduu xiꞌin‑ia hora ndixi‑ia ñuñayiu.

2 Tesalonicenses 1:10

Na ndixi Xtoꞌo‑ro Jesús, kɨu ijan, te ñayiu n‑kida dɨɨn‑ia, ñayiu mee‑ia, juñaꞌa koio‑i xa n‑kutaꞌu‑i nuu‑ia. Ntdaa ñayiu n‑ka jandixa‑ia, ndadakaꞌnu‑i‑ia. Mee‑n tuku, chi n‑ka jandixa‑n‑ia, na n‑ka jaꞌan‑da xaxeꞌe‑ia.

1 Corintios 4:5

Xijan kuu xa maxku jaꞌan koio ka‑n xa kunduu‑n xiꞌin ɨɨn seyɨɨ, a ɨnka seyɨɨ. Io xa kundetu koio‑n, nde na ndixi Xtoꞌo‑ro Jesucristu. Kɨu ijan, ndadandaa ñaꞌa mee‑ia mee‑ro. Na ndixi‑ia, datuu‑ia ntdaa xa yɨvaꞌa nuu nee, datuu‑ia ntdaa xa ka xani ini ɨɨn ɨɨn ñayiu. Kɨu ijan, ndada kuenda Ianyuux ɨɨn ɨɨn ñayiu, nux n‑kida‑i ɨɨn xavaꞌa, a n‑kida‑i ɨɨn xa ña yaꞌu ni ɨɨn.

San Juan 21:23

Xijan kuu xa n‑ka tekutnuꞌu ñani‑ro, kuꞌa‑ro xa ma kuú se ijan, se n‑dakuaꞌa Jesús. Ko ña n‑jaꞌan Jesús xa ma kuú‑s. N‑jaꞌan‑ia: “Nux juini‑r xa ndoo naꞌi‑s nde na ndixi‑r, te maxku kɨ ini mee‑n xaxeꞌe‑s.”