San Mateo 7:13 - Xochapa Mixteco

¹³ Saa ndi̱kaꞌan ka Jesús xiꞌin na, káchi ra saa: ―Xaꞌa ndo ndee ya kiꞌvi ndo yeꞌe ya táñu ni. Saa chi íyo inka ichí ya ndíka ni, ta ndíka ni yeꞌe ya, ta ichí yóꞌó kuaꞌan ya nuu ndiꞌi xaꞌa naꞌa, ta kuaꞌa ni naꞌa kuaꞌan ichí yóꞌó.

San Mateo 7:13 Referans Kwoze

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 10:9

Táꞌan yéꞌé ikán ku yeꞌe, ta ndiꞌi na vaxi nuu i ta sikaku i na. Koo na tá kuꞌva íyo levo, kuakiꞌvi ri tin kána koo ri ini corra ikán, ta níꞌi ri ita xíxi ri.

Gálatas 5:24

Ta saa ndiꞌi yo íyo xiꞌin Jesucristo xaꞌa ya ndi̱xiꞌi ra nuu cruzin xaꞌa yo, ta saa iin káchi ndi̱xiꞌi tu ikin kuñu yoo va xiꞌin ndiꞌi ñaꞌa väꞌa ya ndee ni ku̱too ikin kuñu yo xaa súvi ya yachi.

San Mateo 3:2

Káchi ra saa: ―Ndiko koo ini ndo, ïkan ka ndo ya väꞌa, chi xa ti̱ndaa yati ichí ya kaꞌnda chiñu Ndioxi nuu yo ―káchi ra Juan xiꞌin na.

San Mateo 3:8

Xiꞌna xíniñuꞌu ndo ndiko koo ini ndo xaꞌa kuachi ndo, ta saa sinaꞌa ndo mií ndo ya ndixa kua ndi̱nama ini ndo xaꞌa ya väꞌa íkan ndo.

2 Corintios 6:17

Ta káꞌan ka ra, káchi ra saa: Kana koo ndo tañu na väꞌa ñaa. Kuxika ndo nuu na. Ta tïndaa ndaꞌa ndo nuu nda iin ñaꞌa ya väꞌa nuu i. Ta saa vaꞌa ndikuiso i ndóꞌo̱.

San Mateo 23:13

Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa: ―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.

El Apocalipsis 20:15

Ta ndiꞌi na köo ndóso kivi nuu tutu Ndioxi ya koo na xiꞌin ra, ta ki̱ꞌin tatun Ndioxi na ta̱an ya ini xitun nuu ndee ni xíxi ñu̱ꞌu̱.

Filipenses 3:19

Chi kuaꞌan na ichí nuu síndiꞌi xaꞌa na mií va na. Ndisaa ya kútoo ni mií ikin kuñu na kua ndúku na xaa súvi na, ta ya ikán kua ndu̱u ndioxi nuu na. Ya kukaꞌan nuu na xiꞌin vi kua íkan na, ta köo íkan na saa, ya kútai ini na xiꞌin ka va kua. Ndisaa ñaꞌa íyo ñuu ivi yóꞌó ndíkani ini na xaꞌa.

2 Corintios 4:4

Saa ndóꞌo na chi kiti nǎꞌa kúu ndioxi ñuu ivi yóꞌó ku ri ndi̱kasi ya xínituni na ya ná kändixa na tuꞌun vaꞌa xaꞌa Jesucristo ya káꞌan nde xiꞌin na, ta na ikán, tá íin na kuáa̱ saa íin na. Chi köo táxi ri kuni na ya yéꞌe̱ luvi ni kúu mií tuꞌun vaꞌa xaꞌa Jesucristo. Chi mií Jesucristo, tá káa níí mií Ndioxi saa káa ra.

Los Hechos 3:19

Saa ndi̱kaꞌan ka ra xiꞌin na káchi ra saa: ―Na taꞌan yo, ndiko koo ndo nuu Ndioxi, ta ndiko koo ini ndo xaꞌa kuachi ndo, ta saa xaa kaꞌnu ini ra xaꞌa kuachi ndo. Ikan ndo saa, ta chindee Ndioxi ndóꞌo̱ ndikiꞌin ndo ini ndo koo vaꞌa ini ndo.

