San Mateo 26:63 - Xochapa Mixteco

⁶³ Ta ni köo ndi̱kuiin Jesús. Saa ndi̱kaꞌan mií ra ínuu nuu ndiꞌi sutu xiꞌin ra, káchi ra saa: ―Káꞌan i xiꞌin un, vaꞌa chinaꞌa un tixin yuꞌu Ndioxi ra chee, ta kaꞌan un ya ndaa xiꞌin nde, ¿án ra Cristo ti̱ꞌvi Ndioxi vaxi ku un? Ta ¿án ndixa Seꞌe Ndioxi ku yóꞌo̱? ―káchi ra xiꞌin Jesús.

San Mateo 26:63 Referans Kwoze

San Mateo 16:16

Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

San Mateo 27:12

Tá táxi nda sutu naꞌnu kuachi xaꞌa Jesús xiꞌin na xikuaꞌa nuu na judío, ta ni köo ndi̱kuiin ra yuꞌu nda.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

San Juan 19:9

Saa ndi̱ko koo tuku ra ini veꞌe chiñu, ta ndi̱kaꞌan ra xiꞌin Jesús, káchi ra saa: ―¿Míí chí ki̱xi un? ―káchi ra xiꞌin Jesús. Ta nda iin ya köo ndi̱kuiin Jesús.

San Juan 19:7

Saa ndi̱kuiin na judío káchi na saa: ―Ndeꞌe ta kúu mií nde ley nuu káꞌan ya kuvi ra, saa chi káꞌan ra xaꞌa ra ya kúu ra Seꞌe Ndioxi káchi ra ―káchi na xiꞌin ra Pilato.

San Juan 18:37

Saa ndi̱kuiin ra Pilato káchi ra saa: ―¿Án saa va, án rey ku ndixa un? ―káchi ra xiꞌin ra. Saa ndi̱kuiin Jesús káꞌan ra, káchi ra saa: ―Ya ndixa kua, saa ndixa íyo va ya. Xaꞌa ya ñaa kua ka̱ku i xa̱a i ñuu ivi yóꞌó ya ndikuiin i kaꞌan i nina ya ndaa. Ta ndiꞌi na ndíkun ya ndaa, na ñaa ku na kándixa ya káꞌan i ―káchi Jesús.

San Juan 10:36

Ta mií ra ku ra nda̱sa i̱í yeꞌe ta ti̱ꞌvi ra yeꞌe vaxi i ñuu ivi yóꞌó. Ta ¿ndachu káꞌan ndo xaꞌa i ya kánaꞌa i xaꞌa Ndioxi chi ndi̱kaꞌan i kúu i Seꞌe Ndioxi?

San Juan 10:30

Yeꞌe xiꞌin Iva i Ndioxi ta iin ku nde ―káchi Jesús xiꞌin na.

San Juan 10:24

Saa ndi̱kava nduu nda naꞌnu nuu na judío sata ra, ta ndi̱kaꞌan nda xiꞌin ra, káchi nda saa: ―¿Nda maa vi kua kundaa teꞌe ini nde, tá tu yóꞌo̱ ku Cristo? ta iin teteꞌe kaꞌan un xiꞌin nde ―káchi nda xiꞌin ra.

San Juan 8:25

Saa ndi̱kaꞌan nda xiꞌin ra, káchi nda saa: ―Ta ¿unku yóꞌo̱ kua? ―káchi nda xiꞌin ra. Saa ndi̱kuiin ra káꞌan ra xiꞌin nda: ―Nda tá xaꞌa vi ndi̱kaꞌan i xiꞌin ndo unku i, ta ra ikán ku i.

San Juan 6:69

Ta ndeꞌe kándixa nde yóꞌo̱, saa xíni nde yóꞌo̱ ku Cristo, Seꞌe Ndioxi ra táku ―káchi ra Pedro xiꞌin Jesús.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

San Juan 1:34

Ta yeꞌe xa xi̱ni va i ra, ndíkuiin i káꞌan i xaꞌa ra xiꞌin ndo, ra yóꞌó ku Seꞌe Ndioxi ―káchi ra Juan.

San Marcos 14:61

Ta nda iin ya köo ndi̱kuiin Jesús, taxiin íyo ra. Saa ndi̱ndakan tuꞌun tuku mií sutu ikán ra, káchi ra saa: ―¿Án yóꞌo̱ ku Cristo, Seꞌe Ndioxi ra chee? ―káchi ra.

San Mateo 27:54

Ta ra ndíso chiñu xiꞌin nda lapa, íyo ra xiꞌin nda ndáa nda Jesús. Tá xi̱ni nda ya ndee ni ndi̱taan tin ìyo ni ku̱u, saa ndi̱ndiꞌvi ka vi nda, ta ndi̱kaꞌan nda, káchi nda saa: ―Ya ndixa ni va kua kúu ra yóꞌó Seꞌe Ndioxi ―káchi nda xiꞌin taꞌan nda.

San Mateo 27:43

Káꞌan ra kándixa ra Ndioxi, ta ná sikaku ñaꞌa ra vitin, tá tu ndixa ya ndaa kua kúu ra Seꞌe Ndioxi ―káchi nda kúsiki ndaa ñaꞌa nda.

San Mateo 27:40

káchi na saa: ―Yóꞌo̱ ku ra ndi̱kaꞌan: “Kani i veꞌe ñuꞌu, ta tixin ya uni kivi sikuaꞌa tuku i ya”, káchi un. Ta vitin vaꞌa ¡sikaku un mií un! Tá tu ndixa Seꞌe Ndioxi ku un, ta saa ¡sinuu un mií un ndaꞌa cruzin ñaa! ―káchi na xiꞌin ra.

San Mateo 27:14

Ta nda iin ya köo ndi̱kuiin Jesús. Saa iin ndi̱kanda ini mií ra gobernador ikán, ta ni köo xíni ra unkua ikan ra.

1 Pedro 2:23

Tá ndi̱kanaꞌa na xiꞌin ra ta köo ndi̱kuiin ra kaꞌan kini ra xiꞌin na, tá xa̱a ndu̱vaꞌa na xiꞌin ra, ta köo ndi̱kaꞌan ra xiꞌin na ya xaa nduvaꞌa ra xiꞌin na vaxi kivi. Si̱ndoo ndiꞌi ra ya i̱kan na xiꞌin ra ndaꞌa mií Ndioxi, ra xáa nani kuachi xiꞌin ya ndaa.

San Mateo 4:3

Saa ndi̱xaa kiti nǎꞌa xíto ndoso ñaꞌa ri, káchi ri saa: ―Tá tu ndixa Seꞌe Ndioxi ku yóꞌo̱, ta vaꞌa kaꞌan un xiꞌin yu̱ú yóꞌó ná nduu ya xita vaꞌa ―káchi ri xiꞌin ra.

San Mateo 26:62

Saa ndi̱kundichi sutu ra ínuu nuu ndiꞌi sutu, ta ndi̱kaꞌan ra xiꞌin Jesús, káchi ra saa: ―¿Án ndïkuiin un yuꞌu nda? ¿Án ndixa saa íyo ya káꞌan nda xaꞌa un? ―káchi ra xiꞌin Jesús.

2 Corintios 1:19

Saa chi ra ñani yo ra Silvano xiꞌin ra Timoteo tin yeꞌe, ta ndi̱kaꞌan ndoso nde xiꞌin ndo xaꞌa Tata yo Jesucristo, ra kúu Seꞌe Ndioxi. Ta köo uvi yuꞌu ra, nina ya ndaa káꞌan ra ndiꞌi saa kivi, ta ndixa síxinu ra tuꞌun káꞌan ra.