San Mateo 25:24 - Xochapa Mixteco

²⁴ Saa ndi̱xaa inka ra ndi̱kiꞌin iin talento, ta ndi̱kaꞌan ra xiꞌin xitoꞌo ra, káchi ra saa: “Tata, xíni vaꞌa i yóꞌo̱, ta ndaku ni ini un, chi ndíkaya un ñaꞌa nuu köo chíꞌi un, saa ndíkuiso un ñaꞌa nuu köo xáa chiñu un, káchi ra xiꞌin xitoꞌo ra.

San Mateo 25:24 Referans Kwoze

San Lucas 15:29

Saa ndi̱kaꞌan ra xiꞌin iva ra, káchi ra saa: “Xa xíni mií un, Tata, ndisaa vi kuiya xáa chiñu i xiꞌin un ta xíni soꞌo ndiꞌi i ya káꞌan un xiꞌin i. Ta nda iin ichí täꞌan taxi loꞌo un iin tixuꞌu loꞌo ndaꞌa i ikan i viko kuxi i xiꞌin nda migo i.

ROMANOS 9:20

Ta yeꞌe ndíkuiin i, káꞌan i xiꞌin ndo: ¿Unku ndóꞌo̱ kua? ¿Án ndíkani ini ndo naꞌnu ka ndóꞌo̱ nuu Ndioxi, ya taxi ra kundaa vaꞌa ini ndo xaꞌa ñaꞌa ya chi̱tuni mií ra ikan ra xiꞌin naꞌa? Köo kúu mií yo ichí kaꞌan yo xiꞌin Ndioxi, chi nda tá íyo kisi ñuꞌú saa íin ndiꞌi yo nuu ra. Iin kisi ta köo kúu mií ya ichí kaꞌan ya xiꞌin ra síkuaꞌa ya, kachi ya saa: “Väꞌa ndi íkan un, köo kútoo i ndá kuꞌva si̱kuaꞌa un yeꞌe”, kachi ya xiꞌin ra.

ROMANOS 8:7

Naꞌa na ndíkani ini xaꞌa ya väꞌa ya kútoo ni mií ikin kuñu na ikan ya, na ikán, ta na káni taꞌan xiꞌin Ndioxi ku na. Chi köo xíin na xaa súvi na ley ra, ta ni köo kúu mií na ndee xaa súvi na ya.

San Lucas 6:46

Ta saa ndi̱kaꞌan ka ra xiꞌin na, káchi ra saa: ―Ta ndóꞌo̱, ¿ndachu kua káꞌan ndo ku i ra chee, ra ndee nuu ndo, ta köo íkan ndo ya káꞌan i xiꞌin ndo?

San Mateo 20:12

káchi na: “Naꞌa, na xa̱a chiñu iin hora loꞌo, na ndi̱kiꞌvi sindiꞌi, ta cha̱ꞌvi un na tá kuꞌva cha̱ꞌvi un ndeꞌe xa̱a chiñu iin nduvi ndaa, ta niꞌni ka vi xa̱a chiñu nde, ta iin káchi cha̱ꞌvi un ndeꞌe, ni väꞌa kéta ya”, káchi na xiꞌin ra.

San Mateo 7:21

Saa káꞌan tuku Jesús, káchi ra saa: ―Íyo naꞌa káꞌan xiꞌin i: “Yóꞌo̱ ku ra chee, ra xáꞌnda chiñu nuu nde”, káchi na xiꞌin i. Sundi süvi ndiꞌi na ikán ku na kiꞌvi koo nuu xáꞌnda chiñu Ndioxi. Ndisaa na xáa súvi ya káꞌan Iva i Ndioxi ra íyo nuu ndivi ku na kiꞌvi koo xiꞌin ra.

San Mateo 18:24

Tá xa̱á ra rey ikán xáa súvi ra kuenta xiꞌin na xáa chiñu nuu ra, ta saa ndáka na iin ra xáa chiñu nuu ra ndi̱xaa ra, ta yáꞌa ni kuaꞌa ku ya níka ra ikán, kúu ya nda uxi mil xuꞌun ya náni talento.

San Mateo 25:25

Xaꞌa ya ikán kua ndi̱ndiꞌvi i nuu un, ta ndi̱xaꞌan i ti̱seꞌe i xuꞌun un yavi kunu tixin ñuꞌú. Ta vitin ndikiꞌin un ya ta̱xi un ndaꞌa i, tá íyo ya ta̱xi un ndaꞌa i, saa íyo ya ndikiꞌin un”, káchi ra xiꞌin xitoꞌo ra.

San Mateo 25:26

Saa ndi̱kuiin xitoꞌo ra, káchi ra saa: “¡Süvi moso vaꞌa ku yóꞌo̱, moso xúxan va ku un! Tá xa xíni un ya ndíkaya i ñaꞌa nuu köo chíꞌi i, ta ndíkuiso i ya vaꞌa nuu köo xáa chiñu i,

San Lucas 19:13

Tá xa ku̱yati kee ra kuꞌun ra ta ka̱na ra uxi nda xáa chiñu xiꞌin ra. Ta̱xi ra iin xuꞌun nani mina ndaꞌa iin iin nda ta kuaꞌa ni ndáka ya. Ñaa ndi̱kaꞌan ra xiꞌin nda, káchi ra saa: “Ná ndoo xuꞌun yóꞌó xiꞌin ndo ikan ndo lucha xiꞌin ya, ná ndiko koo i saa ndikiꞌin i ya ndaꞌa ndo”, káchi ra xiꞌin nda.