San Mateo 27:52 - Xochapa Mixteco

⁵² Saa ndi̱nuna nuu ndi̱nduxin ndìì. Ta ndi̱taku kuaꞌa ni naꞌa na ka̱ndixa tuꞌun Ndioxi.

San Mateo 27:52 Referans Kwoze

1 Tesalonicenses 4:14

Chi xaꞌa ya kándixa yo ndi̱xiꞌi Jesús saa kándixa tu yo ya ndi̱taku ra. Ta kuꞌva saa sitaku Ndioxi ndiꞌi yoo kándixa ñaꞌa, sitaku ra yo koo yo xiꞌin Jesús.

1 Corintios 15:20

Sundi vaꞌa ná kundaa ini ndo, chi ya ndaa ni ndixa kua ndi̱taku Tata yo Jesucristo tañu na ndíi. Chi ra ikán ta tá káa ñaꞌa ya núnu̱ú ya síkee naꞌa nuu chíꞌi na, saa káa ra xaꞌa ya kúu ra ra núnu̱ú ndi̱taku tañu ndiꞌi na ndíi, na xa ndi̱xiꞌi.

1 Tesalonicenses 5:10

Ta saa koo yo xiꞌin ra chi mií ra ku ra ndi̱xiꞌi xaꞌa yo yakan kua án yo táku ku yo án yo ndi̱xiꞌi ku yo, ta kuchiñu yo koo yo xiꞌin ra tá ná ndiko koo ra.

1 Corintios 15:51

Sundi yeꞌe, ta kúni i ná kundaa ini ndo xaꞌa ñaꞌa ya chi̱tuni mií Ndioxi íyo sěꞌe: Süvi ndiꞌi yo kuvi. Sundi kivi ikán ta iin káchi ndisama ndiꞌi ra ikin kuñu iin iin yo, ndisama ra ya nduu ya ikin kuñu xa̱á.

1 Corintios 11:30

Xaꞌa ya ñaa kua íyo kuaꞌa ni na kúꞌvi tañu ndo, ta sava na vita ni kúni na, ta sava tuku na xa ndi̱xiꞌi va.

Los Hechos 7:60

Ñaa si̱kusiti ra ta iin ndi̱ndaꞌi koꞌo ra káchi ra saa: ―Tata, kïꞌin un kuenta xaꞌa kuachi na, ya íkan na xiꞌin i ―káchi ra xiꞌin Ndioxi. Tá ndi̱kaꞌan ra saa, ta ndi̱xiꞌi va ra.

San Juan 11:11

Ta saa ndi̱kaꞌan ka ra, káchi ra saa: ―Ra kíxi va ku ra migo yo Lázaro yakan kuꞌun i sindikoo i ra ―káchi Jesús.