San Mateo 27:50 - Xochapa Mixteco

⁵⁰ Saa ndi̱ndaꞌi koꞌo Jesús, ndee ka vi ndi̱ndaꞌi ra, ñaa ndi̱xiꞌi va ra.

San Mateo 27:50 Referans Kwoze

San Juan 19:30

Tá ndiꞌi xi̱ꞌi Jesús nduta vinu iyá ikán saa ndi̱kaꞌan ra: ―Vitin ku nuu ndi̱xinu ndiꞌi ya ―káchi ra. Saa ndi̱kuita ndee xiní ra ta ndi̱taxi ra ya vaꞌa ra ndaꞌa Ndioxi, ñaa ndi̱xiꞌi ra.

San Lucas 23:46

Saa iin ndendee ndi̱ndaꞌi koꞌo Jesús, káchi ra saa: ―¡Tata, ndítaxi i ya vaꞌa i ndaꞌa un! ―káchi ra xiꞌin Ndioxi. Tá ndi̱kaꞌan ra saa ta ndi̱xiꞌi va ra.

HEBREOS 9:14

Tá tu ku̱chiñu nií ikán xiꞌin yaá nda̱sa vaꞌa ya sata ikin kuñu na, ta ¡ndisaa ka vi nií Jesucristo, ndee ni ka ndee kúu mií rá ikán chi nda loꞌo kuachi ra köo, yakan vaꞌa ndasa vaꞌa rá yoo xaꞌa Tachi ra ya táku ndiꞌi saa ichí! Saa chi nií mií ra ku rá ndása vaꞌa nima yo, ndúvaꞌa yo nuu kuachi ya xáꞌni yoo, ta saa kua kuchiñu yo xaa chiñu yo nuu Ndioxi, ra táku.

San Marcos 15:37

Saa iin ndendee ndi̱ndaꞌi koꞌo Jesús ta ndi̱xiꞌi ra.

San Mateo 20:28

Tá kuꞌva íkan yeꞌe Taa ra xa̱a ñuu ivi yóꞌó, chi yeꞌe ta köo vaxi i ya kaꞌnda i chiñu nuu naꞌa, sundi yeꞌe ta vaxi i ya koto vií i xiꞌin na saa xaa súvi i chiñu nuu na, ta saa kua kuchiñu na saña ndika na xaꞌa kuachi na ―káchi Jesús.

San Juan 10:15

Tá kuꞌva xíni Iva i yeꞌe, saa xíni vaꞌa tu mií va i ra ta íyo tuꞌva i kuvi i xaꞌa levo sana i.

San Juan 10:11

Ta yeꞌe ku paxto ra vaꞌa ni. Chi paxto ra vaꞌa ni ta nda ndítaxi ra mií ra xaꞌa kiti levo sana ra.

HEBREOS 2:14

Tá kúu seꞌe na iva siꞌí, iin nuu ku ikin kuñu ndiꞌi na ta iin nuu kuu tu nií va na. Ta saa xi̱niñuꞌu Tata yo Jesús ndu̱u ra, ra ivi taꞌan mií yo, ndi̱xiyo ikin kuñu ra ta ku̱u mií ra nií taꞌan yoo, saa ndi̱xiꞌi ra xaꞌa ya ikán kua ku̱chiñu ra si̱ndiꞌi xaꞌa ra ndee kiti nǎꞌa ya xáꞌni ndìì.

San Mateo 27:49

Saa káꞌan inka na, káchi na saa: ―Këꞌe un ra, ná kuni yo án kixi ra Elías sikaku ñaꞌa ra ―káchi na.

San Juan 19:29

Saa íyo iin kisi chútu ndaa vinu iyá ini ya, ta si̱ndaxin na iin kachi xiꞌin vinu ikán, ñaa chi̱nuu na ya nuu iin itun, ta chi̱nuu ndaa na ya yuꞌu ra.

HEBREOS 5:7

Kivi ndi̱xiyo Cristo ñuu ivi yóꞌo̱ ta ndee ni xa̱ku ndaꞌvi ra nuu Ndioxi, káꞌan ndaꞌvi ra xiꞌin Ndioxi, saa chi xíni ra iindaa mií Ndioxi ku ra kúu mií ndee ya sikaku ñaꞌa ra, ya ná ndöo ra ndikaa ra ndaꞌa ndìì ya xáꞌni naꞌa. Ta xaꞌa ya xa̱a súvi ni ra ya ndi̱kaꞌan Ndioxi xiꞌin ra, saa ndaꞌvi ni ndo̱ꞌo ra nuu Ndioxi, xaꞌa ya ikán kua xi̱ni soꞌo Ndioxi ya ndi̱kaꞌan ra xiꞌin ra.