San Mateo 26:69 - Xochapa Mixteco

⁶⁹ Tá kúu saa, ta índuꞌu ra Pedro keꞌe yeꞌe veꞌe mií ra ínuu nuu ndiꞌi sutu. Ñaa ndi̱xaa iin yá xáa chiñu veꞌe ra, ta ndi̱kaꞌan yá xiꞌin ra, Pedro, káchi yá saa: ―Saa tu yóꞌo̱ va, ra ítaꞌan xiꞌin Jesús, ra ke̱e chí Galilea ku tu yóꞌó va ―káchi yá xiꞌin ra.

San Mateo 26:69 Referans Kwoze

San Mateo 26:71

Saa ke̱ta ra keꞌe yeꞌe ikán, ta xi̱ni inka yá xáa chiñu veꞌe sutu ra, saa ndi̱kaꞌan yá xiꞌin na ndóo ikán, káchi yá saa: ―Ra ítaꞌan xiꞌin Jesús, ra ke̱e ñuu Nazaret ku tu ra yóꞌó va ―káchi yá xiꞌin na.

Los Hechos 5:37

Ndi̱yaꞌa loꞌo, tá ndi̱kuita censo, tuku ra náni Judas, ra ke̱e estado Galilea ndi̱kuita. Iin taꞌnda chee ku tu na xi̱ndikun sata ra ikán va. Ñaa ndi̱xiꞌi ra, ta ndiꞌi na xi̱ndikun ñaꞌa iin ndi̱xita ndiꞌi tu na ikán va.

San Juan 7:52

Saa ndi̱kuiin nda káꞌan nda: ―¿Án taꞌan ra ikán ku tu yóꞌo̱ va? Xíniñuꞌu un kaꞌvi vaꞌa un tuꞌun Ndioxi saa kua kundaa ini un, chi nda iin na káꞌan ndoso tuꞌun yuꞌu Ndioxi, ta köo na kée nda iin ñuu ya ñúꞌu estado Galilea ―káchi nda xiꞌin ra.

San Juan 7:41

Ta sava na káꞌan: ―Cristo ra ti̱ꞌvi Ndioxi vaxi ku ra ―káchi na. Ta sava tuku na káꞌan: ―Süvi Cristo ku ra, köo xíni yo kixi iin ra chee, ra kúu Cristo chí estado Galilea.

San Juan 1:46

Saa ndi̱kuiin ra Natanael káꞌan ra: ―¿Án ñuu Nazaret, káchi un? ¿Án vaꞌa ta kana iin taa, ra vaꞌa, ñuu Nazaret? ―káchi ra. Saa ndi̱kaꞌan ra Felipe xiꞌin ra, káchi ra saa: ―Naꞌa, kuni un ―káchi ra xiꞌin ra.

San Mateo 26:58

Saa ndi̱kundikun xika ra Pedro sata na kuaꞌan ra, ndi̱xaa ra keꞌe yeꞌe veꞌe mií ra sutu kaꞌnu ikán. Ndi̱xaa ra ndi̱kunduꞌu ra xiꞌin nda policía koto ra unkua kundoꞌo Jesús.

San Mateo 26:3

Ta suvi mií tiempo ikán íyo nda sutu naꞌnu nuu sutu xiꞌin nda sínaꞌa ley Ndioxi xiꞌin na xikuaꞌa nuu na judío, ndi̱kitaꞌan ndiꞌi na yeꞌe veꞌe ra Caifás, ra kaꞌnu nuu ndiꞌi sutu.

San Mateo 21:11

Saa ndi̱kuiin na kuaꞌan xiꞌin Jesús, káꞌan na: ―Jesús, ra profeta ku ra, ra ke̱e ñuu Nazaret estado Galilea ku ra ―káchi na.

San Mateo 26:70

Ñaa ndi̱kaꞌan ra Pedro nuu ndiꞌi na ndóo ikán, káchi ra saa: ―Ni köo xíni i ndá xaꞌa kua káꞌan un saa xiꞌin i ―káchi ra xiꞌin yá.