San Mateo 18:31 - Xochapa Mixteco

³¹ Saa xi̱ni inka nda xáa chiñu nuu ra rey ikán ya ndo̱ꞌo ra, ta ku̱suchi ni ini nda, ñaa ndi̱xaꞌan nda ndi̱tuꞌun nda xiꞌin ra rey ya ndo̱ꞌo ra taꞌan nda.

San Mateo 18:31 Referans Kwoze

ROMANOS 12:15

Kusini ni ndo xiꞌin naꞌa, na kúsini, ta kuaku ndo xiꞌin naꞌa, na xáku.

HEBREOS 13:3

Ta ndikaꞌán ini ndo xaꞌa na ñúꞌu veꞌe kàà, nda tá íin mií vi ndo, saa íin ndo ñúꞌu veꞌe kàà xiꞌin na, kukaꞌán ndo. Ta saa kuñuꞌu ini ndo xaꞌa na ndóꞌo ni ini íkan inka naꞌa, nda tá xiꞌin mií vi ndo kua íkan na saa, kukaꞌán ndo.

San Marcos 3:5

Saa ndi̱saa ni Jesús ndi̱koto ra nuu nda ndóo ikán, ta ku̱chiꞌña ka vi ini ra, chi tuun ni nima nda. Saa ndi̱kaꞌan ra xiꞌin ra ndi̱ndichi ndaꞌa ikán, káchi ra saa: Sindikaa ndaꞌa un ―káchi ra xiꞌin ra. Saa si̱ndikaa ra ndaꞌa ra. Tá si̱ndikaa soꞌva ra ya, ta ndikun ndu̱vaꞌa ya.

San Lucas 19:41

Ñaa ndi̱xaa Jesús yati ñuu Jerusalén. Tá xi̱ni ra ñuu ikán ta xa̱á ra xáku ra xaꞌa na ndóo ikán,

San Lucas 14:21

Saa ndi̱ko koo ra moso ikán veꞌe ndi̱tuꞌun ndiꞌi ra xiꞌin xitoꞌo ra unkua ndi̱kaꞌan na xiꞌin ra. Ñaa ndi̱saa ni xitoꞌo ra, ndi̱kuiin ra káchi ra saa: “Ná koo na saa tá tu köo kúni na kixi na. Kuáꞌan ndiꞌi ni kúu ichí naꞌnu tin ichí vali, ndikuiso ndiꞌi un na ndaꞌvi, na köo ndaꞌa xiꞌin na küvi kaka xiꞌin na kuáa̱. Na ñaa kundaka un kixi xiꞌin un”, káchi ra xiꞌin moso ra.

HEBREOS 13:17

Xaa súvi ndo chiñu káꞌan na xáꞌnda chiñu nuu ndo veꞌe ñuꞌu xiꞌin ndo, saa chi na ikán, ta ndíꞌi ni ini na xaꞌa ndo, köo ndíkundee na, chi xíni na vaxi kivi ta taxi na kuenta ndaꞌa Ndioxi xaꞌa ndo. Yakan kuni soꞌo ni ndo ya káꞌan na xiꞌin ndo, ta saa kusini ni na xaa súvi na chiñu ya íkan na, chi tá ná xaa soꞌo ndo nuu na, ta ni köo ñaꞌa niꞌi vi ndo.

2 Corintios 11:21

Kúkaꞌán ni nuu i káꞌan i saa xiꞌin ndo, chi ndeꞌe, ta nda loꞌo köo ndíxaa nduvaꞌa nde xiꞌin ndo, tá kuꞌva íkan nda ñaa xiꞌin ndo. Xaꞌa ya ñaa kua vita ni va ndi̱xiyo ini nde xiꞌin ndo, túvi ndo. Tá ndá naꞌa kútoo kaꞌan vaꞌa xaꞌa mií, ta saa tu yeꞌe va, káꞌan vaꞌa i xaꞌa i, vani tá káa iin ra yáꞌa loꞌo ini va saa káa i, ya káꞌan i kuꞌva saa xiꞌin ndo.

San Mateo 14:9

Saa ku̱chiꞌña ni ini ra rey, ta xaꞌa ya xa ki̱ndoo ra taxi ra ya ndaꞌa yá nuu ndiꞌi na ndóo xiꞌin ra nuu mesa ikán, xaꞌa ya ikán kua xa̱ꞌnda ra chiñu ya taxi na xiní ra Juan ndaꞌa yá.

San Mateo 18:28

Saa ke̱ta ra moso ikán kuaꞌan ra, ñaa ndi̱kitaꞌan ra xiꞌin inka moso taꞌan mií ra, ta níka ra ikán iin ciento xuꞌun vali ya náni denario nuu ra. Ñaa xa̱á ra xáxin ra sukun ra xáa nduxa ra xiꞌin ra, káchi ra saa: “¡Chaꞌvi ya níka un nuu i!”, káchi ra xiꞌin ra.

San Mateo 18:30

Ta köo ndi̱xiin ra kundatun ra, ndi̱xaꞌan ra chi̱kaa ñaꞌa ra veꞌe kàà ndakua ná chaꞌvi ndiꞌi ra ya loꞌo níka ra nuu ra.

San Mateo 18:32

Saa ka̱na ra rey ikán ra ta ndi̱kaꞌan ra xiꞌin ra, káchi ra saa: “¡Süvi ra vaꞌa ku un! Xa̱a kaꞌnu ini i xaꞌa ya xi̱nika un nuu i, saa chi xa̱ku ndaꞌvi un nuu i.