San Mateo 23:8 - Xochapa Mixteco

⁸ ’Sundi ndóꞌo̱ ta ïkan ndo saa, täxi ndo kaꞌan naꞌa xiꞌin ndo “maestro”, saa chi iindaa Cristo ku maestro nuu ndo, ta ndiꞌi ndo ta iin káchi íin ndo nuu taꞌan ndo.

San Mateo 23:8 Referans Kwoze

Santiago 3:1

Ñani mani, ná köo kuaꞌa ni na sínaꞌa tuꞌun Ndioxi tañu ndo, saa chi xa kúndaa ini mií ndo yáꞌa ni ka va ndee sitaxin Ndioxi yoo sínaꞌa tuꞌun ra, nuu na ivi taꞌan yo na ndíkun ra.

1 Pedro 5:3

Ta käꞌnda chiñu ndo nuu na, ya nduu ndo tá íyo xitoꞌo na, na ndee ni íyo ichí ndaꞌa ya kaꞌnda chiñu ndo nuu na. Ya ndee ni vaꞌa ikan ndo xiꞌin na kua sinaꞌa ndo na ná ikan na tá kuꞌva vií ni íkan mií ndo.

San Lucas 22:32

Sundi yeꞌe ta xa káꞌan ni i xaꞌa un xiꞌin Ndioxi ya ná ndïko koo ini un ya ndáa ni ini un xíni un ra. Tá ndi̱ko koo un nuu ra, ta xaꞌa un ndee xiꞌin ndiꞌi na itáꞌan xiꞌin un ―káchi Jesús xiꞌin ra Simón Pedro.

San Mateo 23:10

Ta täxi ndo kaꞌan naꞌa xiꞌin ndo “ra Káꞌnu” saa chi iindaa Cristo ku ra Kaꞌnu nuu ndo.

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

El Apocalipsis 1:9

Yeꞌe Juan ñani ndo ku i, saa chi iin káchi kándixa yo Tata yo Jesucristo, ta ndóꞌo̱ xiꞌin yeꞌe ndíkun yo ichí nuu xáꞌnda chiñu Ndioxi. Xaꞌa ya iin ku yo xiꞌin taꞌan yo, ta iin káchi tíxuꞌvi ndiꞌi yo xiꞌin taꞌan yo, saa táxi Ndioxi ndee ra ndaꞌa yo, ya kúndee ini yo xiꞌin ya tíxuꞌvi yo. Xaꞌa ya ndi̱kaꞌan ndoso i tuꞌun Ndioxi ya si̱naꞌa Tata yo Jesucristo yeꞌe, yakan ti̱in na chiñu yeꞌe ndi̱xaꞌan na ndi̱ndaka na yeꞌe iku loꞌo ya Patmos, ya ndíkaa maꞌñu nduta ñûꞌu xaꞌa ya síndoꞌo ni na ini i.

El Apocalipsis 22:9

Saa ndi̱kaꞌan tatun ikán xiꞌin i, káchi ya saa: ―Ïkan un saa, küsiti un nuu i. Saa chi tá káa mií un xiꞌin nda ñani un nda káꞌan ndoso tuꞌun yuꞌu Ndioxi tin ndiꞌi na xáa súvi ya káꞌan tuꞌun ya íyo nuu tutu yóꞌó, tá íin ndóꞌo̱, saa káa tu yeꞌe va. Yakan xäa kaꞌnu un yeꞌe, chi ndisaa mií Ndioxi ku ra xíniñuꞌu yo xaa kaꞌnu yo ―káchi tatun Ndioxi xiꞌin i.

El Apocalipsis 19:10

Saa si̱kusiti i nuu tatun ikán ya xaa toꞌo ñaꞌa i, ta ndi̱kaꞌan ya xiꞌin i, káchi ya saa: ―Ïkan un saa, küsiti un nuu i, chi tá kuꞌva íyo mií un xáa chiñu un xiꞌin na ñani un na ndíkun Tata yo Jesucristo saa íyo tu yeꞌe va. Chi yo xáa chiñu nuu Ndioxi ku ndiꞌi yo, saa kándixa yo tuꞌun ya ndaa ya ndi̱kaꞌan Tata yo Jesucristo, ta ná sïndoo yo ya kándixa yo tuꞌun ra. Yakan küsiti un nuu i, iin mií Ndioxi ná xaa kaꞌnu ni yo. Chi tuꞌun ya si̱naꞌa Tata yo Jesucristo, ta iin káchi ku ya xiꞌin tuꞌun ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa, chi mií Tachi I̱í Ndioxi ta̱xi ya ndaꞌa nda ikán ndi̱kaꞌan nda ―káchi tatun ikán xiꞌin i.

