San Mateo 6:2 - Xochapa Mixteco

² Tá ndá ndóꞌo̱ síniꞌi xuꞌun nuu na ndaꞌvi, ta ndïtuꞌun ndo xiꞌin ndiꞌi naꞌa xaꞌa ya íkan ndo, ya chinuu vaꞌa na tuꞌun ndo, saa chi saa íkan naꞌa, na uvi ini. Ndítuꞌun na xiꞌin ndiꞌi na ndóꞌni veꞌe ñuꞌu sinagoga, saa ndítuꞌun na xiꞌin na xíka kuaꞌan ichí, xaꞌa ya kúni na kindoo vaꞌa na nuu naꞌa. Xaꞌa ya íkan na saa, ta köo ka ya vaꞌa niꞌi na nuu Ndioxi.

San Mateo 6:2 Referans Kwoze

San Mateo 6:5

Saa káꞌan ka Jesús xiꞌin na, káchi ra saa: ―Tá káꞌan ndo xiꞌin Ndioxi, ta ïkan ndo tá íkan naꞌa na uvi ini. Saa chi na ikán ta kútoo na ndikundita na ini veꞌe ñuꞌu sinagoga án tutun calle, kútoo na kaꞌan kóꞌó na xiꞌin Ndioxi ya ná kuni naꞌa káꞌan na xiꞌin ra. Ta ndixa káꞌan i xiꞌin ndo köo ka ya vaꞌa niꞌi na.

San Mateo 6:16

’Tá xíxi suꞌun ndo, ta sïndikava ndo ini ndo, tá kuꞌva íkan naꞌa, na uvi ini. Saa chi saa íkan na ikán, síndikava na ini na ya kúni na ná kuni naꞌa ya xíxi suꞌun na. Xaꞌa ya íkan na saa ta xa ndi̱niꞌi na ya vaꞌa nuu naꞌa, ta köo ka ya vaꞌa niꞌi na nuu Ndioxi.

San Juan 5:41

’Yeꞌe, ta köo xíniñuꞌu i kaꞌan vaꞌa naꞌa xaꞌa i,

HEBREOS 13:16

Ta ndïndoso ini ndo ya ikan ndo ya vaꞌa xiꞌin taꞌan ndo. Saa chindee ndo na taꞌan ndo xiꞌin ya kúu mií ndo, saa chi tá íkan ndo saa ta tá íin ya sóko ndo nuu Ndioxi saa íin ya íkan ndo, ta kúvaꞌa ni ini Ndioxi xiꞌin ya íkan ndo.

San Lucas 20:46

―Kuenta ni koo ndo, ïkan ndo tá íkan nda sínaꞌa ya ta̱a ra Moisés, saa chi saa íkan nda: Ndíkundixi nda tikoto nani ni chi kútoo nda ná kañuꞌu ndiꞌi naꞌa nda. Kútoo nda ná chindee ndiꞌi na nda tá xíka nda kuaꞌan nda nuu yaꞌvi. Saa tu tá kuaꞌan nda veꞌe ñuꞌu sinagoga án nuu viko, nina nuu tai ndóo na kúu mií chiñu ndee kútoo nda kundoo nda.

San Juan 7:18

Iin taa, ra káꞌan xaꞌa ichí kúu mií ra, ta íkan ra saa chinuu vaꞌa ra tuꞌun ra ya ná xaa toꞌo ñaꞌa inka naꞌa. Sundi tá íyo iin ra köo chínuu vaꞌa ra tuꞌun mií ra, ta ndíkundee ra ndúku ra ya ná chinuu vaꞌa naꞌa tuꞌun ra ti̱ꞌvi ñaꞌa, ta saa kúndaa ini yo ra ndaa ku ra, ta köo ya síki íyo ini ra.

1 Pedro 4:11

Ta ndóꞌo̱ ndi̱niꞌi ya vaꞌa xínituni ke̱e nuu Ndioxi ya kaꞌan ndoso ndo, ta vaꞌa kaꞌan ndoso ndo tá kuꞌva kúni mií Iva yo Ndioxi. Ta saa ndóꞌo̱ ndi̱niꞌi ya vaꞌa chindee taꞌan ndo xiꞌin inka naꞌa, ta vaꞌa chindee taꞌan ndo xiꞌin na xiꞌin ndiꞌi ndee ya ta̱xi Iva yo Ndioxi ndaꞌa ndo. Ta ndiꞌi ya íkan ndo, ta vaꞌa ikan ndo ya, ya xaa kaꞌnu ndo Ndioxi tixin Tata yo Jesucristo, ra ndee ni ndee ku mií xiꞌin ya luvi ni kúu mií ra, ta saa koo ra ndiꞌi saa kúu tiempo. Saa ná koo.

