San Mateo 23:13 - Xochapa Mixteco

¹³ Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa: ―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.

San Mateo 23:13 Referans Kwoze

San Lucas 11:52

’Ta ¡ndaꞌvi ni ndóꞌo̱ sínaꞌa ya ta̱a ra Moisés! Chi ndoꞌo ni ndo iin kivi ikan Ndioxi, saa chi tá íkan iin ra tíseꞌe llave saa íkan ndo, köo sínaꞌa teꞌe ndo tuꞌun Ndioxi nuu naꞌa na kúni kuꞌun ichí ra, ta ni mií ndo kuäꞌan ichí ra ―káchi Jesús xiꞌin nda sínaꞌa ley Ndioxi.

San Mateo 23:29

’¡Ndoꞌo ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! Luvi ni síkuaꞌa ndo ñáñá nuu ndi̱nduxin nda profeta, ta xáa kutu ndo nuu ndúxin naꞌa, na vaꞌa ni.

San Mateo 23:27

’¡Ndoꞌo ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! Saa chi tá íin sata ñáñá nuu ndúxin ndìì, saa íin ndo. Sata ya ikán vaꞌa ni náꞌa, luvi ni ndi̱kaꞌi yaa ya, ta ini ya maa kini ni káa, iin chútu ndaa leke ndìì táꞌi ya.

San Mateo 23:23

’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Ndóꞌo̱ uvi yuꞌu ku ndo! Saa chi táxi ndo iin koꞌndo ya táva ndo tixin uxi koꞌndo iku kána chíꞌi ndo, ta táxi ndo ya ndaꞌa Ndioxi. Ta köo xáa súvi ndo ñaꞌa ya ndixa xíniñuꞌu ndo xaa súvi ndo nuu Ndioxi. Ya kúni Ndioxi ku ya ikan ndo ya ndaku xiꞌin naꞌa, saa kundaꞌvi ini ndo kuni taꞌan ndo tin kandixa ni ka ndo Ndioxi, ya yóꞌó ku ya ndáa yaꞌvi ni. Xíniñuꞌu ndo xaa súvi ndo chiñu ndee ni yóꞌó nuu ra, ta xïkuiin ndo ikan ndo inka ka chiñu vali nuu ra.

Los Hechos 8:1

Saa tu ra Saulo va ndi̱xiyo yuꞌu ra xiꞌin na xa̱ꞌni ra Esteban. Tá ndi̱xiꞌi ra saa ku nuu xa̱á tíxuꞌvi ni na ndíkun Jesús ndóo ñuu Jerusalén, xaꞌa ya ikán kua ndi̱xita yava ndiꞌi na kuaꞌan na. Sava na kuaꞌan ñuu Judea xiꞌin ñuu Samaria, siin nda apóstol ku nda ndi̱ndoo ñuu Jerusalén.

2 Timoteo 4:15

Ta kuenta ni koo un xiꞌin ra, chi nda loꞌo köo xíin ra kuni ra tuꞌun vaꞌa ya káꞌan ndoso yo xaꞌa Tata yo Jesucristo.

2 Timoteo 3:8

Ta nda vata ñaa, ta tá kuꞌva ndi̱xiyo ra Janes xiꞌin ra Jambres xinaꞌa, saa íkan nda, chi saa i̱kan nda ikán, ke̱ꞌe taꞌan nda xiꞌin ra Moisés. Ta kuꞌva saa íkan nda vata ñaa, süvi ya ndaa kua káꞌan nda nda ndu̱chiꞌña ya xínituni ku nda yakan ni köo ndáa ka ini nda xíni nda Tata yo Jesucristo.

Los Hechos 13:8

Ta suvi ra tási ra Barjesús ikán, ta káꞌan tu na xiꞌin ra Elimas va, chi saa kúni kachi kivi ra, ta sási ra nuu ra gobernador, köo xíin ra taxi ra kandixa ra tuꞌun Ndioxi.

Los Hechos 5:40

Nda saa ndi̱xinu ini na. Ñaa xa̱ꞌnda na chiñu nuu na policía ikán ndi̱xaꞌan na ndi̱kuiso na nda ikán. Tá xa̱a nda xiꞌin na. Saa ndi̱taꞌnda chiñu nuu na xaa nduvaꞌa na xiꞌin nda kani ñaꞌa na. Ta saa ka̱ni ñaꞌa na ta ñaa si̱ꞌvi ñaꞌa na ya ná käꞌan ka nda xaꞌa kivi Jesús. Saa sa̱ña na nda ka̱na koo nda kuaꞌan nda.

