San Mateo 27:63 - Xochapa Mixteco

⁶³ Ndi̱kaꞌan nda xiꞌin ra, káchi nda saa: ―Tata, ndi̱kaꞌán ini nde ya ndi̱kaꞌan ra Jesús ra síndaꞌvi naꞌa, tá xi̱taku ra ta ndi̱kaꞌan ra ya nditaku ra sindiꞌi tixin kivi uni.

San Mateo 27:63 Referans Kwoze

San Lucas 9:22

Ta saa ndi̱kaꞌan ra xiꞌin nda, káchi ra saa: ―Yeꞌe ku Taa ra ti̱ꞌvi Ndioxi vaxi ñuu ivi yóꞌó, ta ndoꞌo ni i, saa kundasi nuu na xikuaꞌa kuni na yeꞌe xiꞌin nda sutu naꞌnu nuu sutu, saa tu nda sínaꞌa ley ya ta̱a ra Moisés va. Kaꞌni nda yeꞌe, sundi kivi uni nditaku i ―káchi ra xiꞌin nda.

San Mateo 16:21

Nda kivi saa xa̱á Jesús ndítuꞌun ra xiꞌin nda ítaꞌan xiꞌin ra, ya xíniñuꞌu kuꞌun ra ñuu Jerusalén. Ta ikán xaa nduvaꞌa ni na xikuaꞌa, xiꞌin nda ínuu nuu sutu tin nda maestro nda sínaꞌa ley Ndioxi, xaa nduvaꞌa ni nda xiꞌin ra. Saa kaꞌni nda ra, ta nditaku ra kivi uni.

San Juan 2:19

Saa ndi̱kuiin Jesús ndi̱kaꞌan ra xiꞌin nda, káchi ra saa: ―Tá ná sindiꞌi xaꞌa ndo veꞌe ñuꞌu yóꞌó ta tixin kivi uni ta sikuaꞌa tuku i ya ―káchi ra xiꞌin nda.

San Lucas 18:33

Saa kani ni yeꞌe, ta kaꞌni na yeꞌe, sundi kivi uni nditaku i ―káchi Jesús xiꞌin nda ítaꞌan xiꞌin ra.

San Marcos 10:34

Kuaku ndaa na yeꞌe, saa kani ni na yeꞌe xiꞌin ñii ya ñúꞌu kàà nuu, saa koꞌni ndaa na sii nuu i, ñaa kaꞌni na yeꞌe, sundi sindiꞌi tixin kivi uni nditaku i ―káchi ra xiꞌin nda.

San Marcos 8:31

Saa ku̱u xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Yeꞌe ku ra xa̱a ñuu ivi yóꞌó ta ndoꞌo ni i, saa kundasi nuu na xikuaꞌa ñuu yo Israel kuni na yeꞌe, xiꞌin nda naꞌnu nuu nda sutu xiꞌin nda maestro nda sínaꞌa ley ya ta̱a ra Moisés xinaꞌa ―káchi ra. Ndítuꞌun ra xiꞌin nda ítaꞌan xiꞌin ra ya xaa nduvaꞌa ni na chiñu xiꞌin ra kaꞌni ñaꞌa na, sundi kivi uni nditaku ra, káchi ra xiꞌin nda.

San Mateo 20:19

Saa nditaxi nda yeꞌe ndaꞌa naꞌa, na köo kúu judío ya kusiki ndaa na yeꞌe, kuaku ndaa ni na yeꞌe, saa kani ni na yeꞌe xiꞌin kuarta xaa nduvaꞌa ni na xiꞌin i. Ta sindiꞌi, saa kaꞌni na yeꞌe ndaꞌa cruzin. Sundi kivi uni nditaku i ―káchi Jesús xiꞌin nda.

San Mateo 17:23

Ta na ikán kaꞌni na yeꞌe, sundi kivi uni nditaku i ―káchi ra xiꞌin nda. Tá xi̱ni soꞌo nda ítaꞌan xiꞌin ra ya ndi̱kaꞌan ra, saa ku̱chiꞌña ni ini nda.

