San Mateo 22:17 - Xochapa Mixteco

¹⁷ Ta vitin kaꞌan un xiꞌin nde unkua ndíkani ini un. ¿Án vaꞌa chaꞌvi yo xuꞌun ya káku yo xaꞌa nuu na chiñu ya kuaꞌan ndaꞌa ra tata chiñu ra rey César ñuu Roma? ¿Án väꞌa chaꞌvi yo ya? ―káchi nda xiꞌin ra.

San Mateo 22:17 Referans Kwoze

San Lucas 2:1

Ta suvi mií tiempo ikán kua ku̱u mií ra rey Augusto chiñu nuu ndiꞌi na ivi ta xa̱ꞌnda ra chiñu ya kuꞌun ndiꞌi na ndikaꞌi kivi na.

San Mateo 17:25

Saa ndi̱kuiin ra, káꞌan ra xiꞌin nda: ―Cháꞌvi va ra ya ―káchi ra xiꞌin nda. Saa tá ndi̱kiꞌvi ra Pedro veꞌe nuu ndóo nda, ta xiꞌna Jesús ndi̱kaꞌan xiꞌin ra, káchi ra saa: ―¿Unkua ndíkani ini un Simón? Nda rey ñuu ivi yóꞌó, ¿ta unku nuu ndúku nda xuꞌun? ¿Án nuu mií na ñuu nda ndúku nda ya, án na inka ñuu ndúku nda ya nuu? ―káchi Jesús xiꞌin ra.

Los Hechos 28:22

Ta ndeꞌe kúni nde kundaa ka ini nde ndá kuꞌva íyo ichí ya káꞌan un xaꞌa ñaa. Chi ndiꞌi ni kúu ñaꞌñu xíni soꞌo nde kánaꞌa na xaꞌa ichí ñaa ya kua ichí siki ―káchi nda naꞌnu nuu na judío xiꞌin ra Pablo.

Los Hechos 25:8

Saa ndi̱kuiin ra Pablo káchi ra saa: ―Nda iin ya köo ndi̱kan i, ni xaꞌa ley Ndioxi ya ta̱a ra Moisés köo ndi̱kanaꞌa i, ni xaꞌa veꞌe ñuꞌu kaꞌnu köo ndi̱kaꞌan i, ni xaꞌa ra rey César kaꞌnu ñuu Roma köo ya ndi̱kaꞌan i ―káchi ra xiꞌin nda.

Los Hechos 17:7

Ra Jasón ku ra ndi̱kuiso vaꞌa nda veꞌe ra. Ta contra ta rey kaꞌnu kuaꞌan nda, chi káꞌan nda: “Íyo inka rey ra náni Jesús” ―káchi nda ikán xiꞌin na chiñu.

Los Hechos 5:37

Ndi̱yaꞌa loꞌo, tá ndi̱kuita censo, tuku ra náni Judas, ra ke̱e estado Galilea ndi̱kuita. Iin taꞌnda chee ku tu na xi̱ndikun sata ra ikán va. Ñaa ndi̱xiꞌi ra, ta ndiꞌi na xi̱ndikun ñaꞌa iin ndi̱xita ndiꞌi tu na ikán va.

San Lucas 3:1

Ndi̱xinu xaꞌun kuiya kúu mií ra rey Tiberio chiñu nuu ndiꞌi na ñuu ya ndíkun ndaa ñuu Roma. Ta xa̱ꞌnda chiñu ra nuu ndiꞌi nda gobernador ikán, ra Poncio Pilato ku ra xa̱ꞌnda chiñu nuu na ñuu ya ñúꞌu Judea, ta ra Herodes ku̱u gobernador nuu na ñuu ya ñúꞌu Galilea. Inka ra Felipe, ñani ra Herodes, ku̱u gobernador nuu na ñuu ya ñúꞌu Iturea xiꞌin na ñuu ya ñúꞌu Traconite. Ta inka ra náni Lisanias ku̱u gobernador nuu na ñuu ya ñúꞌu Abilinia.

San Mateo 22:18

Saa ku̱ndaa ini Jesús ya kéꞌe nda ra, ñaa ndi̱kaꞌan ra xiꞌin nda, káchi ra saa: ―¡Ndóꞌo̱ uvi yuꞌu ku ndo! ¿Ndachu kéꞌe ndo yeꞌe?

San Lucas 20:22

Ta vitin kúni nde kundaa ini nde unkua káchi yóꞌo̱, ¿án vaꞌa chaꞌvi yo xuꞌun ya káꞌan ra César, ra rey ñuu Roma xiꞌin yo án chäꞌvi yo ya? ―káchi nda xiꞌin ra.