Efesios 4:28

Ndiꞌi naꞌa, na ku̱too sikuiꞌna, ta ná sïkuiꞌna ka na. Vaꞌa ná xaa chiñu na xiꞌin ndaꞌa na, ta saa koo ñaꞌa nuu na chindee taꞌan na xiꞌin na ndaꞌvi, na köo ñaꞌa nuu.

Gálatas 2:10

Ta iindaa ñaꞌa ya ndu̱ku nda nuu nde kua: ya ná ndïndoso ini nde xaꞌa naꞌa, na ndaꞌvi, káchi nda xiꞌin i. Ta chiñu ikán kua ndee ni ndíꞌi ini nde xáa súvi nde vitin.

Los Hechos 10:4

Saa ndi̱koto ra nuu tatun ikán, íꞌvi ka vi ra. Saa ndi̱kaꞌan ra, káchi ra saa: ―¿Unkua kúni un, Tata? ―káchi ra. Saa ndi̱kuiin tatun ikán káꞌan ya xiꞌin ra: ―Xi̱ni soꞌo ndiꞌi Ndioxi ya ndi̱kaꞌan un xiꞌin ra ta xi̱ni tu ra ya vaꞌa íkan un xiꞌin na ndaꞌvi va.

1 Timoteo 6:18

Vaꞌa kaꞌan un xiꞌin nda ñani yo, nda ndúkuika ni, ya xíniñuꞌu nda ikan ni nda ya vaꞌa. Ta ná küxiꞌnda nda, ná kusini ni nda nditaꞌvi nda ñaꞌa nda xiꞌin inka naꞌa.

ROMANOS 12:8

Ta sava tuku yo ndi̱niꞌi taꞌvi xaꞌa yo ndee xiꞌin naꞌa, ta kuꞌva saa ná ikan yo xiꞌin na. Tá sava tuku yo ndi̱niꞌi taꞌvi ya siniꞌi yo ñaꞌa nuu inka na, ta kuꞌva saa ná ikan yo xiꞌin na, ná ikan yo ya xiꞌin ndinuꞌu nima yo. Tá sava tu yo ndi̱niꞌi taꞌvi ya kunuu yo nuu naꞌa, ta kuꞌva saa ná ikan yo xiꞌin na, ndinuꞌu ini yo ná ikan yo saa. Tá sava tuku yo ndi̱niꞌi taꞌvi ya kundaꞌvi ni ini yo kuni yo naꞌa, ta kuꞌva saa ná kundaꞌvi ni ini yo ikan yo saa xiꞌin na ta ná kusini ni yo.

Los Hechos 24:17

’Ta xa kuaꞌa ni kuiya ke̱e i xíka i inka ñuu, ta nda vitin ndi̱ko koo tuku i ñuu i yakan ndi̱xaꞌan i táxi i loꞌo xuꞌun ndaꞌa na ndaꞌvi saa sóko loꞌo i ñaꞌa nuu Ndioxi va.

Los Hechos 10:31

Ndi̱kaꞌan ra xiꞌin i, káchi ra saa: “Tata Cornelio, xi̱ni soꞌo Ndioxi ya káꞌan un xiꞌin ra saa xi̱ni ra ya íkan un xiꞌin na ndaꞌvi.

Los Hechos 10:2

Ta káñuꞌu ni ra Cornelio Ndioxi saa tu na veꞌe va ra, káñuꞌu ni na Ndioxi. Saa chíndee ni ra na judío, na ndaꞌvi, ta káꞌan ni ra xiꞌin Ndioxi.

Los Hechos 9:36

Ta kivi ikán íyo iin yá kándixa Jesús ñuu Jope náni yá Tabita, ta tuꞌun griego kúni kachi ya Dorcas. Ta nina ya vaꞌa íkan yá, chíndee ni yá na ndaꞌvi.

San Juan 13:29

Ta sava nda ndi̱kani ini ya kuꞌun ra sata ra ñaꞌa kuniñuꞌu nda viko án ná taxi ra xuꞌun ndaꞌa na ndáꞌvi, káꞌan nda, chi mií ra ku ra ndíso ñaꞌa ñúꞌu xuꞌun.

San Juan 5:44

Köo xíin ndo kandixa ndo yeꞌe, saa chi kútoo ni ndo kaꞌan vaꞌa ndo xaꞌa taꞌan ndo, ta köo ndúku ndo ya kaꞌan vaꞌa Ndioxi xaꞌa ndo ―káchi ra xiꞌin nda.

