San Mateo 4:13 - Xochapa Mixteco

¹³ Ta köo ndi̱ndoo ra koo ra ñuu ra Nazaret, chi ikán ke̱e ra kuaꞌan ra koo ra ñuu Capernaum ya ndíkaa yati yuꞌu nduta ñûꞌu, ñaꞌñu nuu ndóo nda seꞌe sikua ra Zabulón xiꞌin ra Neftalí.

San Mateo 4:13 Referans Kwoze

San Juan 4:46

Ta saa ndi̱ko koo Jesús kuaꞌan ra ñuu Caná ya ndíkaa estado Galilea, nuu si̱kuaꞌa ra nduta tikuii ndu̱u rá vino. Ta íyo iin ra kúu mií chiñu ndee ni ñuu Capernaum ta ndee ni ndóꞌo seꞌe ra.

San Marcos 1:21

Saa ndi̱xaa Jesús xiꞌin nda ítaꞌan xiꞌin ra ñuu Capernaum. Ta kivi i̱í, kivi ndíkundee na, ndi̱kiꞌvi Jesús ini veꞌe ñuꞌu sinagoga sínaꞌa ra naꞌa.

San Mateo 11:23

Ta ndóꞌo̱ na ñuu Capernaum, ¿Án ndíkani ini ndo ínuu vaꞌa ni tuꞌun ndo nda nuu ndivi, túvi ndo? Ndaꞌvi ni ndo chi nda kaꞌa ndaya nuu kunu ni̱nu̱ tiꞌvi Ndioxi ndóꞌo̱ kuꞌun ndo. Chi taꞌan yatuꞌun íkan i xiꞌin ndóꞌo̱ vitin, tá ndi̱xini na ñuu Sodoma ya ta xa ndi̱ko koo ini na xaꞌa ya väꞌa íkan na, ta ndïꞌi xaꞌa na táku na nda vitin, ndikuu.

San Juan 6:59

Ya yóꞌó kua ndi̱kaꞌan Jesús tá si̱naꞌa ra ini veꞌe ñuꞌu sinagoga ñuu Capernaum.

San Juan 6:24

saa tá xi̱ni naꞌa ya köo Jesús, ta ni nda ítaꞌan xiꞌin ra köo ndi̱xini na, saa nda̱a na sata barco tun ndi̱xaa ikán, kuaꞌan na nduku ñaꞌa na chí ñuu Capernaum.

San Juan 6:17

Ta saa nda̱a nda sata itun barco yáꞌa nda nuu nduta ñûꞌu kuaꞌan nda chí ñuu Capernaum. Ta xa ku̱naa vaꞌa ta täꞌan xaa Jesús ndikitaꞌan ra xiꞌin nda.

San Juan 2:12

Sindiꞌi ikán ta ke̱e ra kuaꞌan ra chí ñuu Capernaum, kuaꞌan siꞌí ra tin ñani ra xiꞌin nda ítaꞌan xiꞌin ra, saa ndi̱xiyo na uvi ndaá kivi ñuu ikán.

San Mateo 17:24

Tá ndi̱xaa Jesús xiꞌin nda ítaꞌan xiꞌin ra ñuu Capernaum, saa ndi̱xaa nda ndíkaya xuꞌun veꞌe ñuꞌu nuu ra Pedro, saa ndi̱ndakan tuꞌun nda ra, káchi nda saa: ―¿Án cháꞌvi ra maestro un xuꞌun veꞌe ñuꞌu? ―káchi nda xiꞌin ra.

San Lucas 4:23

Ta saa ndi̱kaꞌan Jesús xiꞌin na, káchi ra saa: ―Xa ku̱ndaa va ini i chi vaxi kivi ta kaꞌan ndo xiꞌin i tá káchi na káꞌan: “Ndotor, xaa tatan un mií un”, kachi ndo. Ta saa kaꞌan ka ndo: “Án su yóꞌó ku ra i̱kan kuaꞌa ni ya vaꞌa ñuu Capernaum, ta vaꞌa ná ikan tu un taꞌan ya i̱kan un ñuu ikán ñuu un yóꞌó va”, kachi ndo xiꞌin i ―káchi Jesús xiꞌin na.

San Mateo 4:14

Saa ndi̱xinu ya ndi̱kaꞌan ra profeta Isaías xinaꞌa, káchi ra saa:

San Mateo 4:15

Ñuu nuu ndóo nda seꞌe sikua ra Zabulón xiꞌin ra Neftalí, ndíkaa ya yati yuꞌu nduta ñûꞌu, inka ñaꞌñu yuꞌu ita Jordán. Ta estado Galilea ndóo sava naꞌa, ta süvi na judío ku na.

San Mateo 9:1

Saa nda̱a Jesús sata barco, ndi̱yaꞌa ra inka ñaꞌñu yuꞌu nduta ñûꞌu, ndi̱xaa ra ñuu ra.

San Marcos 2:1

Saa ku̱u ndi̱yaꞌa sava kivi, ta ndi̱ko koo tuku Jesús ñuu Capernaum. Saa ku̱ndaa ini na ya íyo ra veꞌe,

San Lucas 10:15

Ta ndóꞌo̱ ndóo ñuu Capernaum, ínuu vaꞌa ni tuꞌun ndo nda nuu ndivi, ta ¡ndaꞌvi ni ndo! chi nda ni̱nu̱ koyo ndo kuꞌun ndo ndaya ―káchi ra xiꞌin na.