San Mateo 20:31 - Xochapa Mixteco

³¹ Ta na kuaꞌan xiꞌin Jesús ndi̱kaꞌan na xiꞌin nda ikán, ya ná kutaxin yuꞌu nda, ta iin ndáꞌi koꞌo vaꞌa ka nda, káchi nda saa: ¡Tata, Seꞌe ra David, kundaꞌvi ini un kuni un ndeꞌe! ―káchi nda xiꞌin Jesús.

San Mateo 20:31 Referans Kwoze

San Mateo 19:13

Saa ndi̱xaa naꞌa xiꞌin na vali nuu Jesús, ya chinuu ndaꞌa ra xiní na kaꞌan ra xaꞌa na xiꞌin Ndioxi. Ta ndi̱ndaꞌi nda ítaꞌan xiꞌin ra xiꞌin na ikán.

Colosenses 4:2

Ñani yo xiꞌin kuꞌva yo, xïkuiin ndo kaꞌan ni ndo xiꞌin Ndioxi, saa koo ndúvi ni ndo ndiꞌi saa kivi ya taxi ni ndo tixaꞌvi ndaꞌa ra.

1 Tesalonicenses 5:17

Kaꞌan ni ndo xiꞌin Ndioxi ndiꞌi saa ichí, xïkuiin ndo.

San Mateo 15:23

Ta nda iin tuꞌun köo ndi̱kuiin Jesús yuꞌu yá. Saa ku̱yati nda ítaꞌan xiꞌin ra xáku ndaꞌvi nda nuu ra, káchi nda saa: ―Tata, kaꞌan xiꞌin yá ná kuꞌun yá, saa chi ndee ni ndáꞌi yá vaxi yá sata yo ―káchi nda xiꞌin ra.

San Lucas 18:39

Ta na ndóso kuaꞌan nuu, ndáꞌi na xiꞌin ra ya ná kutaxin yuꞌu ra, ta ra ikán ni köo ndi̱kiꞌin ra kuenta sata na, ndíkundee ra ndáꞌi koꞌo vaꞌa ka ra, káchi ra saa: ―¡Jesús, Seꞌe sikua ra David, kundaꞌvi ini un kuni un yeꞌe, ndaꞌvi ni i! ―káchi ra.

San Mateo 9:27

Saa ke̱e Jesús kuaꞌan ra, ta ndi̱kundikun uvi nda kuáa̱ kuaꞌan nda sata ra, ndáꞌi koꞌo nda, káchi nda saa: ―Tata, seꞌe ra David, kundaꞌvi ini un kuni un ndeꞌe ―káchi nda.

San Mateo 20:30

Ta ndóo uvi nda kuáa̱ yuꞌu ichí ikán, saa xi̱ni soꞌo nda yáꞌa Jesús kuaꞌan ra, ta ndee ni ndee ndi̱kaꞌan nda ikán, káchi nda: ―¡Tata, Seꞌe ra David, kundaꞌvi ini un kuni un ndeꞌe! ―káchi nda xiꞌin Jesús.

San Mateo 20:32

Saa ndi̱kundichi Jesús, ta ka̱na ra nda ndi̱xaa nda nuu ra, saa ndi̱kaꞌan ra xiꞌin nda, káchi ra: ―¿Unkua kúni ndo ikan i xiꞌin ndo? ―káchi ra xiꞌin nda.