San Mateo 27:24 - Xochapa Mixteco

²⁴ Saa xi̱ni ra Pilato ya köo xíni soꞌo na ya káꞌan ra, ñaa xa̱á ndi̱siso vaꞌa ka na. Ñaa xa̱ꞌnda ra chiñu taxi na tikuii ndaꞌa ra. Saa ndi̱kata ra ndaꞌa ra nuu ndiꞌi na, káchi ra saa: ―Köo ndíso i kuachi xaꞌa ra yóꞌó, ra vaꞌa ku ra, ta koto ka mií ndo xiꞌin ra ―káchi ra xiꞌin na.

San Mateo 27:24 Referans Kwoze

San Mateo 27:4

Saa ndi̱kaꞌan ra xiꞌin nda, káchi ra saa: ―Ndee ni ndee kuachi i̱kan i chi ndi̱taxi i taa ra vaꞌa, ra köo kuachi kúu mií ndaꞌa ndo, ya kaꞌni ndo ra ―káchi ra xiꞌin nda. Saa ndi̱kuiin nda, káꞌan nda: ―¡Unkua ndóꞌo vi ndeꞌe! ¡Köo xáꞌni ka nde mií nde! ¡Kuachi mií va un kua! ―káchi nda xiꞌin ra.

2 Corintios 5:21

Nda iin kuachi köo ndi̱kan Jesucristo, ta xaꞌa kuachi yoo kua si̱kuiso Ndioxi kuachi sata ra, ya ná kuchiñu yoo nduu yo tá íin naꞌa, na köo ka kuachi kúu mií nuu Ndioxi, xaꞌa ya ndi̱kitaꞌan yo xiꞌin Jesucristo.

1 Pedro 3:18

Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.

San Mateo 26:5

Saa káꞌan sava nda, káchi nda saa: ―Küchiñu tiin yo ra viko, chi ìyo ni katin naꞌa ta kanitaꞌan na xiꞌin yo ―káchi nda xiꞌin taꞌan nda.

Los Hechos 3:14

Sundi ndóꞌo̱ ta köo ndi̱xiin ndo saña ra vaꞌa, ra i̱í ni, chi ra xa̱ꞌni ndìì va ku ra ndi̱kaꞌan ndo xaꞌa saña.

San Juan 19:4

Saa ke̱ta tuku ra Pilato ndi̱kaꞌan ra xiꞌin nda judío, káchi ra saa: ―Koto ndo, yóꞌó ndáka tuku i ra vaxi ra xiꞌin i keꞌe yóꞌó, ya ná kundaa ini ndo nda iin kuachi ra köo ndi̱taꞌan i ―káchi ra.

San Mateo 27:54

Ta ra ndíso chiñu xiꞌin nda lapa, íyo ra xiꞌin nda ndáa nda Jesús. Tá xi̱ni nda ya ndee ni ndi̱taan tin ìyo ni ku̱u, saa ndi̱ndiꞌvi ka vi nda, ta ndi̱kaꞌan nda, káchi nda saa: ―Ya ndixa ni va kua kúu ra yóꞌó Seꞌe Ndioxi ―káchi nda xiꞌin taꞌan nda.

San Mateo 27:9

Ta ikán ku nuu ndi̱xinu ya ndi̱kaꞌan ra profeta Jeremías xinaꞌa, ka̱chi ra saa: “Ndi̱kiꞌin na oko uxi xuꞌun ya plata, ya ndaa yaꞌvi ndìì, ya yóꞌó ku yaꞌvi ra chi̱nuu mií na Israel.

San Mateo 27:19

Ñaa tá índuꞌu ra nuu tai xáa nani ra kuachi xaꞌa Jesús, ta saa ti̱ꞌvi yá síꞌi ra Pilato chiñu ndi̱xaa nuu ra, káchi yá saa: “Këꞌe un ra ñaa, saa chi ra vaꞌa ku ra. Köo kuachi ra. Kini ni ndi̱xani i i̱kan ra ñuu ndiveꞌe”, káchi yá xiꞌin chiñu ndi̱xaa nuu ra Pilato.

San Mateo 27:23

Saa ndi̱kaꞌan tuku ra Pilato xiꞌin na, káchi ra saa: ―Ta ¿unkua ndee ni i̱kan ra kua? ―káchi ra. Saa ndee ni ka ndi̱kaꞌan ndiꞌi na, káchi na saa: ―¡Chinuu ra ndaꞌa cruzin, ná kuvi ra! ―káchi ndiꞌi na.

San Juan 13:9

Saa ndi̱kuiin ra Simón Pedro, káchi ra saa: ―Tata, tá tu saa ta süvi ndisaa xaꞌa i ndikata un, vaꞌa ndikata tu un ndaꞌa i xiꞌin xiní va i ―káchi ra.