San Lucas 6:42

Käꞌan ndo xiꞌin ñani ndo: “Kundatun naꞌa un ná tava i xeꞌe ndíkaa nuu un”, kachi ndo. Saa chi chee ni ka itun viga ndíkaa nuu mií ndo. ¡Ndóꞌo̱ uvi yuꞌu ku ndóꞌo̱! Xiꞌna tava ndo itun ndíkaa nuu mií ndo, ta saa kuchiñu ndo tava ndo xeꞌe loꞌo ya ndíkaa nuu ñani ndo ―káchi Jesús xiꞌin na.

San Marcos 12:39

Saa tu tá kuaꞌan nda veꞌe ñuꞌu sinagoga án tá kuaꞌan nda kuxi nda nuu viko, ta kútoo ni nda kundoo nda nuu tai toꞌo nuu ndóo na naꞌnu.

FILEMÓN 1:7

Ta yeꞌe, kúsini ka vi i xiꞌin un ñani yo, Filemón. Vaꞌa ka vi kúni i xiꞌin un chi xaꞌa ya kúꞌvi ni ini un xíni un na veꞌe ñuꞌu, na i̱í kua chíkaa ni un ndee xiꞌin na, vaꞌa ni kúni na.

1 Tesalonicenses 2:6

Chi nda iin ichí köo ndi̱xaá naꞌnu nde mií nde nuu nda iin naꞌa, ni nuu ndóꞌo̱, ni nuu ndá ka inka naꞌa. Vani kúu mií nde ichí ya ikan ndo saa xiꞌin nde xaꞌa ya kúu nde nda xáa chiñu nuu Tata yo Jesucristo, ta köo ndi̱kan nde saa xiꞌin ndo.

Los Hechos 11:29

Saa xi̱ni soꞌo na tuꞌun Ndioxi ya ndi̱kaꞌan ra Agabo, ñaa chi̱taꞌan tuꞌun na tiꞌvi na xuꞌun kuꞌun ndaꞌa na taꞌan na ndóo Judea. Tá kuꞌva náni ndaꞌa iin iin na, saa íyo ya ta̱xi na.

San Lucas 13:15

Saa ndi̱kuiin Tata yo Jesús káꞌan ra saa, káchi ra saa: ―Ndóꞌo̱ uvi yuꞌu ku ndo, nda, ni mií ndo ta xáꞌan ndo ndáxin ndo sindiki sana ndo xiꞌin burru sana ndo xíꞌi ri tikuii kivi ndíkundee yo.

San Lucas 12:56

Ndóꞌo̱ uvi yuꞌu ku ndo, tá kúndaa ini ndo unkua íkan vikó nuu ndivi tin kúndaa ini ndo unkua íkan ñuꞌú tá kúun savi. Tá ndixa xíni ni ndo ta ¿ndachu köo kúndaa ini ndo xiꞌin seña ya íkan i xiꞌin ndo? ―káchi Jesús xiꞌin na.

San Lucas 12:33

Xiko ndo ñaꞌa kúu mií ndo, saa taxi ndo xuꞌun ndaꞌa na ndaꞌvi. Kundiꞌi ini ndo chivaꞌa ndo ñaꞌa ndo ini ñaꞌa ya köo ndíꞌi xaꞌa íyo nuu ndivi ni na kuiꞌna küchiñu sikuiꞌna ya, ni tikixin küchiñu ri sindiꞌi xaꞌa ri ya.

San Lucas 11:43

’¡Ndaꞌvi ni ndóꞌo̱ fariseo, chi vaxi kivi ta ndoꞌo ni ndo! Saa chi tá kuaꞌan ndo veꞌe ñuꞌu sinagoga ta nina tai nuu ndóo na kúu mií chiñu ndee kútoo ndo kundoo ndo. Saa tu tá xíka ndo kuaꞌan ndo ichí va, kúni ndo ná xaa toꞌo ndiꞌi naꞌa ndóꞌo̱.

San Lucas 11:41

Saa ndóꞌo̱, tá chíndee ndo na ndaꞌvi ta ndinuꞌu ini ndo taxi ndo ñaꞌa ndo ndaꞌa na. Ta saa kua kindoo vaꞌa ndo nuu Ndioxi.

San Lucas 6:24

’Sundi ndaꞌvi ni ndóꞌo̱ kuika, saa chi xa íyo ni ñaꞌa ndo ya kúsini ni ndo xiꞌin.

