San Mateo 25:30 - Xochapa Mixteco

³⁰ Ta ra moso väꞌa xáa chiñu, ta tava ndo ra keꞌe nuu naá ni, nuu kuaku ni ra ndakua ndikaxi nuꞌu ra”, káchi ra xitoꞌo ra ikán. Soꞌva káchi tuꞌun ndíchi yóꞌó ―káchi Jesús xiꞌin nda.

San Mateo 25:30 Referans Kwoze

San Mateo 8:12

Ta na chi̱tuni Ndioxi koo xiꞌin ra nuu xáꞌnda chiñu ra ku na judío, sundi kuaꞌa ni na ikán köo xíin kandixa ñaꞌa. Xaꞌa ya ikán kua kuꞌun na kee na nuu naá ni, ta kuaku ni na xaꞌa ya tixuꞌvi na, saa ndakua ndikaxi nuꞌu na ―káchi Jesús xiꞌin naꞌa.

San Mateo 22:13

Saa ndi̱kaꞌan ra rey xiꞌin nda moso ra, káchi ra saa: “Tiin ndo ra katun ndo ndaꞌa ra tin xaꞌa ra, saa tava ndo ra keꞌe ta chikaa ndo ra nuu naá ni, nuu ndee ni kuaku ra, tixuꞌvi ni ra ndakua ndikaxi nuꞌu ra”, káchi ra rey ikán.

San Mateo 13:50

Kiꞌin na, na väꞌa ikán taan na ini xitun nuu xíxi ni ñu̱ꞌu̱, nuu kuaku ni na, ta ndakua ndikaxin nuꞌu na ―káchi Jesús xiꞌin na.

Judas 1:13

Tá kuꞌva xíto yo ndee ni ndíkanda nuu nduta ñûꞌu ta iin kána koo ndiꞌi chiñu nuu ra ya kána koo ñaꞌa yakua ñúꞌu ini rá maá, ta kuꞌva saa íkan nda ikán ndínaꞌa nda ya yakua íyo nima nda. Tá ndo̱ꞌo kiti kimi, kiti nda̱ñuꞌu, ta ke̱e ri kuaꞌan ri ndi̱koyo ri nuu naá ni va, saa íin nda ikán. Ta saa kundoꞌo nda ndiꞌi saa kúu kivi.

Tito 3:14

Saa nda ñani yo xiꞌin ná kuꞌva yo, ná sikuaꞌá na ikan ni na ya vaꞌa, ta ná chindee taꞌan ná xiꞌin naꞌa, na kúmani ñaꞌa nuu. Ta saa kua nduu na naꞌa, na ndáa yaꞌvi ni, na xáa chiñu ni.

San Juan 15:6

Tá ndá na köo ítaꞌan tuun xiꞌin i, ta kundoꞌo na tá kuꞌva ndóꞌo teꞌe ndaꞌa nu íchi ya, ta saa ndíkuiso na ya xáta na nuu xíxi ñu̱ꞌu̱, ta ndee ni xíxi ya.

San Lucas 13:28

Ta kuaku ni ndo ndakua kaxi nuꞌu ndo, chi kuni ndo ra Abraham xiꞌin ra Isaac tin ra Jacob xiꞌin ndiꞌi nda ndi̱kaꞌan ndoso tuꞌun yuꞌu Ndioxi xinaꞌa. Kuni ndo nda íyo nda xiꞌin Ndioxi nuu xáꞌnda chiñu ra, ta ndóꞌo̱ küchiñu ka ndo kiꞌvi ndo.

San Mateo 24:51

Ta ndee ni sitixuꞌvi ñaꞌa patrón ra. Ñaa tiꞌvi ñaꞌa ra kuꞌun ra nuu ndóo na väꞌa, na uvi ini. Ta ikán ku nuu kuaku ni na ndakua ndikaxi nuꞌu na, xaꞌa ya ndee ni tíxuꞌvi na.

San Mateo 13:42

Ta na tatun Ndioxi taan ñaꞌa na yóꞌó xitun nuu ndee ni xíxi ñu̱ꞌu̱, nuu kuaku ni na ta ndakua ndikaxi nuꞌu na xaꞌa ya ndee ni tixuꞌvi na.

El Apocalipsis 21:8

Ta na síndikoo ichí i xaꞌa ya íꞌvi na tixuꞌvi na xaꞌa i, ta kuꞌun na yavi nuu xíxi ni ñu̱ꞌu̱ xiꞌin ñuꞌú káꞌndi ya náni azufre, saa kundoꞌo na köo xíin kandixa yeꞌe, na íkan ndiꞌi saa nuu ya väꞌa, ya kini, xiꞌin na xáꞌni ndìì, xiꞌin nda taa nda kuakiꞌvi xiꞌin inka ñaꞌa, án ndiꞌi ná ñaꞌa ná kuakiꞌvi xiꞌin inka taa, saa tu na tási xiꞌin na káñuꞌu yu̱ú savi án na káñuꞌu inka naꞌna ya köo kúu ndioxi ra ndaa, xiꞌin ndiꞌi na ndítuꞌun vata. Ta ya ndoꞌo ni na yóꞌó ku nuu “kuvi na ichí uvi” ―káchi Ndioxi ndi̱kaꞌan ra xiꞌin i.

2 Pedro 2:17

Ta saa kundoꞌo nda sínaꞌa ya vata ikán, chi tá íin poso nuu ndi̱ndichi tikuii va saa íin nda, án tá íin viko ya ndíso ndisaa tachi va saa íin nda. Sundi Ndioxi ta xa chi̱tuni ra ya kuꞌun nda nuu naá ni, nuu ndee ni kundoꞌo nda.

San Mateo 5:13

Saa káꞌan tuku Jesús xiꞌin nda ítaꞌan xiꞌin ra, káchi ra saa: ―Tá káa iín ya uꞌva táan yo xiꞌin ñaꞌa xíxi yo, saa íin ndóꞌo̱ nuu na ñuu ivi yóꞌó. Iín ya köo uꞌva, ta köo xáa uꞌva ka ya ñaꞌa, ni väꞌa ka ya, yakan kuaꞌan naꞌa xáta na ya yuꞌu ichí nuu yáꞌa naꞌa, ta xáñu ndoso na ya.

San Mateo 3:10

Tá íyo iin ra ndáa itun kuiꞌi, itun köo kúun kuiꞌi ndaꞌa, ta kuaꞌan ra xáꞌnda ndiꞌi ra nu xiꞌin yácha, nda tioꞌo nu táva ra kuaꞌan nu xíxi nu. Saa íyo ndóꞌo̱ nuu Ndioxi, xa íyo ndúvi ra ikan ra saa xiꞌin ndiꞌi ndo, tá tu köo ndíko koo ini ndo xaꞌa ya väꞌa íkan ndo.