Biblia Todo Logo
Bib sou entènèt

- Piblisite -




San Mateo 27:56 - Xochapa Mixteco

56 Tañu ná ikán ndíkaa yá María Magdalena xiꞌin yá María, siꞌí ra Jacobo xiꞌin ra José, xiꞌin inka siꞌí uvi saa nda seꞌe ra Zebedeo.

Gade chapit la Kopi




San Mateo 27:56
13 Referans Kwoze  

Ta yati xaꞌa cruzin nuu ínuu Jesús ndíchi siꞌí ra xiꞌin kuꞌvi yá, xiꞌin yá María síꞌi ra Cleofas xiꞌin yá María Magdalena.


Tá ndi̱taku Jesús kivi núnu̱ú xaꞌa semana, xitaan kivi domingo ta xiꞌna nuu yá María Magdalena ndi̱tuvi ra, yá ta̱va ra uxa tachi nduvaꞌa tá yachi.


Saa ndíchi yá María Magdalena xiꞌin yá María siꞌí ra José, ndíta ná xíto ná nuu sínduxin na Jesús.


Tá ndi̱yaꞌa kivi i̱í ya ndíkundee na, saa kuaꞌan túvi inka kivi núnu̱ú xaꞌa semana, kivi domingo, saa ndi̱xaa yá María Magdalena xiꞌin inka yá María, ndi̱xaa ná xíto ná nuu chi̱kaa nda ikin kuñu Jesús.


Saa ke̱e yá María Magdalena, kuaꞌan yá ndituꞌun yá xiꞌin nda xi̱taꞌan xiꞌin Jesús, ya xi̱ni yá ra, ta ndi̱tuꞌun ndiꞌi yá xiꞌin nda xaꞌa ya ndi̱kaꞌan ra xiꞌin yá.


Ta xitaan ni kivi domingo, naá ka ke̱e yá María Magdalena kuaꞌan yá nuu ndi̱nduxin Jesús, ta xi̱ni yá xa ku̱taꞌa yu̱ú ya chee ni ndási yuꞌu kava ikán.


Ná síꞌi ná xi̱ni ya ku̱u ikán ku ná ndi̱tuꞌun xiꞌin nda ítaꞌan xiꞌin Jesús ta ná ikan ku ná náni: María yá ñuu Magdala, inka yá náni Juana, inka yá náni María, siꞌí ra Jacobo, xiꞌin inka ka ná síꞌi.


Saa ndi̱ndoo yá María Magdalena xiꞌin inka yá María, ndóo ná nuu xíto ndaa yati yuꞌu mií kava ikán.


¿Án süvi Jesús seꞌe ra José ra xáa chiñu xiꞌin itun ku ra yóꞌó? ¿Ta án süvi siꞌí ra ku yá María, ta ñani ra ku ra Jacobo xiꞌin ra José tin ra Simón xiꞌin ra Judas?


Ta saa kuaꞌan ka sava ná ñaꞌa xiꞌin ra. Ta sava ná ndee ni ndo̱ꞌo ná ta si̱ndaꞌa ra ná, ta sava ná ku̱u mií tachi kiti nǎꞌa ta ta̱va ra ri mií ná. Uxa nuu tachi nduvaꞌa ku̱u mií iin yá náni María yá ñuu Magdala,


Swiv nou:

Piblisite


Piblisite