San Mateo 26:61

ndi̱kaꞌan nda, káchi nda saa: ―Ra yóꞌo̱ ta ndi̱kaꞌan ra: “Yeꞌe, ta kuchiñu i sindiꞌi xaꞌa i veꞌe ñuꞌu kaꞌnu, ta tixin kivi uni sikuaꞌa tuku i ya,” káchi ra ―káchi nda xaꞌa ra.

2 Corintios 6:8

Sava ichí xáa toꞌo na ndeꞌe, ta inka ichí kúndasi nuu na xíni na ndeꞌe, ta sava tu ichí káꞌan vaꞌa ni na xaꞌa nde ta sava tu ichí kánaꞌa ni va na xiꞌin nde, sava na káꞌan ndeꞌe vata ku nde, káchi na xaꞌa nde, ta süvi ya ndaa kua káꞌan na xaꞌa nde, chi ndeꞌe, ta nina ya ndaa ndítuꞌun nde.

San Juan 7:12

Ta káꞌan ni na xiꞌin taꞌan na xaꞌa Jesús, káchi na saa: “Ra vaꞌa va ku ra”, káchi na. Ta sava na káꞌan: “Süvi ra vaꞌa ku ra, ra síndaꞌvi na ñuu ku ra”, káchi na.

San Lucas 23:2

Tá ndi̱xaa na xiꞌin ra nuu ra Pilato, ta xa̱á na táxi na kuachi siki xaꞌa ra, káchi na saa: ―Xi̱ni nde ra yóꞌó táa sii ni ra naꞌa ya kuꞌun na sata ra. Ta väꞌa íkan ra, ra táꞌvi ñuu yo ku ra chi káꞌan ra xiꞌin na, ya ná chäꞌvi na xuꞌun ya kuaꞌan ndaꞌa ra rey César, saa chi mií ra ku Cristo, ra ti̱ꞌvi Ndioxi vaxi ra nduu ra rey ñuu ivi yóꞌó, káchi ra xiꞌin na ―káchi nda.

San Juan 7:47

Saa ndi̱kuiin nda fariseo káꞌan nda: ―¿Án ku̱chiñu ra si̱ndaꞌvi tu ra ndóꞌo̱ va?

San Mateo 27:64

Yakan vaxi nde nuu un kaꞌan nde xiꞌin un ya ná tiꞌvi un nda lapa kuꞌun nda ndikasi kutu vaꞌa nda yuꞌu kava ikán nda kivi uni. Koto ka kuꞌun nda xi̱ndikun sata ra sikuiꞌna nda ikin kuñu ra, ta sindiꞌi kaꞌan nda: “Ndi̱taku ra”, kachi nda. Ta kini ni ka sindaꞌvi ra naꞌa vitin süvi ka vi tá xi̱taku ra ―káchi nda xiꞌin ra Pilato.

San Mateo 28:6

Tá íyo ya xa ndikaꞌan ra xiꞌin ndo saa ndi̱xiyo ya, chi xa ndi̱taku va ra. Köo ka ra ndíkaa yóꞌó, kuayaꞌa ndo koto ndo nuu xi̱ndikaa ra.

San Marcos 9:31

Saa chi sínaꞌa ra nda ítaꞌan xiꞌin, káchi ra saa xiꞌin nda: ―Yeꞌe ku Taa ra xa̱a ñuu ivi yóꞌó, vaxi kivi ta nditaxi iin ra yeꞌe ndaꞌa na chiñu, ta na ikán ka̱ꞌni na yeꞌe, sundi tixin kivi uni ta nditaku tuku i ―káchi ra xiꞌin nda.

San Lucas 18:31

Saa ku̱u ta ka̱na Jesús ndisaa uxi uvi mií nda ítaꞌan xiꞌin ra ndi̱kaꞌan ra xiꞌin nda, káchi ra saa: ―Vitin kuaꞌan yo ñuu Jerusalén, ikán ku nuu xinu ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xaꞌa yeꞌe, Taa ra xa̱a ñuu ivi yóꞌó.