Los Hechos 5:28

―Xa ndi̱kaꞌan teꞌe nde xiꞌin ndo ya ná käꞌan ka ndo xaꞌa kivi ra náni Jesús ñaa. ¿Ta ndachu soꞌo ni ndo? Köo xíin ndo kuni soꞌo ndo ya ndi̱kaꞌan nde xiꞌin ndo. Chi xa kuaꞌa ni na ndóo Jerusalén yóꞌó sáka ndo xiní xiꞌin ya sínaꞌa ndo ta chíkaa ka ndo kuachi ndeꞌe xa̱ꞌni nde ra Jesús ñaa ―káchi ra xiꞌin nda.

San Juan 9:34

Saa ndi̱kuiin nda ndi̱kaꞌan nda xiꞌin ra, káchi nda saa: ―Tixin kuachi ka̱ku un, ta ni köo ichí kúu mií un ya sinaꞌa un ndeꞌe ―káchi nda xiꞌin ra. Saa ta̱va ndaꞌa nda ra veꞌe ñuꞌu sinagoga ke̱ta ra kuaꞌan ra.

San Juan 9:24

Saa ka̱na tuku nda naꞌnu nuu na judío ra, ta ndi̱kaꞌan nda xiꞌin ra káchi nda saa: ―Vaꞌa xaa kaꞌnu un Ndioxi xaꞌa ya ndu̱vaꞌa un ndi̱xuna nuu un, chi ndeꞌe ta xíni nde, ra íkan ya väꞌa ku ra si̱ndaꞌa yóꞌo̱ ―káchi nda xiꞌin ra.

San Juan 9:22

Ndi̱kaꞌan iva siꞌí ra saa xaꞌa ya íꞌvi na nuu nda naꞌnu nuu na judío, chi xa chi̱taꞌan tuꞌun nda tá ndá naꞌa káꞌan xaꞌa Jesús ya kúu ra Cristo, ta tava ndaꞌa ñaꞌa nda ini veꞌe ñuꞌu sinagoga, káchi nda.

San Mateo 23:25

’¡Ndaꞌvi ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! chi tá íin na ndíkata sata vaso xiꞌin sata koꞌo nuu xíxi na, saa íin ndo. Chi vaꞌa ni va náꞌa ndo nuu naꞌa, sundi ini ndo ta iin chútu ndaa ya kuiꞌna xiꞌin ya väꞌa.

San Mateo 3:7

Saa xi̱ni ra Juan kuaꞌan kuaꞌa ni nda naꞌnu nuu na judío, nda fariseo xiꞌin nda saduceo, chi kúni nda kuchi nda. Saa ndi̱kaꞌan ra tuꞌun yóꞌó xiꞌin nda, káchi ra saa: ―¡Ndóꞌo̱ nǎꞌa ku ndo, tá íin seꞌe kiti ko̱ó saa íin ndo! ¿Unku ndi̱kaꞌan xiꞌin ndo kuchi ndo, ta xaꞌa ya íkan ndo saa ta sikaku Ndioxi ndóꞌo̱ nuu ya tixuꞌvi ndo, káꞌán ndo?

San Mateo 23:16

’¡Ndaꞌvi ni ndóꞌo̱! ¡Tá íin na kuáa̱ saa íin ndo! Saa chi sínaꞌa ndo naꞌa xaa súvi na ichí Ndioxi, ta ni mií ndo köo xíni ndá kuꞌva xaa súvi ndo ya kúni Ndioxi. Saa chi káꞌan ndo, tá iin naꞌa chínaꞌa na xaꞌa veꞌe ñuꞌu kaꞌnu, ta köo xíniñuꞌu na xaa súvi na ya chi̱naꞌa na, káchi ndo. Sundi tá chínaꞌa na xaꞌa ya oro íyo veꞌe ñuꞌu kaꞌnu, ta xíniñuꞌu na sixinu na ya chi̱naꞌa na”, káchi ndo.