San Mateo 26:21 - Xochapa Mixteco

²¹ Tá ndóo nda xíxini nda saa ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo, chi iin ndóꞌo̱ ndóo yóꞌó ku ndo ndixiko vata yeꞌe nuu na sáa ini xíni yeꞌe.

San Mateo 26:21 Referans Kwoze

San Juan 13:21

Tá ndi̱ꞌi ndi̱kaꞌan ra saa, ta xa̱á ra kúsuchi ni ini ra, ta saa ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo: Iin ndóꞌo̱ ku ndo ndixiko vata yeꞌe nuu na sáa ini xíni yeꞌe ―káchi ra xiꞌin nda.

HEBREOS 4:13

Nda iin ñaꞌa ya si̱kuaꞌa Ndioxi küvi tiseꞌe ya nuu ra, saa chi mií ra si̱kuaꞌa ndiꞌi ya, ta íyo túvi ndiꞌi ya nuu ra. Ta suvi mií ra ku ra xaꞌa yo kuenta nuu xaꞌa ndiꞌi ñaꞌa ya íkan yo.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.

San Mateo 26:2

―Xíni ndo soo uvi kivi kúmani, saa kana viko pascua. Saa nditaxi na yeꞌe, Taa ra xa̱a ñuu ivi yóꞌó, nditaxi na yeꞌe ndaꞌa naꞌa, na sáa ini xíni yeꞌe, ta na ikán chinuu yeꞌe ndaꞌa cruzin nuu kuvi i ―káchi Jesús xiꞌin nda ítaꞌan xiꞌin ra.

San Mateo 26:22

Saa ku̱chiꞌña ni ini nda, ñaa xa̱á iin iin nda ndákan tuꞌun ñaꞌa nda, káchi nda saa: ―Tata, ¿án süvi yeꞌe ku i ikan saa xiꞌin un? ―káchi nda xiꞌin ra.

San Juan 13:18

’Süvi xaꞌa ndiꞌi ndo káꞌan i, chi yeꞌe ta xa xíni va i unku ndóꞌo̱ ndi̱kaxin i. Ta ndixa xíniñuꞌu xinu nuu tuꞌun Ndioxi ya ta̱a na xinaꞌa, káchi ya saa: “Iin taa, ra xíxi xita vaꞌa xiꞌin i ku ra ndi̱kiꞌvi kuachi xiꞌin i”, káchi tuꞌun Ndioxi.

San Juan 13:22

Saa ndi̱koto nuu taꞌan ndiꞌi nda ítaꞌan xiꞌin ra, ta xíka ni ini nda, unku nda káꞌan ra xaꞌa.