San Mateo 4:25 - Xochapa Mixteco

²⁵ Ta kuaꞌa ni na ke̱e estado Galilea xiꞌin na ke̱e ñuu náni Decápolis, na ke̱e ñuu Jerusalén xiꞌin ñuu ya ñúꞌu estado Judea xiꞌin na ke̱e inka ñaꞌñu yuꞌu nduta ita Jordán, ndi̱kitaꞌan na kuaꞌan na sata Jesús.

San Mateo 4:25 Referans Kwoze

San Lucas 6:17

Tá ndi̱ko koo Jesús xiꞌin nda ítaꞌan xiꞌin ra. Ñaa ndi̱xinu nda iin yoso, ta ikán ndi̱kitaꞌan na ndíkun sata ra ndóo na ndátun ñaꞌa na. Saa ndóo kuaꞌa ni tu na ki̱xi ñuu Jerusalén xiꞌin na ki̱xi inka ñuu ya ñúꞌu estado Judea, xiꞌin na ki̱xi ñuu ya ñúꞌu yati yuꞌu nduta ñûꞌu ñuu Tiro tin na ki̱xi ñuu Sidón. Ndóo na ndátun ñaꞌa na chi kúni na kuni soꞌo na ya káꞌan ra, sava na kúni sindaꞌa ra na xiꞌin kueꞌe ya ndóꞌo na.

San Marcos 5:20

Saa ke̱e ra kuanuꞌu ra veꞌe ra, ndítuꞌun ndiꞌi ra xiꞌin na veꞌe ra tin xiꞌin ndiꞌi na ñuu ya ñúꞌu Decápolis, ndítuꞌun ra xiꞌin na unkua i̱kan Jesús xiꞌin ra, ta ndiꞌi na ndíkanda ni ini na xaꞌa ya káꞌan ra.

San Marcos 7:31

Ndi̱ko koo Jesús ke̱e ra ñuu Tiro saa ndi̱yaꞌa ra chí ñuu Sidón ikán ndi̱yaꞌa ra ñuu vali ya ñúꞌu iin ñaꞌñu náni Decápolis. Saa ndi̱xaa ra yuꞌu nduta ñûꞌu rá Galilea.

San Lucas 6:19

Ta ndiꞌi na kúni tiin ndaa ra, saa chi kúu mií ra ndee Ndioxi ya sindaꞌa ra na, saa ndu̱vaꞌa ndiꞌi na i̱kan ra.

San Marcos 6:2

Tá ti̱ndaa kivi i̱í ndíkundee na, saa ndi̱xaa ra veꞌe ñuꞌu sinagoga xa̱á ra sínaꞌa ra. Ta kuaꞌa ka vi na xíni soꞌo káꞌan ra, iin ndíkanda ini na xíni soꞌo na káꞌan ra, saa káꞌan na xaꞌa ra: ―¿Ndachu vaꞌa xíni ni ra? Tá káꞌan iin ra ndíchi ni saa káꞌan ra. ¿Ta ndachu vaꞌa íkan ra yatuꞌun?

San Mateo 19:2

Ta kuaꞌa ni naꞌa ndi̱kundikun kuaꞌan sata ra, ta ikán si̱ndaꞌa ra ndiꞌi na kúꞌvi.

San Mateo 12:15

Tá xi̱ni Jesús ya ndíkani ini nda, saa ke̱ta ra veꞌe ñuꞌu kuaꞌan ra. Kuaꞌa ka vi naꞌa ndi̱kundikun kuaꞌan sata ra. Saa si̱ndaꞌa ndiꞌi ra na kúꞌvi.

San Mateo 8:1

Tá ndi̱ko koo Jesús vaxi ra nuu xiki ikán, ta kuaꞌa ni naꞌa ndíkun kuaꞌan sata ra.

San Mateo 5:1

Tá xi̱ni Jesús ndi̱xaa kuaꞌa ni naꞌa, saa nda̱a ra ndi̱kunduꞌu ra nuu iin xiki, ñaa ku̱yati nda ítaꞌan xiꞌin ra nuu ra, ya kuni soꞌo nda ya káꞌan ra.

San Mateo 4:15

Ñuu nuu ndóo nda seꞌe sikua ra Zabulón xiꞌin ra Neftalí, ndíkaa ya yati yuꞌu nduta ñûꞌu, inka ñaꞌñu yuꞌu ita Jordán. Ta estado Galilea ndóo sava naꞌa, ta süvi na judío ku na.