San Mateo 24:39 - Xochapa Mixteco

³⁹ Ta köo ndi̱kundaa ini na unkua kundoꞌo na, nda kivi tá xa̱á kúun kini ni savi íꞌná, ñaa ta̱ni na ta ndi̱kaꞌan ndaa na xiꞌin tikuii ndi̱xiꞌi ndiꞌi na. Tá ndo̱ꞌo na ikán saa kundoꞌo na ndóo vitin chi köo íyo nduvi na kivi tá ná ndiko koo yeꞌe, Taa ra xa̱a ñuu ivi yóꞌó.

San Mateo 24:39 Referans Kwoze

San Juan 3:20

Chi ndiꞌi na íkan ya väꞌa ta kúndasi nuu na xíni na ya yéꞌe̱, yakan köo xíin na kuyati na nuu yéꞌe̱, chi köo kúni na ndituvi ndiꞌi ya väꞌa íkan na.

San Mateo 24:37

’Tá kuꞌva i̱kan naꞌa kivi xi̱taku ra Noé, saa ikan na kivi tá ná ndiko koo i ñuu ivi yóꞌó.

Los Hechos 13:41

Kuni soꞌo ndóꞌo̱ kúndasi nuu xíni yeꞌe, ta vaꞌa ndi̱kanda ka ini ndo kundoo ndo, ta saa ndiꞌi xaꞌa ndo. Chi vaxi kivi ikan i iin ya chee nuu ndo ta küaꞌa ndo kandixa ndo ya. Ni inka naꞌa ná kaꞌan xiꞌin ndo, ta küaꞌa ndo kandixa ndo na káchi ya ta̱a nda xinaꞌa ―káchi ra Pablo xiꞌin na.

2 Pedro 3:5

Chi na ñaa ta köo xíin a kiꞌin na kuenta ya si̱kuaꞌa Ndioxi ndivi xiꞌin ñuꞌú tiempo xinaꞌa, ta iin kuiti tuꞌun ndi̱kaꞌan ra, xa̱ꞌnda ra chiñu ta saa ndi̱kuaꞌa ndivi xiꞌin ñuꞌú, ta ñuꞌú ra ini tikuií ndi̱kuaꞌa ya ndíkaa ya nda vitin.

San Lucas 19:44

Iin sindiꞌi vaꞌa na xaꞌa ndo. Nda iin yu̱ú xaꞌa veꞌe ndo ndöo ikan na. Iin ndiꞌi vaꞌa xaꞌa ñuu ndo, saa chi köo xíin ndo ndikuni ndo yeꞌe, ya sikaku i ndóꞌo̱ ―káchi Jesús xiꞌin na.

ROMANOS 1:28

Xaꞌa ya ndi̱ndoso ini na xaꞌa Ndioxi, ta ni köo ndi̱xiin na kundaa ini na xaꞌa ra, yakan sa̱ña ndaꞌa ra na, xa̱á na íkan na ya väꞌa, ya ndíkani xiní mií na.

San Mateo 16:27

Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.

San Mateo 24:3

Saa ke̱e nda kuaꞌan nda iku Olivo, ñaa ndi̱kunduꞌu Jesús xiki ikán, ta ku̱yati nda ítaꞌan xiꞌin ra nuu ra káꞌan sěꞌe nda xiꞌin ra, káchi nda saa: ―Tata, kúni nde kaꞌan un xiꞌin nde maa kua kuu saa. ¿Ta ndá seña kua koo tá ná ndiko koo un tin tá ná ndiꞌi xaꞌa ñuu ivi? ―káchi nda xiꞌin ra.

San Mateo 24:30

Ta ndiꞌi naꞌa kuni na koo seña nuu ndivi ya ndiko koo yeꞌe, Taa ra xa̱a ñuu ivi yóꞌó, saa kuaku ni na ñuu ivi yóꞌó, kusuchi ni ini na. Ta ndiꞌi naꞌa kuni na yeꞌe kixi i xiꞌin viko, kixi i xiꞌin ndee chee ni xiꞌin ndiꞌi ya yéꞌe̱ ni.

San Mateo 24:40

Ta kivi ikán tá ñúꞌu uvi nda taa iku, ta ndikiꞌin i iin ra kuꞌun xiꞌin i, ta inka ra ndoo.