San Mateo 9:38 - Xochapa Mixteco

³⁸ Xaꞌa ya ñaa kua xíniñuꞌu ni ndo kaꞌan ndo xiꞌin Ndioxi, ya ná tiꞌvi ka ra naꞌa, na xaa chiñu ndikuiso na ñaꞌa, ya xa ndi̱xinu ni ―káchi Jesús xiꞌin nda ítaꞌan xiꞌin ra.

San Mateo 9:38 Referans Kwoze

2 Tesalonicenses 3:1

Ya yóꞌó kua sindiꞌi káꞌan nde xiꞌin ndo, kaꞌan ndo xaꞌa nde xiꞌin Ndioxi ya ná kuchiñu kuita kama tuꞌun ra ndiꞌi ni kúu ñaꞌñu, ta ná ndikiꞌin vaꞌa ni na ya tá kuꞌva ndi̱kiꞌin vaꞌa ndóꞌo̱ ya.

Los Hechos 13:2

Saa iin kivi ndi̱kitaꞌan ndiꞌi mií na ndíkun Jesús ndóo na xáa kaꞌnu na Ndioxi ta xíxi suꞌun na. Saa ndi̱kaꞌan Tachi I̱í Ndioxi xiꞌin na, káchi ya saa: ―Tava síin ndo ra Bernabé xiꞌin ra Saulo ya ikan nda chiñu ya ndi̱kaxin i nda ikan nda ―káchi ya xiꞌin na.

San Juan 20:21

Saa ndi̱kaꞌan tuku Jesús xiꞌin nda, káchi ra saa: ―Ná koo vaꞌa ni ini ndo. Tá kuꞌva ti̱ꞌvi Iva i yeꞌe, saa tíꞌvi i ndóꞌo̱ kuꞌun ndo vitin ―káchi ra xiꞌin nda.

Los Hechos 8:4

Tá ndi̱xita na ndíkun Jesús, ka̱na koo na ñuu Jerusalen kuaꞌan na, ta ndiꞌi saa ñuu nuu kuaꞌan na ta ndítuꞌun na tuꞌun vaꞌa xaꞌa Jesús kuaꞌan na.

Efesios 4:11

Suvi mií tu ra ku ra ta̱xi ndee vaꞌa ndaꞌa naꞌa: Sava nda ndi̱niꞌi ndee vaꞌa ya kúu nda apóstol, ta sava na ndi̱niꞌi ndee vaꞌa ya kúu na, naꞌa na káꞌan tuꞌun yuꞌu Ndioxi, sava na ndi̱niꞌi ndee vaꞌa ya káꞌan ndoso na tuꞌun vaꞌa xaꞌa Tata yo Jesucristo, sava na ndi̱niꞌi ndee vaꞌa ya ndíso chiñu na xiꞌin na veꞌe ñuꞌu, ta sava na ndi̱niꞌi ndee vaꞌa ya kúu na maestro na sínaꞌa iví xaꞌa tuꞌun Ndioxi.

1 Corintios 12:28

Ta xa xíni yo mií Ndioxi ku ra to̱so yo veꞌe ñuꞌu ya xaa chiñu yo. Chiñu núnu̱ú ta̱xi ra ndaꞌa sava yo ku ya kúu yo apóstol, ta sava yo ku profeta, nda káꞌan tuꞌun yuꞌu Ndioxi, sava tu yo ku yo sínaꞌa tuꞌun Ndioxi, sava tu yo ta̱xi ra ichí ndaꞌa yo ya ikan yo yatuꞌun Ndioxi, sava yo ta̱xi ra ichí ndaꞌa yo ya sindaꞌa yo na kúꞌvi, sava tuku yo ta̱xi ra ichí ndaꞌa yo ya chindee taꞌan yo xiꞌin naꞌa, sava tuku yo ta̱xi ra ichí ndaꞌa yo ya kaꞌnda chiñu yo nuu na veꞌe ñuꞌu, sava tuku yo ta̱xi ra ichí ndaꞌa yo ya kaꞌan yo inka nuu tuꞌun ya köo ndi̱sikuaꞌa yo.

San Mateo 9:37

Saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Tá káa ñaꞌa ya xa ndi̱xinu ni sikee yo, saa íin na yóꞌó, chi xa íyo ndúvi ni na kundikun na yeꞌe. Sundi loꞌo ni ku na xáa chiñu nuu i.

San Juan 4:35

Tá kuꞌva káꞌan mií ndo tá chíꞌi ndo: “Nda tixin ya kumi yoo saa sikee yo”, káchi ndo. Ta yeꞌe káꞌan i xiꞌin ndo: Vaꞌa ndaniꞌi ndo nuu ndo ta koto ndo iku, saa chi tá kuꞌva íyo trigo ya xa ndi̱xinu ndikuiso yo, saa íyo tuꞌva naꞌa ya kaꞌan yo xiꞌin na kiꞌvi na ichí Ndioxi.