San Mateo 4:7 - Xochapa Mixteco

⁷ Saa ndi̱kuiin Jesús, káchi ra saa: ―Saa tuku káchi tuꞌun Ndioxi: “Väꞌa koto ndoso naꞌa Ndioxi” ―káchi Jesús xiꞌin kiti nǎꞌa.

San Mateo 4:7 Referans Kwoze

1 Corintios 10:9

Ta ná köto ndoso yo Tata yo Jesucristo ya sitixuꞌvi ra yoo xaꞌa ya väꞌa íkan yo tá kuꞌva xi̱to ndoso sava xii sikua yo ra xinaꞌa, yakan ti̱in kiti ko̱ó na ta ndi̱xiꞌi na.

HEBREOS 3:9

Iku ikán xi̱to ndoso xii sikua ndo yeꞌe uvi xiko kuiya. Vani xi̱ni na ya vaꞌa i̱kan i xiꞌin na, ta saa ni xi̱to ndoso na yeꞌe.

Los Hechos 5:9

Ta saa ndi̱kaꞌan ra Pedro xiꞌin yá, káchi ra saa: ―¿Ndachu i̱kan ndo saa? Iin káchi chi̱taꞌan tuꞌun ndo xi̱to ndoso ndo Tachi Iva yo Ndioxi. Keꞌe ñaa vaxi nda ndi̱xaꞌan si̱nduxin i̱í un, ta vitin kuꞌun tu nda sinduxin nda yóꞌo̱ va ―káchi ra xiꞌin yá.

San Mateo 4:4

Saa ndi̱kuiin Jesús ndi̱kaꞌan ra, káchi ra saa: ―Tuꞌun Ndioxi káchi ya saa: “Süvi ndisaa ya kuxi naꞌa saa kutaku na. Xíniñuꞌu tu na kandixa ni na tuꞌun Ndioxi va saa kutaku na”, káchi tuꞌun Ndioxi ―káchi Jesús xiꞌin kiti nǎꞌa.

San Mateo 4:10

Saa ndi̱kuiin Jesús, ndi̱kaꞌan ra xiꞌin ri, káchi ra saa: ―¡Kuataꞌa, keta kuáꞌan, kiti nǎꞌa! saa chi tuꞌun Ndioxi káchi ya saa: “Ndisaa Ndioxi xaa toꞌo naꞌa, ta ndisaa mií ra kandixa na”, káchi tuꞌun ra ―káchi Jesús xiꞌin kiti nǎꞌa.

San Mateo 21:42

Saa ndi̱kaꞌan Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi? ya káchi saa: “Yu̱ú ya ku̱ndasi nda síkuaꞌa veꞌe, ya yóꞌó ku ya xíniñuꞌu ni ka ndikaa xaꞌa veꞌe. Soꞌva i̱kan Ndioxi. Ndioxi ku ra i̱kan ya yóꞌó, ta ndi̱kanda ni ini yo xiꞌin ya yóꞌó”, káchi ya ta̱a na xinaꞌa, káchi Ndioxi.

San Mateo 21:16

Saa ndi̱kaꞌan nda naꞌnu nuu sutu xiꞌin Jesús, káchi nda: ―¿Án xíni soꞌo un unkua káꞌan na vali yóꞌó? káchi nda. Saa ndi̱kuiin Jesús, káꞌan ra: ―Uun, xíni soꞌo va i ya káꞌan na. Ta ndóꞌo̱, ¿án täꞌan kaꞌvi ndo ya káꞌan tuꞌun Ndioxi xaꞌa ya yóꞌó, nuu káꞌan ya? “Nda na vali xiꞌin na lee vali chíchin ta ndee ni ndinuꞌu ini na káꞌan vaꞌa na xaꞌa i, saa xíta na yaa nuu i”, káchi ya íyo nuu tuꞌun Ndioxi ―káchi Jesús xiꞌin nda.

San Lucas 4:12

Ta saa ndi̱kuiin tuku Jesús káꞌan ra: ―Saa káꞌan tuku tuꞌun Ndioxi: “Köto ndoso i Ndioxi”, káchi tuꞌun ra ―káchi Jesús xiꞌin ri.

Los Hechos 15:10

Ta ¿ndachu tuun ni ini ndo köo xíin ndo kandixa ndo Ndioxi ya ndi̱kuiso ra na, saa káꞌan ndo xaa súvi na ley Ndioxi. Ta nda ni mií yo xiꞌin xii sikua yo ta köo ndikuchiñu yo xaa súvi yo ley ikán.