San Mateo 25:41 - Xochapa Mixteco

⁴¹ Sindiꞌi saa kaꞌan i xiꞌin naꞌa, na väꞌa, na ndóo ñaꞌñu ítín i, kachi i saa: “¡Kuátaꞌa ndo nuu i, ndóꞌo̱ ndi̱tavi chiꞌña ku ndo! Kuáꞌan ndo ndaya, nuu xíxi ñu̱ꞌu̱ ndiꞌi saa kivi ta köo ndáꞌva ya. Chi ikán ku nuu ndi̱kuaꞌa kuꞌun kiti nǎꞌa xiꞌin ndiꞌi tachi nduvaꞌa ndikun ñaꞌa.

San Mateo 25:41 Referans Kwoze

2 Pedro 2:4

Saa chi nda na tatun Ndioxi ta köo ndi̱xaa kaꞌnu ini ra xaꞌa na tá ndi̱yaꞌa na nuu ra i̱kan na ya väꞌa ta ti̱ꞌvi ra na kuaꞌan na ndaya, ta̱an ra na ini yavi nuu naá ni, ta ikán kuñuꞌu na nda kivi ná xaa nani ra kuachi xiꞌin na ñuu ivi.

2 Tesalonicenses 1:9

Na ikán, ta ndee ni sindoꞌo Ndioxi na, ndiꞌi saa ichí taxi ra ndoꞌo ni na, saa tava ra na kuꞌun xika na nuu ra. Täxi ra koo na xiꞌin ra nuu luvi ni káa, nuu koo ra kaꞌnda chiñu ra.

San Mateo 13:42

Ta na tatun Ndioxi taan ñaꞌa na yóꞌó xitun nuu ndee ni xíxi ñu̱ꞌu̱, nuu kuaku ni na ta ndakua ndikaxi nuꞌu na xaꞌa ya ndee ni tixuꞌvi na.

San Mateo 13:40

Tá kuꞌva íkan naꞌa túꞌun na iku väꞌa íyo nuu ñuꞌú na, sindiꞌi, saa táan na ya xíxi ya, saa ikan na tatun Ndioxi xiꞌin na väꞌa tá ná ndiꞌi xaꞌa ñuu ivi yóꞌó.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

San Mateo 7:23

Ta yeꞌe ndikuiin i kaꞌan i xiꞌin na, kachi i saa: “Nda iin ichí köo ndóꞌo̱ ndi̱xini i, kuátaꞌa ndo nuu i, saa chi süvi ndóꞌo̱ vaꞌa ku ndo”, kachi i xiꞌin na ―káchi Jesús xiꞌin na.

San Mateo 3:12

Ta xa íyo tuꞌva ra kixi ra, tá ná kixi ra, ta ikan ra tá íkan na ndítivi nuni. Chívaꞌa na nuni ini yaka na, ta táan na xeꞌe xíxi ya. Kuꞌva saa íyo nduvi ra ikán, ikan ra xiꞌin naꞌa kuꞌun na koko na nuu xíxi ñu̱ꞌu̱.

HEBREOS 6:8

Ta naꞌa, na ndíko koo ini xaꞌa ra, tá íin ñuꞌú iyá nuu kána nina itun iñu án iku väꞌa saa íin na. Ta ìyo ni tavi chiꞌña Ndioxi ñuꞌú ikán saa sindiꞌi xaꞌa yaa ra ya, kaꞌmi ndiꞌi ra ya. Tá ndóꞌo ñuꞌú ikán, saa kundoꞌo ndiꞌi naꞌa, na köo xíin ka kandixa ra.

San Mateo 13:50

Kiꞌin na, na väꞌa ikán taan na ini xitun nuu xíxi ni ñu̱ꞌu̱, nuu kuaku ni na, ta ndakua ndikaxin nuꞌu na ―káchi Jesús xiꞌin na.

1 Juan 3:10

Soꞌva ku nuu kúndaa ini yo xiꞌin na kúu seꞌe Ndioxi tin na kúu seꞌe kiti nǎꞌa. Ndiꞌi na köo íkan ya ndaa xiꞌin na köo kúꞌvi ini xíni taꞌan, ta süvi seꞌe Ndioxi ku na.

San Lucas 16:24

Ñaa ndi̱ndaꞌi koꞌo ra, káchi ra saa: “¡Tata iva yo Abraham, kundaꞌvi ini un kuni un yeꞌe! Kaꞌan xiꞌin ra Lázaro ná kuꞌun ra chikaa ndaꞌa ra ini tikuii ta ná kixi ra xiꞌin rá ndiyakun ra yaa i, saa chi ndóꞌo ni ini i ndíkaa i nuu xíxi ñu̱ꞌu̱ yóꞌó”, káchi ra kuika ikán.

San Lucas 13:27

Ta saa ndikuiin ra kaꞌan ra xiꞌin ndo: “Xa ndi̱kaꞌan i xiꞌin ndo köo xíni i mií chí ke̱e ndo. Kuátaꞌa ndo yéꞌé i chi süvi ndóꞌo̱ vaꞌa ku ndo”, kachi ra xiꞌin ndo.

San Mateo 25:46

Ta saa kuꞌun na nuu tixuꞌvi ni na ndiꞌi saa kivi ya vaxi, ta na vaꞌa, na xáa súvi ya kúni Ndioxi ta kuꞌun na nuu kutaku na xiꞌin Ndioxi ndiꞌi saa kivi ya vaxi ―káchi Jesús xiꞌin na.

San Mateo 18:8

’Tá ndá ya väꞌa íkan ndo xiꞌin ndaꞌa ndo án xaꞌa ndo, ta vaꞌa ka kaꞌnda ndo ya ta kiꞌin ndo ya kata xika ndo. Kuchiñu ka ndo koo ndo xiꞌin Ndioxi tá íyo iin ndaꞌa ndo án iin xaꞌa ndo, ta süvi ka vi ya íyo uvi saa ndaꞌa ndo án xaꞌa ndo, ta kuꞌun ndo ndaya.

San Mateo 5:22

Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Mateo 4:10

Saa ndi̱kuiin Jesús, ndi̱kaꞌan ra xiꞌin ri, káchi ra saa: ―¡Kuataꞌa, keta kuáꞌan, kiti nǎꞌa! saa chi tuꞌun Ndioxi káchi ya saa: “Ndisaa Ndioxi xaa toꞌo naꞌa, ta ndisaa mií ra kandixa na”, káchi tuꞌun ra ―káchi Jesús xiꞌin kiti nǎꞌa.

San Mateo 25:42

Saa chi kivi tá ndi̱kaꞌun ini i, ta köo ndi̱taxi ndo kuxi i, ni kivi tá ndi̱ndichi i tikuii ta köo ndi̱taxi ndo tikuii koꞌo i.

2 Tesalonicenses 1:7

Vani ndóꞌo ni ndo vitin, sundi vaxi kivi saa taxi ra ndikundee ndo nuu ndiꞌi ya ndóꞌo ndo, iin káchi taxi ra koo vaꞌa ni ndo xiꞌin nde. Ya yóꞌó ikan ra kivi ná ndiko koo Tata yo Jesucristo kixi ra nuu ndivi xiꞌin na tatun Ndioxi, na ndee ni ndee kúu mií.