San Mateo 25:32 - Xochapa Mixteco

³² Ta ndiꞌi na kixi ndiꞌi ni kúu xaꞌa ñuu ivi xaa ndiꞌi na ndikitaꞌan na nuu i. Saa tava síin i na vaꞌa tañu na väꞌa. Tá kuꞌva táva síin iin ra paxto levo sana ra tañu kiti tixuꞌu sana ra, saa tava síin i na vaꞌa tañu na väꞌa.

San Mateo 25:32 Referans Kwoze

San Mateo 13:49

Saa kuu tá ná ndiꞌi xaꞌa ñuu ivi, kana koo na tatun Ndioxi ndikaxin na naꞌa, na väꞌa, tava ñaꞌa na tañu na vaꞌa.

2 Corintios 5:10

Saa chi xa kúndaa ini yo vaxi kivi ta kundita ndiꞌi yo nuu Tata yo Jesucristo, nuu índuꞌu ra xáa nani ra kuachi. Ta saa kundita yo nuu ra ya xaa nani ra kuachi xiꞌin iin iin yo nuu chaꞌvi ra yoo xaꞌa chiñu i̱kan yo, án ya vaꞌa i̱kan yo, án ya väꞌa i̱kan yo kivi xi̱taku yo ini ikin kuñu yo ñuu ivi yóꞌó.

San Mateo 3:12

Ta xa íyo tuꞌva ra kixi ra, tá ná kixi ra, ta ikan ra tá íkan na ndítivi nuni. Chívaꞌa na nuni ini yaka na, ta táan na xeꞌe xíxi ya. Kuꞌva saa íyo nduvi ra ikán, ikan ra xiꞌin naꞌa kuꞌun na koko na nuu xíxi ñu̱ꞌu̱.

San Juan 10:14

’Sundi yeꞌe ta ra paxto vaꞌa ni ku i. Xíni vaꞌa i levo sana i, ta saa tu mií va ri xíni vaꞌa ri yeꞌe.

1 Corintios 4:5

Xaꞌa ya ñaa kua káꞌan i xiꞌin ndo, táxi i nuu ndo. Käꞌan kama ni ndo xaꞌa naꞌa ya xaa nani ndo kuachi xiꞌin na. Kundatun ndo nda ná xinu mií tiempo ya ndiko koo Tata yo Jesucristo, chi mií ra ku ra sindiyeꞌe ndiꞌi saa kúu. Ta saa kua ndituvi ndiꞌi ñaꞌa ya íyo sěꞌe vitin. Ta saa kua ndituvi nda ñaꞌa ya íyo sěꞌe nima naꞌa, ndá kuꞌva ku ya ndíkani ini na. Ta suvi mií tiempo ikán kua xaa kaꞌnu Ndioxi naꞌa, tá kuꞌva íyo ya i̱kan na, saa koo ya ikan ra xiꞌin na.

ROMANOS 2:16

Ndiꞌi ya yóꞌó kuu tá ná tindaa kivi taxi Ndioxi ichí ndaꞌa Jesucristo ya xaa nani ra kuachi ndiꞌi naꞌa. Nda kuachi ya íkan sěꞌe na xaa nani ra ya xiꞌin na. Ya ikan Ndioxi saa, iin ku ya xiꞌin tuꞌun ya káꞌan ndoso i xiꞌin ndiꞌi naꞌa.

ROMANOS 2:12

Saa chi tá íkan ya väꞌa, na köo xíni ley Ndioxi, ta kuꞌva saa küniñuꞌu ra ley ra xiꞌin na ikán, saa chi mií ra ku juez yakan xa xíni mií ra ndá kuꞌva sindoꞌo ra na. Ta saa tu naꞌa, na xíni ley ra, tá íkan na ya väꞌa, ta kuꞌva saa kuniñuꞌu ra ley ra xiꞌin na, ya sindoꞌo ra na.

San Juan 10:27

Chi levo sana i ta ndíkuni ri tachi i, yakan vaꞌa ndíkundikun ri yeꞌe, ta saa tu yeꞌe va xíni ndiꞌi i ri ikán.

San Mateo 28:19

Yakan vitin ta kuáꞌan ndo ndiꞌi saa xaꞌa ñuu ivi ta sinaꞌa ndo naꞌa ndá kuꞌva kundikun na ichí i, saa sikuchi ndo na tixin kivi Iva i, xiꞌin tixin kivi Seꞌe ra, xiꞌin tixin Tachi I̱í Ndioxi.