San Mateo 18:35 - Xochapa Mixteco

³⁵ Saa ndi̱kaꞌan ka ra xiꞌin na, káchi ra saa: ―Tá i̱kan ra rey ikán saa ikan Iva i Ndioxi ra íyo nuu ndivi xiꞌin ndo, tá tu köo ndinuꞌu ini ndo xáa kaꞌnu ini ndo xaꞌa ya íkan na taꞌan ndo xiꞌin ndo ―káchi Jesús xiꞌin na.

San Mateo 18:35 Referans Kwoze

Santiago 2:13

Saa chi ndiꞌi na köo kúndaꞌvi ini xíni inka na, ta kuꞌva saa kündaꞌvi ini Ndioxi kuni ra naꞌa tá ná xaa nani ra kuachi xiꞌin na ñuu ivi. Sundi naꞌa, na ku̱ndaꞌvi ini xi̱ni inka naꞌa, ta kuꞌva saa kundaꞌvi ini Ndioxi kuni ra na.

San Marcos 11:25

Tá íyo ndo káꞌan ndo xiꞌin ra, ta xaa kaꞌnu ini ndo xaꞌa naꞌa na väꞌa kúni ndo xíni ndo, tá ndá ya väꞌa i̱kan na xiꞌin ndo, xaa kaꞌnu ini ndo xaꞌa kuachi na, ta saa xaa kaꞌnu ini Iva yo ra íyo nuu ndivi xaꞌa kuachi ndo.

San Mateo 6:12

Xaa kaꞌnu ini un xaꞌa kuachi nde, saa chi saa tu ndeꞌe va xáa kaꞌnu ini nde xaꞌa kuachi na íkan ya väꞌa xiꞌin nde.

San Lucas 16:15

Saa ndi̱kaꞌan ra xiꞌin nda, káchi ra saa: ―Ndóꞌo̱ ta ndása vaꞌa ni ndo mií ndo nuu naꞌa. Sundi Ndioxi ta xíni vaꞌa ra nima ndo köo íyo ndaku ini ndo. Ndiꞌi ñaꞌa ya ndee ni ndáa yaꞌvi nuu ndo ñuu ivi yóꞌó ta köo ndáa yaꞌvi ya nuu Ndioxi, ya kúndasi nuu va ra ku ya ―káchi Jesús xiꞌin nda.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.

Santiago 3:14

Ni ndíchi ni va tu ndo, sundi tá kǔní ni ini ndo xíni taꞌan ndo, án káni taꞌan ndo xiꞌin taꞌan ndo, ta chïnuu vaꞌa ndo tuꞌun ndo ni sïndaꞌvi taꞌan ndo, chi köo íkan ndo ya ndaa xiꞌin taꞌan ndo.

Santiago 4:8

Ta vaꞌa kuyati ndo nuu Ndioxi saa kuyati ra nuu ndo. Ta ndóꞌo̱ íyo kuachi, kukuiin ndo xiꞌin ya väꞌa kéꞌe ndo, ndikata ndo ndaꞌa ndo. Saa tu ndóꞌo̱ uvi ini këꞌe ka ndo saa, ndasa vaꞌa ndo nima ndo ná nduvií ndo.

San Mateo 18:34

Saa ndi̱saa ni mií ra rey ikán ta chi̱kaa ñaꞌa ra veꞌe kàà, ta xa̱ꞌnda ra chiñu ya ná sitixuꞌvi ni na ra, ndakua chaꞌvi ndiꞌi ra ya níka ra, nda saa keta ra veꞌe kàà. Saa káchi tuꞌun ndíchi yóꞌó ―káchi Jesús xiꞌin ra Pedro.

San Marcos 11:26

Saa chi tá tu ná xäa kaꞌnu ini ndo xaꞌa ya väꞌa íkan na xiꞌin ndo, ta ni Ndioxi xäa kaꞌnu ini ra xaꞌa kuachi ndo ―káchi Jesús xiꞌin nda.