San Mateo 24:38 - Xochapa Mixteco

³⁸ Saa chi xinaꞌa tá xi̱taku ra Noé tá täꞌan kuun savi íꞌná ta ndiꞌi naꞌa xíxi na tin xíꞌi na, tíndaꞌa na tin táxi na seꞌe na tíndaꞌa ná. Saa i̱kan na nda kivi tá ndi̱keta ra Noé ini itun barco.

San Mateo 24:38 Referans Kwoze

San Lucas 12:45

Sundi tá tu ná ndikani ini ra moso ikán, kachi ra saa: “Ndïko koo yachi xitoꞌo yo”, ná kachi ra. Ta saa xa̱á ra xaa nduvaꞌa ra xiꞌin nda taa tin ná ñaꞌa xáa chiñu nuu xitoꞌo ra, ta xa̱á ra kuxi ra tin koꞌo ra iin xíni mií ra.

San Lucas 21:34

Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.

San Lucas 12:19

Tá ndiꞌi kaꞌan yo xiꞌin mií yo: Kuaꞌa ni ñaꞌa yo íyo, nani ya yóꞌó kuxi yo, naꞌa ni va kuxi yo ya. Ta xäa chiñu ka yo, ná ndikundee yo, ná kuxi yo tin ná koꞌo yo, ta ná kusini va yo, chi xa kuaꞌa ni ñaꞌa yo íyo, kachi yo xiꞌin mií yo”, káꞌán ra kuika ikán.

San Mateo 22:30

Tá ná ndi̱taku na ndíi, ta köo ka naꞌa tindaꞌa nuu ndivi, ni täxi ka na seꞌe síꞌi na tindaꞌa ná xiꞌin taa. Tá kuꞌva íin na tatun Ndioxi saa koo na koo xiꞌin Ndioxi.