San Marcos 7:6

Saa ndi̱kuiin Jesús káꞌan ra: ―Ndaa ni ndixa ndi̱kaꞌan ra Isaías, ra ndi̱kaꞌan ndoso tuꞌun yuꞌu Ndioxi xinaꞌa xaꞌa ndo, ya uvi ni yuꞌu ndo, chi ya ta̱a ra ndi̱kaꞌan Ndioxi xiꞌin ra, káchi ya saa: Na ivi yóꞌó, nuu yuꞌu kuiti va na ínuu ya káꞌan na, káñuꞌu na yeꞌe, sundi nima na ta íyo xíka ni ya nuu i, chi köo ndinuꞌu ini na xáa toꞌo na yeꞌe.

San Mateo 24:51

Ta ndee ni sitixuꞌvi ñaꞌa patrón ra. Ñaa tiꞌvi ñaꞌa ra kuꞌun ra nuu ndóo na väꞌa, na uvi ini. Ta ikán ku nuu kuaku ni na ndakua ndikaxi nuꞌu na, xaꞌa ya ndee ni tíxuꞌvi na.

San Mateo 23:6

Tá íyo viko nuu kuaꞌan na kuxini na ta kútoo nda koo nda nuu ndóo naꞌa, na kúu mií chiñu ndee ni, saa tá kuaꞌan nda veꞌe ñuꞌu ya sinagoga ta kútoo nda koo nda nuu tai toꞌo.

San Mateo 22:18

Saa ku̱ndaa ini Jesús ya kéꞌe nda ra, ñaa ndi̱kaꞌan ra xiꞌin nda, káchi ra saa: ―¡Ndóꞌo̱ uvi yuꞌu ku ndo! ¿Ndachu kéꞌe ndo yeꞌe?

San Mateo 16:3

Tá xitaan ndúkuaꞌa nuu ndivi vaxi ñu̱ꞌù, ta íyo viko nuu ndivi, ta saa káꞌan ndo: “Väꞌa mií, kuun ni savi kivi vitin”, káchi ndo. “¡Ndóꞌo̱ uvi ini! Tá tu xíni ndo kíꞌin ndo kuꞌva xiꞌin tiempo, ta ¿ndachu köo kúndaa ini ndo xiꞌin ya xíto ndo tin ya xíni soꞌo ndo íkan i vitin?

San Mateo 15:7

¡Ndóꞌo̱ uvi ini ku ndo! Ndaa ni ndixa ndi̱kaꞌan ndoso ra Isaías xaꞌa ndo tá ndi̱kaꞌan ra, káchi ra saa:

San Mateo 7:5

Xiꞌna xíniñuꞌu un tava un nduku chee ndíkaa nuu un, saa kuchiñu koto vaꞌa un, tava un miꞌí loꞌo ndíkaa nuu ñani un. ¡Ndachu uvi ni ini un!

San Mateo 5:18

Ya ndaa káꞌan i xiꞌin ndo, kivi íyo ka ndivi xiꞌin ñuu ivi yóꞌó, ta nda iin letra, ni iin punto loꞌo ndündaa nuu ley Ndioxi ya ta̱a ra Moisés. Xinu ndiꞌi ni kúu tuꞌun ra, nda iin ya ndïꞌi xaꞌa.

San Mateo 6:3

Ta saa ndóꞌo̱, tá síniꞌi ndo xuꞌun nuu na ndaꞌvi, ta täxi ndo kundaa ini ndaꞌa kuáꞌá ndo xaꞌa ya íkan ndaꞌa itin ndo. Ndïtuꞌun ndo xiꞌin na taꞌan ndo, ni vaꞌa ni ítaꞌan ndo xiꞌin na, ta ndïtuꞌun ndo xiꞌin na.

San Mateo 23:5

Ta ndiꞌi ya yóꞌó íkan nda ya kúni nda ná kuni inka naꞌa ya íkan nda. Saa táa nda tuꞌun Ndioxi nuu tutu vali ta chívaꞌa nda ya ini caja ñii vali. Ñaa kíꞌin nda ya chínuu nda taan nda án chiyo nda. Ta ndása naꞌnu ka nda caja vali nda nuu inka naꞌa, ta nda chilo yuꞌu toto nda nani ni íkan nda ya, íkan nda saa ya kúni nda kuni naꞌa xáa súvi ni nda ya káꞌan Ndioxi.

1 Corintios 13:3

Ni ná nditaꞌvi ndiꞌi i ñaꞌa ya kúu mií i taxi i kuxi na ndaꞌvi, ni ná nditaxi i mií i koko ikin kuñu i xaꞌa na, tá tu köo ya kúꞌvi ini táxi Ndioxi íyo nima i ya kuꞌvi ini i kuni i inka na, ta ni köo ndáa yaꞌvi mií vi i.