Efesios 3:15

chi tixin mií ra kua níꞌi ndiꞌi yo ndóo ñuu ivi yóꞌó kivi yo ya ndaa, ta saa tu na ndoo nuu ndivi va.

2 Corintios 4:5

Tá káꞌan ndoso nde tuꞌun vaꞌa xaꞌa Jesucristo xiꞌin naꞌa, ta süvi xaꞌa mií nde kua káꞌan nde xiꞌin na, chi xaꞌa mií Jesucristo kua káꞌan nde xiꞌin na, ya kúu ra Tata yo. Ta ndeꞌe, tá íin moso ndo, na xáa chiñu nuu ndo, saa íin nde. Ta xaꞌa Tata yo Jesucristo kua íkan nde saa.

2 Corintios 1:24

Ta ya ñaa ta köo kúni kachi ya, xáꞌnda ni nde nuu ndo xaꞌa kuꞌva ya ndáa ini ndo xíni ndo Ndioxi, chi ndóꞌo̱ ta xa ndee ni va ndáa ini ndo xíni ndo ra, ta ndisaa ya kúni ndeꞌe kua, iin káchi xaa chiñu nde xiꞌin ndo nuu chindee taꞌan nde xiꞌin va ndo ya ná kusini ni ndo.

San Mateo 26:49

Saa ku̱yati ra nuu Jesús, ta ndi̱kaꞌan ra xiꞌin ra, káchi ra saa: ―Kuaꞌa un, Tata Maestro ―káchi ra. Ta chu̱tu ra nuu Jesús.

San Mateo 10:25

Ta ra síkuaꞌa ta kuchiñu ra nduu ra tá kuꞌva káa maestro ra, ta ra moso kuchiñu ra nduu ra tá kuꞌva káa patrón ra. Ta saa ndóꞌo̱, tá kuꞌva ndóꞌo i saa ndoꞌo ndo, tá káꞌan na xiꞌin i saa kaꞌan na xiꞌin ndo, chi yeꞌe ta ndi̱kaꞌan na xaꞌa i ya náni i Beelzebú, ta ndisaa ka vi ndóꞌo̱ ndíkun sata i, kuaꞌa ni ya kaꞌan na xaꞌa ndo, xaꞌa ya ndíkun ndo yeꞌe ―káchi Jesús xiꞌin nda ítaꞌan xiꞌin ra.

San Mateo 23:7

Saa kútoo nda ya ná kaꞌan toꞌo naꞌa xiꞌin nda tá kuaꞌan nda nuu yaꞌvi, ta kútoo nda kaꞌan na xiꞌin nda “Maestro”.

San Mateo 26:25

Saa ndi̱ndakan tuꞌun tu ra Judas va Jesús, ra ndixiko vata ñaꞌa ra, káchi ra saa: ―Maestro, ¿án yeꞌe ku i? ―káchi ra xiꞌin ra. Saa ndi̱kuiin Jesús káꞌan ra: ―Saa káchi mií va un ―káchi ra xiꞌin ra.

San Marcos 9:5

Ñaa ndi̱kaꞌan ra Pedro xiꞌin Jesús, káchi ra saa: ―Tata Maestro, vaꞌa ni ku̱u ndóo nde xiꞌin un, ta sikuaꞌa nde uni veꞌe itun vixin vali, iin ya koo yóꞌo̱, ta iin ya koo ra Elías, inka ya koo ra Moisés ―káchi ra xiꞌin Jesús.

San Marcos 10:51

Tá ndi̱xaa ra, saa ndi̱kaꞌan Jesús xiꞌin ra, káchi ra saa: ―¿Unkua kúni un ikan i xiꞌin un? ―káchi ra xiꞌin ra. Saa ndi̱kuiin ra káꞌan ra: ―Nuu va i kua kúni ná kuna, Tata ―káchi ra.

