San Mateo 27:35 - Xochapa Mixteco

³⁵ Saa chi̱nuu nda ra ndaꞌa cruzin, ka̱ni nda clavo xaꞌa ra tin ndaꞌa ra. Ñaa chi̱kaa nda suerte sata toto ra, ya kuchiñu nditaꞌvi nda ya xiꞌin taꞌan nda. Ikán ku nuu si̱xinu nda ya ta̱a ra profeta xinaꞌa, ka̱chi ra saa: “Chi̱kaa nda suerte sata toto i nditaꞌvi nda ya xiꞌin taꞌan nda”, káchi ya ta̱a ra profeta ikán.

San Mateo 27:35 Referans Kwoze

San Lucas 23:34

Saa ndi̱kaꞌan Jesús xiꞌin Ndioxi, káchi ra saa: ―Tata Iva yo, xaa kaꞌnu ini un xaꞌa na chi köo kúndaa ini na unkua íkan na ―káchi ra. Ñaa chi̱kaa nda lapa suerte sata tikoto ra, ya kuni nda ndá ñaꞌñu kua ndikiꞌin iin iin nda.

Los Hechos 4:10

ta vaꞌa kundaa va ini ndo, vitin kaꞌan nde xiꞌin ndo ya ná kundaa ini ndiꞌi na ñuu yo na Israel ya ndee ni ndee kúu mií Jesucristo, ra ñuu Nazaret, chi ndóꞌo̱ ta chi̱nuu ndo ra nuu cruzin ndi̱xiꞌi ra, sundi Ndioxi ta si̱taku ñaꞌa ra, ta ra ikán ku ra sindaꞌa ra yóꞌó ndu̱vaꞌa ra ndíchi ra nuu ndo vitin.

San Juan 20:27

Saa ndi̱kaꞌan ra xiꞌin ra Tomás, káchi ra saa: ―Tuvi nuu ndaꞌa un yóꞌó, ta koto un ndaꞌa i saa taxi un ndaꞌa un tuvi un ya nuu ndi̱kiꞌvi nuu itun íyo kàà nuu, ta köo ka un iin ra köo xíin kandixa, ra kándixa ná nduu un vitin ―káchi Jesús xiꞌin ra.

San Juan 20:20

Tá sindiꞌi ra ndi̱kaꞌan ra saa, ta si̱naꞌa ra ndaꞌa ra tin ñaꞌñu xiín ra nuu íyo yavi ya ti̱kueꞌe ra. Saa ku̱sini ni nda xi̱taꞌan xiꞌin ra xaꞌa ya xi̱ni ñaꞌa nda.

San Juan 20:25

Saa ndi̱kaꞌan nda taꞌan ra xiꞌin ra, káchi nda saa: ―Xi̱ni nde Tata yo Jesús ―káchi nda xiꞌin ra. Saa ndi̱kuiin ra káꞌan ra: ―Köo kándixa i ndóꞌo̱, nda ná kuni nuu i ndaꞌa ra nuu ka̱ni na clavo, ta tuvi ndaꞌa i nuu ndi̱xani ya. Ta saa chikaa ndaꞌa i nuu yavi nuu ndi̱kiꞌvi kàà xiín íyo nuu itun, nda saa kandixa i ―káchi ra Tomás xiꞌin nda.

Los Hechos 2:23

Sundi tá ti̱in ndo Jesús ta xa xíni va Ndioxi unkua kundoꞌo ra, chi tá íyo ya chi̱tuni Ndioxi, saa íyo ndiꞌi ya ndo̱ꞌo ra. Ta ndóꞌo̱ xa̱ꞌni ndo ra chi ta̱xi ndo ra ndaꞌa naꞌa na väꞌa, ta̱xi ndo xa̱ꞌni ñaꞌa na Roma. Saa ndi̱xiyo yuꞌu ndo xiꞌin na, chi̱nuu na ra nuu itun cruzin ta ikán ndi̱xiꞌi ra.