San Mateo 25:14 - Xochapa Mixteco

¹⁴ Saa ndi̱kaꞌan ka Jesús, káchi ra saa: ―Ná ndituꞌun i inka tuꞌun ndíchi xiꞌin ndo, ya kundaa ini ndo ndá kuꞌva koo kaꞌnda chiñu Ndioxi ñuu ivi yóꞌó. Saa ndo̱ꞌo iin ra, ndi̱kani ini ra kuꞌun xíka ra. Ñaa ka̱na ra nda xáa chiñu nuu ra, si̱kuiso chiñu ra nda xiꞌin ndiꞌi ñaꞌa kuika veꞌe ra.

San Mateo 25:14 Referans Kwoze

San Marcos 13:34

Tá íkan iin taa ra ke̱ta kuaꞌan kani inka ñuu saa íkan i xiꞌin ndo. Ra ikán ta káꞌan ra xiꞌin moso ya ná kundaa vaꞌa na veꞌe ra. Táxi ndiꞌi ra chiñu ndaꞌa iin iin na xáa chiñu nuu ra, saa xa̱ꞌnda ra chiñu nuu ra ndáa yeꞌe ra ya ná küsun ra, ná kundito ni ra.

Efesios 4:11

Suvi mií tu ra ku ra ta̱xi ndee vaꞌa ndaꞌa naꞌa: Sava nda ndi̱niꞌi ndee vaꞌa ya kúu nda apóstol, ta sava na ndi̱niꞌi ndee vaꞌa ya kúu na, naꞌa na káꞌan tuꞌun yuꞌu Ndioxi, sava na ndi̱niꞌi ndee vaꞌa ya káꞌan ndoso na tuꞌun vaꞌa xaꞌa Tata yo Jesucristo, sava na ndi̱niꞌi ndee vaꞌa ya ndíso chiñu na xiꞌin na veꞌe ñuꞌu, ta sava na ndi̱niꞌi ndee vaꞌa ya kúu na maestro na sínaꞌa iví xaꞌa tuꞌun Ndioxi.

1 Corintios 12:4

Ta kúni i ná kundaa ini ndo ya íyo kuaꞌa ni nuu ndee vaꞌa ya síniꞌi Tachi I̱í Ndioxi nuu naꞌa, na kándixa Jesucristo, sundi suvi iin mií Tachi ra kua síniꞌi ndiꞌi va ya.

San Mateo 21:33

Saa ndi̱kaꞌan ka Jesús xiꞌin nda, káchi ra saa: ―Kuni soꞌo ndo inka tuꞌun ndíchi ya sinaꞌa i ndóꞌo̱. Saa ndo̱ꞌo iin taa, ra nditaan teꞌe uva. Ndi̱kasi ndiꞌi ra nuu ñuꞌú ra nuu íyo teꞌe uva ra, ndi̱kasi ra nuu ya xiꞌin corra nama yu̱ú. Ta xa̱ta ra yavi nuu ñuꞌú nuu koꞌni kiti uva, saa si̱kuaꞌa ra iin torre sukun nuu kundoo naꞌa kundaa na kiti uva ra. Ñaa ta̱xi too ra ñuꞌú ra xiꞌin kiti uva ndaꞌa inka naꞌa, ta ke̱e ra kuaꞌan xika ra inka ñuu.

1 Corintios 3:5

Ndikani vaꞌa ini ndo, ¿án chee ni yeꞌe, Pablo, túvi ndo? ¿Án ra Apolos ku ra chee ni túvi ndo? Süvi saa íyo ya. Moso va ku nde xáa chiñu nde nuu Ndioxi, ta chíndee nde ndóꞌo̱ ya ná kandixa ni ndo Ndioxi va. Íkan iin iin nde chiñu ya ta̱xi Ndioxi ndaꞌa va nde.

San Lucas 20:9

Sindiꞌi ikán xa̱á tuku Jesús ndítuꞌun ra iin tuꞌun ndíchi káchi ra saa: ―Saa ndo̱ꞌo iin ra taa, ta̱an ra iin teꞌe ti uva nuu ñuꞌú ra. Ñaa ta̱xi too ra ya ndaꞌa inka naꞌa. Saa ke̱e ra kuaꞌan xika ra inka ñuu.