San Marcos 11:21

Saa ndi̱kaꞌán ini ra Pedro ya ndi̱kaꞌan Jesús xiꞌin nu. Ñaa ndi̱kaꞌan ra xiꞌin Jesús, káchi ra saa: ―Tata Maestro, ¡koto vií xa ndi̱ndichi va itun higo ndi̱tavi chiꞌña un toon! ―káchi ra xiꞌin Jesús.

San Marcos 14:45

Saa ndi̱xaa ra ta ku̱yati ra nuu Jesús ndi̱kaꞌan ra xiꞌin ra, káchi ra saa: ―¡Tata Maestro! ¡Tata Maestro! ―káchi ra. Saa chu̱tu ra nuu Jesús, ya ndi̱kaꞌan ndioxi ra xiꞌin ra.

San Juan 1:38

Saa ndi̱ko koo Jesús ndikoto ra sata ra, ta xi̱ni ra ndíkun nda kuaꞌan nda sata ra, ta saa ndi̱kaꞌan ra xiꞌin nda, káchi ra saa: ―¿Unkua kúni ndo? ―káchi ra xiꞌin nda. Saa ndi̱kuiin nda káꞌan nda: ―Rabí ¿míí ku nu íyo un? ―káchi nda xiꞌin ra. Ta tuꞌun “Rabí” kúni kachi ya “Maestro”.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 3:26

Saa ndi̱kaꞌan nda xiꞌin ra Juan, káchi nda saa: ―Tata Rabí: koto un ra taa xi̱ni taꞌan xiꞌin un inka ñaꞌñu yuꞌu ita Jordán, síkuchi ni ra naꞌa, ta kuaꞌa ni na kuaꞌan nuu ra ―káchi nda xiꞌin ra Juan.

San Juan 4:31

Ta nda ítaꞌan xiꞌin ra, ndinuni loꞌo káꞌan nda xiꞌin ra, káchi nda saa: ―Rabí, kuxi loꞌo un ―káchi nda xiꞌin ra.

San Juan 6:25

Saa tá ndi̱xaa na inka ñaꞌñu yuꞌu nduta ñûꞌu, ta ndi̱ndakan tuꞌun na Jesús, káchi na saa: ―Tata Rabí, ¿maa xa̱a un yóꞌó? ―káchi na xiꞌin ra.

San Juan 9:2

Saa ndi̱ndakan tuꞌun ñaꞌa nda ítaꞌan xiꞌin ra, káchi nda saa: ―Tata Maestro, ¿unku na kúu mií kuachi yakan ka̱ku kuáa̱ ra yóꞌó? ¿Án xaꞌa kuachi iva siꞌí ra kua, án xaꞌa kuachi mií ra kua? ―káchi nda.

San Juan 11:8

Saa ndi̱kaꞌan nda ítaꞌan xiꞌin ra, káchi nda saa: ―Tata Rabí, sikan ndi̱yaꞌa uvi ndaa kivi, tá ku̱ni na ñuu ikán kaꞌni na yóꞌo̱ xiꞌin yu̱ú ¿ta ndachu kúni tuku un ndi̱ko koo un? ―káchi nda xiꞌin ra.

San Juan 20:16

Saa ndi̱kuiin Jesús ndi̱kaꞌan ra xiꞌin yá, káchi ra saa: ―¡María! ―káchi ra. Saa ndi̱koto yá nuu ra, ta ndi̱kuni yá ra, saa ndi̱kaꞌan yá xiꞌin ra: ―¡Raboni! ―káchi yá. (Chi tuꞌun Raboni ku tuꞌun ya káꞌan mií na judío, ta kúni kachi ya Maestro.)

FILEMÓN 1:16

Chi ra xáa chiñu xiꞌin ya nduxa nuu un ku ra, sundi vitin ta yáꞌa ni ka va vaꞌa ndee xaa chiñu ra nuu un, süvi tá xa̱a chiñu ra yachi saa ikan ra, chi ra ñaa, ta ñani yo ndu̱u ra vitin, ta kúꞌvi ni ini yeꞌe xíni i ra, ta ndisaa ka vi mií un, tá káa ra veꞌe mií un saa ndu̱u ra ndee ni ka ndaa yaꞌvi ra nuu un tixin Tata yo Jesucristo.