San Mateo 23:24 - Xochapa Mixteco

²⁴ ¡Tá íin na kuáa̱ saa íin ndo, saa chi sínaꞌa ndo naꞌa xaꞌa ñaꞌa ya köo ndá yaꞌvi ni ka, ta ni mií ndo köo xáa súvi ndo ya sínaꞌa ndo. Saa chi íkan ndo tá íkan na síxixin tikuii, táva ndo tikú loꞌo ndíkaa ini rá ta kóko ndáa ndo iin kiti camello chee ni ndíkaa xiꞌin rá!

San Mateo 23:24 Referans Kwoze

San Mateo 19:24

Ta ná kaꞌan ka i xiꞌin ndo: Tá ya kúvi kua ta án sana vaꞌa ka kiꞌvi iin kiti camello chee ni ta yaꞌa ri yavi loꞌo kaꞌa iin tiku, ta saa na kuika uꞌvi ni ka saa kiꞌvi na ikán ichí nuu xáꞌnda chiñu Ndioxi ―káchi Jesús xiꞌin na.

San Mateo 23:16

’¡Ndaꞌvi ni ndóꞌo̱! ¡Tá íin na kuáa̱ saa íin ndo! Saa chi sínaꞌa ndo naꞌa xaa súvi na ichí Ndioxi, ta ni mií ndo köo xíni ndá kuꞌva xaa súvi ndo ya kúni Ndioxi. Saa chi káꞌan ndo, tá iin naꞌa chínaꞌa na xaꞌa veꞌe ñuꞌu kaꞌnu, ta köo xíniñuꞌu na xaa súvi na ya chi̱naꞌa na, káchi ndo. Sundi tá chínaꞌa na xaꞌa ya oro íyo veꞌe ñuꞌu kaꞌnu, ta xíniñuꞌu na sixinu na ya chi̱naꞌa na”, káchi ndo.

San Mateo 7:4

Tá tu ndíkaa iin nduku chee ni nduchi nuu mií un, ta ¿unkua ikan un kaꞌan un xiꞌin ñani un: “Ñani, taxi loꞌo ná tava i mií loꞌo ndíkaa nuu un”, kachi un xiꞌin ra?

San Juan 18:40

Saa iin ndá síso ndi̱kuiin ndiꞌi na káchi na saa: ―¡Säña un ra yóꞌó! ¡Ra Barrabás saña un! ―káchi na. Ta ra kuiꞌna ndi̱xiyo ra ikán.

San Juan 18:28

Ta naꞌa ni kua ta̱va na Jesús veꞌe ra Caifás, ta ndáka na ra kuaꞌan ra veꞌe chiñu kaꞌnu nuu ra gobernador. Ta köo ndi̱xiin nda kiꞌvi nda xiꞌin Jesús nuu ra ikán, xaꞌa ya köo kúni nda kuyakua nda ta saa vaꞌa kuxini nda viko pascua.

San Mateo 15:14

Täa soꞌo ndo ya káꞌan nda fariseo. Chi nda ikán ra tá íin na kuáa̱ saa íin nda. Chi tá iin ra kuáa̱ ná kundaka ra inka ra kuáa̱ kuꞌun xiꞌin ra, ta uvi saa nda koyo yavi ―káchi Jesús xiꞌin na.

El Apocalipsis 12:16

Ta chi̱ndee ñuꞌú yá köo ndi̱tani yá xiꞌin nduta tañuꞌu ikán, chi iin ndi̱xuna kóꞌó ñuꞌú ta xi̱ꞌi ndiꞌi ya rá xáta ri sata yá.