San Mateo 19:21 - Xochapa Mixteco

²¹ Saa ndi̱kuiin Jesús, káꞌan ra: ―Tá tu kúni un koo un iin taa ra vaꞌa ni, kuáꞌan xiko ndiꞌi ñaꞌa ya kúu mií un, saa siniꞌi un xuꞌun nuu na ndaꞌvi. Saa kua ndukuika ni un xiꞌin Ndioxi nuu ndivi. Tá ndiꞌi i̱kan un saa, ta saa kixi un kundikun un yeꞌe ―káchi Jesús xiꞌin ra.

San Mateo 19:21 Referans Kwoze

San Marcos 10:21

Saa ndi̱koto Jesús nuu ra ta ndi̱taꞌvi ni ini ra xi̱ni ñaꞌa ra, saa ndi̱kaꞌan ra xiꞌin ra, káchi ra saa: ―Vani xa íkan ndiꞌi un ya ñaa, sundi kümani ka siin ya ikan un. Kuáꞌan xiko ndiꞌi ñaꞌa ya kúu mií un, ta chindee un na ndaꞌvi. Saa kua kuchiñu ndukuika un xiꞌin Ndioxi nuu ndivi. Xaa súvi ya ñaa, ta saa kixi un kundikun un yeꞌe, vani tixuꞌvi un án nda kuvi un xaꞌa i ―káchi Jesús xiꞌin ra.

San Lucas 18:22

Ñaa tá xi̱ni soꞌo Jesús ya ndi̱kaꞌan ra, saa ndi̱kaꞌan ra xiꞌin ra, káchi ra saa: ―Vani xa íkan ndiꞌi un ya ñaa, sundi kümani ka siín ya ikan un. Xiko ndiꞌi ñaꞌa kúu mií un ta chindee un na ndaꞌvi. Saa ku ndixa ya ndukuika un xiꞌin Ndioxi nuu ndivi. Ikan ya ñaa, tá sindiꞌi un i̱kan un ya, ta saa kixi un kundikun un yeꞌe ―káchi Jesús xiꞌin ra.

San Lucas 12:33

Xiko ndo ñaꞌa kúu mií ndo, saa taxi ndo xuꞌun ndaꞌa na ndaꞌvi. Kundiꞌi ini ndo chivaꞌa ndo ñaꞌa ndo ini ñaꞌa ya köo ndíꞌi xaꞌa íyo nuu ndivi ni na kuiꞌna küchiñu sikuiꞌna ya, ni tikixin küchiñu ri sindiꞌi xaꞌa ri ya.

San Lucas 14:33

Saa ndiꞌi ndóꞌo̱ tá tu köo xáꞌa ndee ini ndo sindoo ndo ndiꞌi ñaꞌa ya kúu mií ndo, ta küchiñu ndo kundikun ndo yeꞌe ―káchi Jesús.

Los Hechos 2:45

Tá xíni na köo ñaꞌa sava na taꞌan na, ta xíko na ñaꞌa na, án ñuꞌú na, ñaa kána xuꞌun chíndee ñaꞌa nda. Tá kuꞌva xíniñuꞌu na, saa íyo ya táxi na ndaꞌa taꞌan na.

San Juan 12:26

Tá ndá ndóꞌo̱ kúni xaa chiñu nuu i, ta vaꞌa kundikun ndo yeꞌe. Chi nuu koo i ta ikán koo tu ndóꞌo̱ va xiꞌin i. Tá ndá ndo xáa chiñu nuu i, ta xaa kaꞌnu Iva i Ndioxi ndóꞌo̱ ―káchi Jesús xiꞌin na.

San Lucas 9:23

Ta saa ndi̱kaꞌan ra xiꞌin ndiꞌi na ndóo ikán káchi ra saa: ―Tá ndá ndóꞌo̱ kúni xaa súvi ya káꞌan Ndioxi, ta ïkan ka ndo ndisaa ya kúni mií ndo, saa kuchiñu ndo ikan ndo ya kúni Ndioxi. Ta naꞌa ndo kundikun ndo yeꞌe kundiso ndo cruzin ndo, koo ndúvi ndo ndiꞌi saa kivi ya ndoꞌo ndo xaꞌa i.

San Juan 10:27

Chi levo sana i ta ndíkuni ri tachi i, yakan vaꞌa ndíkundikun ri yeꞌe, ta saa tu yeꞌe va xíni ndiꞌi i ri ikán.

San Mateo 5:48

Xaꞌa ya ñaa kua ná koo ndo naꞌa, na ndaa ini, tá kuꞌva íyo Iva yo Ndioxi ra i̱í, ra ndaa ini ―káchi Jesús xiꞌin na.

San Lucas 16:9

Ta saa ndi̱kaꞌan ka ra káchi ra saa: ―Yeꞌe káꞌan xiꞌin ndo, vaꞌa kuniñuꞌu ndo xuꞌun ya íyo ñuu ivi väꞌa yóꞌó, ya xaa ganaa ndo na kutaꞌan xiꞌin ndo, tá xa ndi̱ꞌi ñaꞌa ndo ta koo na ndikuiso vií ndóꞌo̱ nuu koo ndo ndiꞌi saa kúu kivi nuu ndivi.

San Mateo 19:28

Saa ndi̱kaꞌan Jesús xiꞌin nda, káchi ra: ―Ya ndaa káꞌan i xiꞌin ndo, tá ná tindaa kivi ya nduxaa ñuu ivi yóꞌó, ta yeꞌe, Taa ra xa̱a ñuu ivi yóꞌó, ta koo i nuu tai toꞌo, itun luvi ni, ikán koo i kaꞌnda chiñu i. Ta ndóꞌo̱ ndíkun yeꞌe, uxi uvi saa ndo koo nuu iin iin tai toꞌo xaa nani ndo kuachi xiꞌin uxi uvi saa tiꞌvi na Israel.

San Mateo 16:24

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Tá ndá naꞌa kúni kundikun yeꞌe, ta xíniñuꞌu na ndindoso ini na xaꞌa mií na, saa ndikundiso na cruzin na, ta ndikundikun na yeꞌe.

San Lucas 6:40

Ni iin ra síkuaꞌa ta küvi ndikunuu ra nuu maestro ra, saa chi ra sikan síkuaꞌa ku ra, nda ná xinu ra sikuaꞌa ra, ta saa xinu ra koo ra tá káa maestro ra.

San Lucas 5:27

Sindiꞌi ikán ke̱e Jesús kuaꞌan ra, ndi̱yaꞌa ra nuu ndíkaa iin ra náni Leví, ra xáa chiñu nuu gobierno ñuu Roma ku ra, saa índuꞌu ra nuu cháꞌvi na xuꞌun. Tá ndi̱yaꞌa Jesús ta ndi̱kaꞌan ra xiꞌin ra, káchi ra saa: ―Naꞌa koꞌyo xiꞌin i ―káchi ra.

San Marcos 8:34

Sindiꞌi saa ka̱na Jesús nda ítaꞌan xiꞌin ra xiꞌin ka naꞌa ikán, saa ndi̱kaꞌan ra xiꞌin na, káchi ra saa: ―Tá ndá ndóꞌo̱ kúni kundikun yeꞌe ta ïkan ka ndo ndisaa ya kúni mií ndo, xaꞌa ndee ini ndo ndoꞌo ndo xaꞌa i ta kundikun ndo kixi ndo sata i.

San Mateo 9:9

Tá ndiꞌi ikán, saa ke̱e Jesús yáꞌa ra kuaꞌan ra, ta ikán xi̱ni ra iin taa, ra náni Mateo. Índuꞌu ra xáa chiñu ra, ndíkaya ra xuꞌun nuu gobierno ñuu Roma. Saa ndi̱kaꞌan Jesús xiꞌin ra, káchi ra saa: ―Naꞌa, kundikun un yeꞌe ―káchi ra xiꞌin ra. Saa ndi̱kundichi ra Mateo ndi̱kiꞌin ra kuaꞌan ra xiꞌin Jesús.

HEBREOS 10:34

Saa ku̱ndaꞌvi ni ini ndo xi̱ni ndo na tá ñúꞌu na veꞌe kàà. Ta nda kúsini ndo tá xíto ndo kíndaa na ñaꞌa ndo ndaꞌa ndo. Saa chi ndóꞌo̱, ra xíni ndo, vaꞌa ni ka ñaꞌa kúu mií ndo nuu ndivi, ya taxi Ndioxi ndaꞌa ndo, saa chi ya ikán ta nda iin ichí ndïꞌi xaꞌa ya.

San Marcos 2:14

Tá ndiꞌi ikán ta ndi̱kiꞌin ra kuaꞌan ra, saa ndi̱yaꞌa ra iin ñaꞌñu nuu ndíkaya na xuꞌun kuaꞌan ndaꞌa na ñuu Roma. Ta ikán índuꞌu ra Leví, seꞌe ra Alfeo, xáa chiñu ra. Saa ndi̱kaꞌan Jesús xiꞌin ra, káchi ra saa: ―Naꞌa koꞌyo xiꞌin i ―káchi ra xiꞌin ra. Saa ndikun si̱ndoo ra chiñu ra, ta ndi̱kundichi ra kuaꞌan ra xiꞌin Jesús.

San Mateo 8:22

Saa ndi̱kuiin Jesús, káchi ra saa: ―Naꞌa, kuꞌun un xiꞌin i. Vaꞌa na ndíi, ná sinduxin taꞌan mií va na ―káchi Jesús xiꞌin ra.

San Mateo 4:19

Saa ndi̱kaꞌan Jesús xiꞌin nda, káchi ra saa: ―Naꞌa ndo kundikun ndo yeꞌe, ta sinaꞌa i ndóꞌo̱ ndá kuꞌva ndikaya ndo naꞌa kundikun na ichí Ndioxi ―káchi Jesús xiꞌin nda.

San Mateo 19:20

Saa ndi̱kuiin ra ndi̱kaꞌan ra xiꞌin Jesús, káchi ra saa: ―Tata, nda tá loꞌo vi i xáa súvi i ndiꞌi ley ñaa. Ta ¿án íyo ka inka chiñu kúmani xaa súvi i? ―káchi ra.

San Mateo 19:22

Saa tá xi̱ni soꞌo ra tuꞌun ndi̱kaꞌan Jesús xiꞌin ra, ta ndi̱kava ni ini ra kuaꞌan ra, saa chi kuika ni ra.