San Mateo 27:40 - Xochapa Mixteco

⁴⁰ káchi na saa: ―Yóꞌo̱ ku ra ndi̱kaꞌan: “Kani i veꞌe ñuꞌu, ta tixin ya uni kivi sikuaꞌa tuku i ya”, káchi un. Ta vitin vaꞌa ¡sikaku un mií un! Tá tu ndixa Seꞌe Ndioxi ku un, ta saa ¡sinuu un mií un ndaꞌa cruzin ñaa! ―káchi na xiꞌin ra.

San Mateo 27:40 Referans Kwoze

San Mateo 26:61

ndi̱kaꞌan nda, káchi nda saa: ―Ra yóꞌo̱ ta ndi̱kaꞌan ra: “Yeꞌe, ta kuchiñu i sindiꞌi xaꞌa i veꞌe ñuꞌu kaꞌnu, ta tixin kivi uni sikuaꞌa tuku i ya,” káchi ra ―káchi nda xaꞌa ra.

San Mateo 4:6

Saa ndi̱kaꞌan ri xiꞌin ra, káchi ri saa: ―Tá tu ndixa Seꞌe Ndioxi ku yóꞌo̱, ta vaꞌa keta un yóꞌó iin saa ndikava un nda ni̱nu̱, saa káꞌan tuꞌun Ndioxi: Ndioxi ta tiꞌvi ra na tatun ra ya kundaa na yóꞌo̱, kunuu un nuu ndaꞌa na, ya ná ndïkava un nuu yu̱ú ya ta tikueꞌe un, káchi tuꞌun ra ―káchi kiti nǎꞌa xiꞌin Jesús.

San Mateo 4:3

Saa ndi̱xaa kiti nǎꞌa xíto ndoso ñaꞌa ri, káchi ri saa: ―Tá tu ndixa Seꞌe Ndioxi ku yóꞌo̱, ta vaꞌa kaꞌan un xiꞌin yu̱ú yóꞌó ná nduu ya xita vaꞌa ―káchi ri xiꞌin ra.

El Apocalipsis 11:10

Ndiꞌi saa na ñuu ivi kusini ni xaꞌa ya ndi̱xiꞌi nda ikán, ñaa xáa na ikan na viko ta siniꞌi na ñaꞌa nuu taꞌan na, xaꞌa ya kúsini ni na ndi̱xiꞌi nda. Saa chi na ikán ta ndíkani ini na xaꞌa kuachi uvi saa nda ikán kua tíxuꞌvi ni ndiꞌi na ndóo ñuu ivi yóꞌó, káꞌán na.

San Lucas 16:31

Ñaa ndi̱kaꞌan ra Abraham, káchi ra saa: “Tá tu köo xíin nda kuni soꞌo nda nda ya ta̱a ra Moisés ni ya ta̱a nda ndi̱kaꞌan ndoso tuꞌun yuꞌu Ndioxi ta ni ná nditaku na ndíi kuꞌun na kaꞌan na xiꞌin nda ta küaꞌa vi nda kuni soꞌo nda”, káchi ra Abraham xiꞌin ra kuika ikán. Soꞌva káchi tuꞌun ndíchi ikán ―káchi Jesús xiꞌin na.

San Mateo 27:54

Ta ra ndíso chiñu xiꞌin nda lapa, íyo ra xiꞌin nda ndáa nda Jesús. Tá xi̱ni nda ya ndee ni ndi̱taan tin ìyo ni ku̱u, saa ndi̱ndiꞌvi ka vi nda, ta ndi̱kaꞌan nda, káchi nda saa: ―Ya ndixa ni va kua kúu ra yóꞌó Seꞌe Ndioxi ―káchi nda xiꞌin taꞌan nda.

San Mateo 27:42

―Ku̱chiñu ra si̱kaku ra inka naꞌa, ta köo kúchiñu ra sikaku ra mií ra. Tá tu ndixa ra rey nuu na Israel ku ra, ta vaꞌa ná sinuu ra mií ra nuu cruzin saa kuchiñu yo kandixa ñaꞌa yo.

San Mateo 16:4

¡Ndóꞌo̱ iku ini, ndóꞌo̱ köo kándixa Ndioxi ku ndo! Saa chi ndúku ndo yatuꞌun nuu i, ya kuchiñu kandixa ndo án ra ke̱e nuu Ndioxi ku i. Ta ïkan i yatuꞌun kuni ndo. Ndisaa yatuꞌun kuni ndo ku ya ndo̱ꞌo ra profeta Jonás, ra ndi̱kaꞌan ndoso tuꞌun yuꞌu Ndioxi xinaꞌa ―káchi Jesús xiꞌin nda. Saa ke̱ta ra kuaꞌan ra xiꞌin nda ítaꞌan xiꞌin ra.

San Mateo 27:41

Saa káꞌan tu nda naꞌnu nuu sutu va, xiꞌin nda sínaꞌa ley ra Moisés xiꞌin nda fariseo tin nda xikuaꞌa, kúsiki ndaa ñaꞌa nda káꞌan nda xiꞌin taꞌan nda, káchi nda saa: