San Mateo 20:28 - Xochapa Mixteco

²⁸ Tá kuꞌva íkan yeꞌe Taa ra xa̱a ñuu ivi yóꞌó, chi yeꞌe ta köo vaxi i ya kaꞌnda i chiñu nuu naꞌa, sundi yeꞌe ta vaxi i ya koto vií i xiꞌin na saa xaa súvi i chiñu nuu na, ta saa kua kuchiñu na saña ndika na xaꞌa kuachi na ―káchi Jesús.

San Mateo 20:28 Referans Kwoze

HEBREOS 9:28

Saa chi saa i̱kan Jesucristo iin ichí va ndi̱xiꞌi ra ya ndi̱soko ra mií ra nuu ndi̱kata ra kuachi kuaꞌa ni naꞌa. Ta sindiꞌi, tá ná ndiko koo tuku ra ichí uvi, ta kïxi ka ra ya kuvi ra xaꞌa kuachi yo, sundi kixi ra sikaku ra yo ndátun ñaꞌa.

San Lucas 22:27

Saa ndi̱ndakan tuꞌun ra nda ítaꞌan xiꞌin ra, káchi ra saa: ―¿Unkua káchi ndóꞌo̱? ¿Unku ra chee ka, án ra índuꞌu xíxi nuu mesa, án ra chíkaa ñaꞌa xíxi ra índuꞌu nuu mesa ku ra chee ka? Xíni yo, ra índuꞌu xíxi nuu mesa ku ra chee. Ta yeꞌe vani ra chee ku i nuu ndo, sundi tá íkan iin moso saa íkan i xiꞌin ndo.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.

1 Pedro 3:18

Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.

1 Timoteo 2:6

Saa ta̱xi ra mií ra ndi̱xiꞌi ra xaꞌa kuachi ndiꞌi yo. Ta xaꞌa ya i̱kan ra saa kua cha̱ꞌvi ra xaꞌa yo, ya vaꞌa ku̱chiñu yo ndi̱saña ndika yo nuu kuachi yo. Ta ya yóꞌó ku tuꞌun vaꞌa ya ta̱xi Iva yo Ndioxi ndaꞌa na ñuu ivi yóꞌó, tá kivi chi̱tuni mií ra.

El Apocalipsis 1:5

Saa ná ikan tu Tata yo Jesucristo ya vaꞌa xiꞌin ndo, saa chi ndaa ni ini ra, ta ndinuꞌu ini ra ndíkuiin ra xaꞌa tuꞌun ndaa ni káꞌan ra. Ta ra ikán ku ra núnuu ndi̱taku tañu ndiꞌi na ndíi, yakan kúu mií ra ichí kaꞌnda chiñu ra nuu nda rey ñuu ivi yóꞌó. Ta kúꞌvi ni ini ra xíni ra yoo, ta köo ka kuachi ndíso yo nuu Ndioxi, saa chi ndi̱xiꞌi Jesucristo xaꞌa kuachi yo, ta xiꞌin nií ra nduta ndi̱xita ndi̱kata ra kuachi yo, nda̱sa vaꞌa ra yoo nuu Ndioxi.

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

HEBREOS 5:8

Vani Seꞌe Ndioxi ndi̱xiyo ra, ta ndee ni vaꞌa si̱kuaꞌa ra xa̱a súvi ra ndiꞌi ya ndi̱kaꞌan Ndioxi xiꞌin ra xaꞌa ya ndee ni ti̱xuꞌvi ra ñuu ivi yóꞌó.

1 Pedro 2:24

Tá ndi̱xiꞌi Cristo nuu itun cruzin ta nuu nu ikán kua ndi̱kundiso ndiꞌi ra kuachi yo to̱so ra ya sata ikin kuñu ra kuaꞌan ya xiꞌin ra. I̱kan ra saa xiꞌin yo ya ná köo ka ndee kuu mií kuachi yo ya kaꞌnda chiñu ka ya nuu yo, saa kutaku yo ikan yo ya vaꞌa. Xaꞌa ya ndo̱ꞌo ni ra yakan si̱ndaꞌa ra yoo.

Efesios 1:7

Ta ya kuchiñu ra sikaku ra yoo kua cha̱ꞌvi Jesucristo xaꞌa kuachi yo xiꞌin nií ra nduta ndi̱xita nuu cruzin tá ndi̱xiꞌi ra. Saa ku̱u nuu ndi̱saña yo ki̱ndoo ndíka yo nuu ya väꞌa, ya xa̱ꞌnda chiñu nuu yo. Xaꞌa ya kaꞌnu ni ini Ndioxi kua i̱kan ra saa xiꞌin yo.