El Apocalipsis 20:3

Tá ndi̱ꞌi ka̱tun ñaꞌa ya kiti nǎꞌa ikán saa ki̱ꞌin ñaꞌa ya si̱kana táku ya ini yavi kunu ni ikán, saa ndi̱kasi tuun vaꞌa ya yuꞌu yavi ikán ta ki̱ꞌin ya sello chi̱nuu ya yuꞌu mií yavi ikán. Ya ná küchiñu ri keta ri sindaꞌvi ri na ñuu ivi, nda ná xinu mil kuiya ndikaa ri saa keta ndíka ri kaka ri uvi ndaa kivi.

1 Juan 5:19

Xíni yo seꞌe Ndioxi ku yoo ta ndáa ra yoo. Ta ndiꞌi ka naꞌa, na köo ndíkun ñaꞌa, ta kiti nǎꞌa ku ri xáꞌnda chiñu nuu na.

San Mateo 25:46

Ta saa kuꞌun na nuu tixuꞌvi ni na ndiꞌi saa kivi ya vaxi, ta na vaꞌa, na xáa súvi ya kúni Ndioxi ta kuꞌun na nuu kutaku na xiꞌin Ndioxi ndiꞌi saa kivi ya vaxi ―káchi Jesús xiꞌin na.

San Mateo 25:41

Sindiꞌi saa kaꞌan i xiꞌin naꞌa, na väꞌa, na ndóo ñaꞌñu ítín i, kachi i saa: “¡Kuátaꞌa ndo nuu i, ndóꞌo̱ ndi̱tavi chiꞌña ku ndo! Kuáꞌan ndo ndaya, nuu xíxi ñu̱ꞌu̱ ndiꞌi saa kivi ta köo ndáꞌva ya. Chi ikán ku nuu ndi̱kuaꞌa kuꞌun kiti nǎꞌa xiꞌin ndiꞌi tachi nduvaꞌa ndikun ñaꞌa.

El Apocalipsis 13:8

Saa xáa kaꞌnu ndiꞌi naꞌa, na ndóo ñuu ivi kiti ikán. Na ikán, ta köo kivi na ndóso nuu tutu i̱í kúu mií kiti Levo loꞌo nuu ndivi. Chi Levo loꞌo ikán ku ri ndi̱soko xiꞌin mií, ya ndi̱xiꞌi ri. Saa chi̱tuni Ndioxi ikan ra tá täꞌan sikuaꞌa ra ñuu ivi.

ROMANOS 9:22

Saa i̱kan Ndioxi xiꞌin naꞌa, na chi̱tuni ra ndiꞌi xaꞌa: ndixaꞌa ndee ndiꞌi ini ra xaꞌa ya väꞌa i̱kan na nuu ra, nda kivi ti̱ndaa tiempo ya nda̱a ni ya si̱saa na ra, ta si̱ndiꞌi xaꞌa ra na xiꞌin ndee kúu mií ra, saa ku̱ndaa ini ndiꞌi ni kúu na ñuu ivi xaꞌa ya i̱kan ra.

San Lucas 14:33

Saa ndiꞌi ndóꞌo̱ tá tu köo xáꞌa ndee ini ndo sindoo ndo ndiꞌi ñaꞌa ya kúu mií ndo, ta küchiñu ndo kundikun ndo yeꞌe ―káchi Jesús.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

San Lucas 9:33

Ñaa nda̱ñuꞌu nda ikán kuaꞌan nda, ta saa ndi̱kaꞌan ra Pedro xiꞌin Jesús, káchi ra saa: ―Tata Maestro, vaꞌa ni ku̱u ndóo nde xiꞌin un. Ta sikuaꞌa nde uni veꞌe vixin vali, iin ya koo yóꞌo̱, ta iin ya koo ra Moisés, inka ya koo ra Elías ―káchi ra Pedro xiꞌin ra. Ta köo ndi̱kundaa ini ra ndá xaꞌa kua ndi̱kaꞌan ra saa xiꞌin Jesús.

San Mateo 7:14

Ta táñu ni yeꞌe xiꞌin ichí kuiín ya kuaꞌan nuu kuchiñu koo naꞌa kutaku na xiꞌin Ndioxi, ta loꞌo ni naꞌa níꞌi ichí táñu yóꞌó, ta ndíkun na ya ―káchi Jesús.