San Mateo 25:36 - Xochapa Mixteco

³⁶ Kivi tá köo toto i ndi̱xiyo, ta ta̱xi ndo toto xi̱ndixi i, tá ku̱ꞌvi i ta ndi̱xaa ndo xi̱to ndo yeꞌe, saa tá xi̱ndikaa i veꞌe kàà ta ndi̱xaa ndo xi̱to ndo yeꞌe”, kachi i xiꞌin na.

San Mateo 25:36 Referans Kwoze

Santiago 1:27

Sundi ya vaꞌa ni va ku ichí Iva yo Ndioxi, ta ndiꞌi ndóꞌo̱, na ndíkun ra ta ya ndee ni xíniñuꞌu ndo ikan ndo nuu ra kua yóꞌó: Ná chindee taꞌan ndo xiꞌin na ndaꞌví vali, saa ná chindee taꞌan tu ndo xiꞌin ná síꞌi ná ndi̱ndoo ndaa, ta ná chindee ñaꞌa ndo xaꞌa tindoꞌo ya ndóꞌo ná, saa ná kundaa ni ndo mií ndo, ya ná ïkan ndo ya väꞌa taꞌan ya íkan na ñuu ivi yóꞌó.

HEBREOS 13:3

Ta ndikaꞌán ini ndo xaꞌa na ñúꞌu veꞌe kàà, nda tá íin mií vi ndo, saa íin ndo ñúꞌu veꞌe kàà xiꞌin na, kukaꞌán ndo. Ta saa kuñuꞌu ini ndo xaꞌa na ndóꞌo ni ini íkan inka naꞌa, nda tá xiꞌin mií vi ndo kua íkan na saa, kukaꞌán ndo.

HEBREOS 10:34

Saa ku̱ndaꞌvi ni ini ndo xi̱ni ndo na tá ñúꞌu na veꞌe kàà. Ta nda kúsini ndo tá xíto ndo kíndaa na ñaꞌa ndo ndaꞌa ndo. Saa chi ndóꞌo̱, ra xíni ndo, vaꞌa ni ka ñaꞌa kúu mií ndo nuu ndivi, ya taxi Ndioxi ndaꞌa ndo, saa chi ya ikán ta nda iin ichí ndïꞌi xaꞌa ya.

Los Hechos 20:35

Taꞌan ya xi̱ni ndo i̱kan i kua xíniñuꞌu ndo ikan ndo, ya kuchiñu ndo chindee ndo inka na köo kúndee ini xaa chiñu. Ndi̱kaꞌán ndo ya ndi̱kaꞌan Tata yo Jesús, káchi ra saa: “Vaꞌa ni ka kée na táxi ñaꞌa ndaꞌa inka na, süvi ka vi na ndíkiꞌin ya”, káchi Tata yo ―káchi ra Pablo xiꞌin na.

San Lucas 3:11

Saa ndi̱kuiin ra, káchi ra saa: ―Tá íyo iin taa kúu mií uvi tikoto, ta íyo inka ra köo nda iin tikoto ra, ta ra kúu mií uvi tikoto xíniñuꞌu ra taxi ra iin ya ndaꞌa ra köo nda iin tikoto. Saa tu iin ra íyo ñaꞌa xíxi nuu, saa xíniñuꞌu tu ra ikán va xaa súvi ra ―káchi ra Juan xiꞌin na.

San Mateo 25:43

Ni kivi tá ndi̱xaa i ñuu ndo ta köo ndi̱taxi ndo veꞌe nuu kusun i, ni toto kundixi i köo ndi̱taxi ndo ndaꞌa i kundixi i. Ni tá ku̱ꞌvi i ta köo ndi̱xaꞌan ndo koto ndo yeꞌe, saa tu tá xi̱ndikaa i veꞌe kàà, ta köo ndi̱xaꞌan ndo koto ndo yeꞌe”, kachi i xiꞌin na.

San Mateo 25:37

Saa kaꞌan naꞌa, na vaꞌa ikán xiꞌin i, kachi na saa: “Tata, xaa kaꞌnu ni ini un xaꞌa nde ¿maa kua xi̱ni nde káꞌun ini un, ta ta̱xi nde xi̱xi un? ¿Ta maa kua xi̱ni nde íchi un tikuii ta ta̱xi nde tikuii xi̱ꞌi un?