San Mateo 19:17 - Xochapa Mixteco

¹⁷ Saa ndi̱kuiin Jesús, káchi ra saa: ―¿Ndachu káꞌan un kúu i iin taa ra vaꞌa ni? Saa chi köo naꞌa na vaꞌa ni, iindaa mituꞌun mií Ndioxi ku ra vaꞌa ni. Tá tu kúni un kutaku un xiꞌin ra ndiꞌi saa kivi ya vaxi, ta xíniñuꞌu un xaa súvi un ley Ndioxi ―káchi Jesús xiꞌin ra.

San Mateo 19:17 Referans Kwoze

ROMANOS 10:5

Ta saa ley Ndioxi ya ta̱a ra Moisés xinaꞌa káꞌan ya ndá kuꞌva kua nduu na, na vaꞌa na ka köo kuachi kúu mií nuu Ndioxi, káchi ya saa: “Naꞌa na kúchiñu xáa súvi ley Ndioxi, na ikán ku na kuchiñu nduu naꞌa, na vaꞌa, na köo ka kuachi ku mií nuu Ndioxi, tá tu xáa suvi na ya”, káchi ley Ndioxi.

1 Juan 4:16

Xíni yo ndá kuꞌva íyo ini Ndioxi, ta kúndaa ini yo ya kúꞌvi ni ini ra xíni ra yoo. Saa chi Ndioxi ta mani ni yoo nuu ra. Ndiꞌi na kúꞌvi ini xíni taꞌan, ta ítaꞌan vaꞌa na xiꞌin Ndioxi, saa Ndioxi ítaꞌan vaꞌa ra xiꞌin na.

Santiago 1:17

Chi ndiꞌi ñaꞌa ya vaꞌa xiꞌin ya ndaa níꞌi yo, ta chí ni̱nù vaxi ndiꞌi ya, nuu mií Iva yo ra si̱kuaꞌa kiti kimi xiꞌin ndiꞌi ñaꞌa ya íyo nuu ndivi ni̱nù nuu íyo ra, nuu yéꞌe̱ ndiꞌi saa kivi, ta köo ndínama nuu íyo ra, ni köo kúnaá, ta nuu mií ra kua vaxi ndiꞌi ya.