San Mateo 21:26 - Xochapa Mixteco

²⁶ Tá ná kaꞌan yo na ivi ti̱ꞌvi ra, kachi yo, ta íꞌvi yo nuu naꞌa, saa chi ndiꞌi na ndíkani ini Ndioxi ti̱ꞌvi ra vaxi ra ―káchi nda.

San Mateo 21:26 Referans Kwoze

San Marcos 6:20

saa chi íꞌvi ni ra Herodes xíni ñaꞌa ra xaꞌa ya xíni ra kúu ra iin taa ra vaꞌa, ra i̱í. Xaꞌa ya ikán kua köo ndi̱taxi ra kundivaꞌa ra. Ta saa ni, ndíꞌi ni ini ra xíni ra ya ndi̱kaꞌan ra Juan xiꞌin ra. Vani ndíꞌi ni ini ra xiꞌin tuꞌun ikán saa ni kútoo ni ra xíni soꞌo ra ya káꞌan ra Juan.

San Juan 5:35

Tá íyo ñu̱ꞌu̱ xíxi ta ndee ni ndíyeꞌe ya, saa ndi̱xiyo ra Juan, ta ndóꞌo̱ ta ku̱sini ni ndo xi̱ni soꞌo ndo ya ndi̱kaꞌan ra xiꞌin ndo, ta uvi ndaa kivi va kua ku̱sini ni ndo.

San Mateo 21:46

Ñaa ndi̱kani ini nda tiin nda ra, ta köo ndi̱kuvi tiin ñaꞌa nda xaꞌa ya íꞌvi nda nuu na ñuu, saa chi na ikán ta káꞌan na xaꞌa ra kúu ra profeta ra káꞌan ndoso tuꞌun yuꞌu Ndioxi.

San Mateo 14:5

Ku̱ni ra Herodes kaꞌni ra, ra Juan, ta köo ndi̱kuchiñu ra ikán ra saa, xaꞌa ya íꞌvi ra nuu naꞌa, saa chi ndiꞌi na káꞌan xaꞌa ra Juan ya kúu ra profeta, ra káꞌan ndoso tuꞌun yuꞌu Ndioxi.

San Mateo 11:9

Tá tu süvi saa káa ra xi̱ni ndo, ta ¿ndá kuꞌva káa ra? Án iin ra profeta, ra káꞌan ndoso tuꞌun yuꞌu Ndioxi ku ra xi̱ni ndo? Saa ndixa, chi ra Juan ku iin ra profeta ra káꞌan ndoso tuꞌun yuꞌu Ndioxi, ta ndee ni ka chiñu ya xáa súvi ra Juan nuu ya xa̱a súvi inka nda ndi̱kaꞌan ndoso tuꞌun yuꞌu Ndioxi xinaꞌa.

Los Hechos 5:26

Saa ke̱e ra ínuu nuu na policía kuaꞌan ra xiꞌin na policia, ndikuiso tuku ñaꞌa nda. Sundi köo ndi̱xiin nda xaa nduvaꞌa nda xiꞌin nda xaꞌa ya íꞌvi nda nuu naꞌa, chi sana ndikitaꞌan ndiꞌi na ta kaꞌni ñaꞌa na xiꞌin yu̱ú, káꞌán nda.

San Juan 9:22

Ndi̱kaꞌan iva siꞌí ra saa xaꞌa ya íꞌvi na nuu nda naꞌnu nuu na judío, chi xa chi̱taꞌan tuꞌun nda tá ndá naꞌa káꞌan xaꞌa Jesús ya kúu ra Cristo, ta tava ndaꞌa ñaꞌa nda ini veꞌe ñuꞌu sinagoga, káchi nda.

San Lucas 22:2

Ta kivi ikán xa̱á sava nda sutu naꞌnu xiꞌin nda sínaꞌa ya ta̱a ra Moisés, ndúku nda kuꞌva kaꞌni sêꞌe nda Jesús, xaꞌa ya íꞌvi nda nuu na ñuu.

San Lucas 20:19

Ñaa xi̱ni soꞌo nda naꞌnu nuu sutu ikán xiꞌin nda sínaꞌa ley ya ta̱a ra Moisés ya ndi̱kaꞌan Jesús, ta ndikun ku̱ni nda tiin ñaꞌa nda, chi ku̱ndaa ini nda xaꞌa mií nda kua ndi̱kaꞌan tuꞌun ndíchi ikán. Sundi köo ndi̱kuchiñu nda tiin nda ra, saa chi íꞌvi nda nuu na ñuu.

San Lucas 20:6

Ta ni küvi kaꞌan tuku yo: “Naꞌa ku na ta̱xi ichí ndaꞌa ra”, kachi yo, saa chi ndiꞌi na kándixa ni ñaꞌa na. “Ra ndi̱kaꞌan ndoso tuꞌun yuꞌu Ndioxi ku ra”, káchi na, ta ìyo ni kaꞌni na yoo xiꞌin yu̱ú ―káchi nda xiꞌin taꞌan nda.

San Marcos 12:12

Saa ku̱ni nda xikuaꞌa veꞌe ñuꞌu tiin nda Jesús kuꞌun ra xiꞌin nda veꞌe kàà, saa chi ku̱ndaa ini nda xaꞌa mií nda ndi̱kaꞌan tuꞌun ndíchi ikán. Ta xaꞌa ya íꞌvi nda nuu naꞌa ta köo ya ndi̱kan nda xiꞌin ra, saa si̱ndoo nda ra ta ndi̱kiꞌin nda kuaꞌan nda.

San Marcos 11:32

¿Án vaꞌa ka ná kaꞌan yo, na ñuu ivi yóꞌó ta̱xi ichí ndaꞌa ra, kachi yo? ―káchi nda. Ta köo ndi̱kuiin nda saa xaꞌa ya íꞌvi nda nuu na ñuu, chi kándixa ni na ra Juan, ra ndaa ni ndi̱kaꞌan ndoso tuꞌun Ndioxi ku ra, káchi na.

San Mateo 21:11

Saa ndi̱kuiin na kuaꞌan xiꞌin Jesús, káꞌan na: ―Jesús, ra profeta ku ra, ra ke̱e ñuu Nazaret estado Galilea ku ra ―káchi na.

San Mateo 21:25

Ta kaꞌan ndo xiꞌin i, ¿unku na ti̱ꞌvi ra Juan ya sikuchi ra naꞌa? ¿Án Ndioxi ti̱ꞌvi ra, án naꞌa ti̱ꞌvi ra? Tá tu ná ndikuiin ndo yuꞌu i, ta saa tu yeꞌe va kaꞌan i xiꞌin ndo unku ta̱xi ichí ndaꞌa i ya ikan i saa ―káchi ra xiꞌin nda. Saa xa̱á nda káꞌan xiꞌin taꞌan nda, káchi nda saa: ―Tá ná kaꞌan yo Ndioxi ti̱ꞌvi ra, ta kaꞌan ra xiꞌin yo: “Ta ndachu köo ndi̱kandixa ndo ra?”, kachi ra xiꞌin yo.

San Mateo 21:27

Saa ndi̱kaꞌan nda xiꞌin Jesús: ―Köo xíni nde ―káchi nda. Saa ndi̱kuiin ra, káꞌan ra xiꞌin nda: ―Tá tu saa, ta ni yeꞌe käꞌan i xiꞌin ndo unku ta̱xi ichí ndaꞌa i ikan i saa ―káchi ra xiꞌin nda.