San Marcos 14:24

Saa ndi̱kaꞌan ra xiꞌin nda, káchi ra saa: ―Nduta yóꞌó ku nií i, xaꞌa ya vaꞌa kuaꞌa ni naꞌa kua kuita rá. Ya yóꞌó kúni kachi ya, Ndioxi, ta ki̱ndoo ra iin trato ya xa̱á nuu ki̱ndoo vaꞌa na ñuu ivi xiꞌin ra.

San Mateo 26:28

Chi nduta yóꞌó ku nií i rá kuita xaꞌa na ñuu ivi. Ta xiꞌin rá kuita yóꞌó ku rá kindoo Ndioxi iin trato xa̱á xiꞌin kuaꞌa ni naꞌa, nuu xáa kaꞌnu ini ra xaꞌa kuachi na.

Efesios 5:2

Tá kuꞌva íkan Cristo xiꞌin yo, kúꞌvi ni ini ra xíni ra yoo, ta saa xíniñuꞌu ndóꞌo̱ kuꞌvi ni ini ndo kuni taꞌan ndo. Chi xaꞌa ya kúꞌvi ni ini ra xíni ra yoo kua ndi̱soko ra mií ra xaꞌa yo. Tá kuꞌva íkan naꞌa, sóko na kiti levo loꞌo nuu Ndioxi ya xíxi ri nuu ra, saa kuandaa xiko ya támi ni xáꞌan nuu ra. Ta saa i̱kan Cristo xiꞌin yo tá ndi̱xiꞌi ra, ta nda̱a xiko tami ni xaꞌan nuu Ndioxi.

Gálatas 3:13

Chi Cristo ku ra cha̱ꞌvi xaꞌa yo nuu chiꞌña ya ta̱xi ley ya ta̱a Moisés ndaꞌa yo, chi köo ndi̱kuchiñu yo sixinu yo ya káꞌan ley ikán. Xaꞌa ya ikán kua cha̱ꞌvi Jesucristo xaꞌa yo chi ndi̱xaꞌa ndee ini ra si̱kuiso ra chiꞌña xiꞌin mií ra, saa ku̱chiñu ra ki̱ndaa ra chiꞌña sata yo. Chi saa káꞌan mií tuꞌun Ndioxi, káchi ya saa: “Ndiꞌi naꞌa, na tíkaa ikin kuñu nuu itun cruzin, ta na ndíso chiꞌña ku na”, káchi ya.

ROMANOS 4:25

Saa chi mií ra ku ra ta̱xi Jesucristo ya ndi̱xiꞌi ra xaꞌa kuachi yo, ta xaꞌa ya ndi̱taku ra yakan ku̱chiñu ra si̱kitaꞌan ra yoo xiꞌin Ndioxi, saa ku̱chiñu yo ndu̱u yo tá íin naꞌa na vaꞌa, na köo ka kuachi kúu mií nuu ra.

1 Juan 2:2

Chi Jesucristo ku ra ndi̱soko mií, ndi̱xiꞌi ra xaꞌa kuachi ndiꞌi yo yakan vaꞌa xa̱a kaꞌnu ini Ndioxi xaꞌa yo. Ta süvi iindaa xaꞌa kuachi yoo ndi̱xiꞌi ra. Ndi̱xiꞌi ra xaꞌa kuachi ndiꞌi ni kúu na ñuu ivi.

HEBREOS 2:10

Ndiꞌi ñaꞌa ya si̱kuaꞌa Ndioxi ta íyo ya xaa kaꞌnu ya ra, chi tixin ndee mií ra kua íyo ndiꞌi ya. Ta saa kúni ra ná niꞌi ndiꞌi na kúu seꞌe ra koo na xiꞌin ra nuu luvi ni káa. Xaꞌa ya ikán kua ta̱xi ra ndo̱ꞌo ni Tata yo Jesús ndi̱xiꞌi ra. Ikán ku nuu si̱xinu ra ndiꞌi chiñu ya kúni Ndioxi, saa ku̱u nuu ku̱chiñu ra ndu̱u ra taa, ra sikaku yoo, na kúu seꞌe ra.

San Juan 10:15

Tá kuꞌva xíni Iva i yeꞌe, saa xíni vaꞌa tu mií va i ra ta íyo tuꞌva i kuvi i xaꞌa levo sana i.

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Mateo 20:27

Tá ndá iin ra, kúni ra kuu ra iin ra núnuu nuu ndo, ta xiꞌna xíniñuꞌu ra nduu ra moso nuu ndo.

San Marcos 10:45

Saa chi yeꞌe, ra kúu Taa xa̱a ñuu ivi yóꞌó, ta xa̱a i ya xaa vií i xiꞌin naꞌa. Ta süvi xaꞌa ya xaa vií na xiꞌin i kua xa̱a i, sundi yeꞌe, ta xa̱a i ya taxi i mií i kuvi i xaꞌa kuaꞌa ni naꞌa kua ―káchi ra xiꞌin nda.