Saa xíka ka Jesús kuaꞌan ra ta xi̱ni ra uvi nda taa, ta iin ñani uvi saa nda, ra Jacobo xiꞌin ra Juan, ñani ra, seꞌe ra Zebedeo ku nda. Ndóꞌni nda ini barco síndaꞌa nda ñunu nda. Saa ndi̱kaꞌan Jesús xiꞌin nda, káchi ra saa: ―Naꞌa ndo kundikun ndo yeꞌe ―káchi ra xiꞌin nda.
Ndi̱yaꞌa iñu kivi saa ndi̱kundaka Jesús ra Pedro xiꞌin ra Jacobo tin ra Juan ñani ra, ndi̱kundaka ra nda kuaꞌan nda xiꞌin ra iin iku sukun ni, ta ikán ndóo uni mií nda xiꞌin ra.
Saa ke̱e nda kuaꞌan nda veꞌe ra, ta köo ndi̱taxi ra kuꞌun ndá ka naꞌa xiꞌin ra, ndisaa ra Pedro xiꞌin ra Jacobo tin ra Juan ñani ra, nda ikán ku nda kuaꞌan xiꞌin ra.
Saa ndi̱kaꞌan ka Jesús, káchi ra saa: ―Ta vitin yáꞌa ni ndíꞌi ini i, saa xíka ni ini i unkua nduku i nuu Ndioxi. ¿Án vaꞌa ka kaꞌan i xiꞌin Iva i ya sikaku ra yeꞌe xaꞌa ya kundoꞌo i vitin? Ta küvi kaꞌan i saa xiꞌin ra, chi xaꞌa ya kuvi i kua vaxi i ñuu ivi yóꞌó ―káchi Jesús.
Ta ndíꞌi ka vi ini ra, ndinuni loꞌo káꞌan ra xiꞌin Ndioxi, ndakua ndi̱xinu titiin nuu ra. Ndoo ka vi rá kóyo vaxi nùù nuu ra. Tá íin koꞌndo nduta nií, saa íin rá kóyo nuu ñuꞌú.
Tá xíka Jesús yuꞌu nduta ñûꞌu Galilea ikán, saa xi̱ni ra uvi nda taa, iin ra náni Simón, ta káꞌan tu na xiꞌin ra Pedro va xiꞌin ra Andrés ta iin ñani uvi saa nda. Saa táan uvi saa nda ñunu nda ini nduta ñûꞌu, chi nda tíin tiaka ku nda.